ریڈیو زْرمبش بلوچی | ریڈیو زْرمبش بلوچی

ھاران ءُ کلات ءَ دوجتائیں اُرشانی زمہ واری بی ایل اے ءَ منّ اِتگ۔

ھاران ءُ کلات ءَ دوجتائیں اُرشانی زمہ واری بی ایل اے ءَ منّ اِتگ۔

SEP

17
17 / 09 / 2022 بی ایل اے 50

بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں ھاران ءُ کلات ءَ دو جتاھیں اُرشاں زورگریں پاکستانی لشکر ءُ آئی ءِ ھندی چاریگ نشانگ کرتگ اَنت یکے کشتگ ءُ سے ٹپی کرتگ۔ جارکش ءَ گوشتگ کہ گوستگیں روچ ءَ سرمچاراں ھاران ءِ ھند لجے شوآپ ءِ جھمنند بیگ مھمد ساسولی ءَ تیرگواری کرتگ ءُ کشتگ۔ اے مردم پاکستانی لشکر ءُ آئی چیریں ادارھانی جوڑ کرتگیں کشندہ ٹولی ءِ کارمَنْد ءُ چاریگے بیتگ۔ چاریگ بیگ مھمد چہ گْوستگیں دراجکشیں وھدے ءَ کلات ءُ ھاران ءِ کِر ءُ کشانی ھنداں لشکر کشیاں دُژمنیں کارمندانی کمک، کشندہ ٹولی ءِ کارمندانی ڈوار دیگ ءُ دُژمن ءِ گوشتن ءِ رد ءَ ھندی مردمانی تنگ کنگ ءَ ھوار جتاھیں وڑاں بلوچ زْرمبشت ءِ بگیری ءِ کاراں ھوار بیتگ۔ جیھند ءَ گوشتگ کہ بی ایل اے یک رندے پد ءَ تچکی ءَ گوش ایت کہ چونیں مردمے چہ کجام ٹک ءَ بہ بیت، زورگریں لشکر یا آئی جوڑ کرتگیں کشندہ ٹولی ءِ کمک ءَ بہ کنت، یا کجام وڑیں بلوچ بگیری ءِ کاراں ھوار بہ بیت، آ ھچ وڑ ءَ پھل کنگ نہ بیت، زوت بہ بیت یا دیر آئی ءِ میارانی کچ ءَ سزا دیگ بیت۔ جارکش ءَ گوشتگ کہ ھمے وڑ ءِ کلات ءِ جوھان ءَ گْوَستگیں شپ ءَ مئے سرمچاراں زورگریں پاکستانی لشکر ءِ گاڑی ءَ سواریں کارمَنْد ھما وھد ءَ گوں چیر کرتگیں شورھاں نشانگ کرتگ اَنت کہ آ ھمے ھند ءَ ترّ ءُ گرد کنگ ءَ بیتگ اَنت۔ تراک ءِ آسر ءَ دُژمنیں لشکر ءِ سے کارمَنْد ٹپی بیتگ ءُ گاڑی ءَ گیش تاوان بیتگ۔ جیھند وتی درشان ءِ گُڈی ءَ گوشتگ کہ بلوچ آجوئی لشکر اے دوئیں اُرشانی زمہ واری ءَ منّ ایت۔ مئے جھد داں زورگریں لشکر ءِ سرجم ءَ در آھگ ءُ آئی کمکارانی ھلاسی ءَ برجاہ بیت۔ بنشون: درشان |اکس: زْرمبش