ریڈیو زْرمبش بلوچی | ریڈیو زْرمبش بلوچی

سی پیک دگ ءِ سر ءَ پاکستانی لشکر ءِ پانگس ءُ ایپ ڈبلیو او ءِ کارمندانی سر ءَ اُرش ءِ زمہ واری بی ایل ایپ ءَ منّ اتگ

سی پیک دگ ءِ سر ءَ پاکستانی لشکر ءِ پانگس ءُ ایپ ڈبلیو او ءِ کارمندانی سر ءَ اُرش ءِ زمہ واری بی ایل ایپ ءَ منّ اتگ

JUL

06
06 / 07 / 2021 بی ایل ایپ 67

بلوچستان آجوئی سنگر ءِ جارکش میجر گھرام ءَ چہ پجار نہ بیتگیں جاھے ءَ وتی شنگ کرتگیں درشانی ءَ سی پیک دگ ءِ سر ءَ برجاھیں پاکستانی لشکر ءِ پانگس ءُ ایپ ڈبلیو او ءِ کارمندانی سر ءَ اُرش ءِ زمہ واری منّ اتگ ءُ گوشتگ: دوشمبے ءِ بیگاہ ءِ ادار 7 ءَ سرمچاراں آواران تیرتیج ءَ سی پیک دگ ءَ کار کنوکیں شرکت ایپ ڈبلیو او ءِ کارمندانی سر ءَ اُرش کرتگ ءُ ھمے وھد ءَ سرمچاراں تیرتیج جِک ءَ پاکستانی لشکر ءِ برجاھیں پانگس گوں راکٹ ءُ مزنیں سلاھاں نشانگ کرتگ، پاکستانی لشکر ءَ جانی ءُ مالی تاوان بیتگ۔ جارکش ءَ گوشتگ کہ سی پیک شوربندی دگ ءَ زورگیریں لشکر ءِ دگ ءُ آدگہ کارانی نام ءَ راھانی سر ءَ لس مردمانی زمیناں دستیگ کنگ ءَ اِنت۔ مجیر گھرام ءَ ھندی ٹیکدار مکن کُرتگ ءُ گوشتگ کہ آ ایپ ڈبلیو ءِ شرکت ءِ ٹیکہ ءِ زورگ ءَ بند بہ کن اَنت ءُ سرکاری شوربندیاں چہ وت ءَ دور بدار اَنت۔ اگاں نہ آ وتی تاوان ءِ زمہ وار وت اَنت۔ بنشون:درشان/اکس:زْرمبش