ریڈیو زْرمبش بلوچی | ریڈیو زْرمبش بلوچی

گَل ءَ چہ تُربت ءِ باپاریاں مالی کمک نہ لوٹ اِتگ۔ بی ایل اے

گَل ءَ چہ تُربت ءِ باپاریاں مالی کمک نہ لوٹ اِتگ۔ بی ایل اے

NOV

19
19 / 11 / 2022 بی این اے  ,  بی ایل ایپ 62

بلوچ آجوئی لشکر (بی ایل اے) ءِ جارکش آزاد ءَ تربت باپاری پتر ءِ نیمگ ءَ شنگ بیتگیں درشان ءَ چہ باپاریاں مالی کمک ءِ لوٹگ رد کُرتگ۔ آزاد ءَ گْوشتگ کہ تربت ءَ باپاری پتر ءِ نیمگ ءَ 17 نومبر ءَ شنگ بیتگیں بیان ءِ رِد ءَ بی ایل اے ءِ نام ءَ چہ باپاریاں مالی کمک لوٹگ بیگ ءَ اِنت،ما ایشی ءَ ایرجنیں۔ چہ بلوچ باپاریاں مالی کمک ءُ آیانی دلسیاہ کنگ ءَ بی ایل اے ءِ دست مان نہ اِنت۔ جارکش ءَ گْوشتگ کہ ما اے گْواچن ءَ رد کُرت نہ کنیں ءُ پہ شان گْوش ایں کہ اے وھدی بی ایل اے ءِ ھستی ءِ بنکی سْوب ھزارانی کچ ءَ بلوچ کمکارانی گوں گل ءَ بندوکی اِنت، بلے گل ءِ جوڑ بیگ ءَ بگر داں روچ ءِ مرچی گل ءَ ھچبر پہ زور چہ بلوچ ءَ کمک نہ لوٹ اِتگ۔بی ایل اے چہ وتی جوڑ بیگ ءِ دو دھکاں گیش اِنت کہ گوں راج ءَ یک تچک ءُ منگھیں سیادی یے ءَ بندوک اِنت۔توانمندی ءَ ابید ما وتی ھمک کار ءِ سر ءَ بلوچ راج ءِ جوابدہ ایں۔ آئی ءَ گْوشتگ کہ ما راج ءِ دیم ءَ اے گپ ءَ تچک کنگ لوٹیں کہ تربت ءَ چہ نیزگاریں باپاریاں مالی کمک ءِ نام ءَ باجگری لوٹگ ءِ پُشت ءَ چو پیش ءِ وڑ ءَ دُژمنیں لشکر،چیریں ادارہ ءُ آیانی ھندی کمارانی پندلے بوت کنت۔ایشی ءَ ابید چہ بی ایل اے ءَ ماٹو کنگ بیتگیں ٹولی ھم بوت کنت کہ گْوستگیں چار سالانی تہ ءَ بی ایل اے ءِ نام ءَ کارمرد کنگ ءُ ھر کجا گل ءُ زْرمبشت ءَ تاوان دیگ ءُ پولینگ کنگ ءَ اِنت۔ بنشون: درشان| اکس: زْرمبش