ریڈیو زْرمبش بلوچی | ریڈیو زْرمبش بلوچی

بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں پنجگور ءُ تربت ءَ دوجتائیں اُرشاں زورگریں پاکستانی لشکر نشانگ کرتگ۔ اُرشاں پنچ دُژمن کارمند ٹپی بیتگ۔ آئی ءَ گوشتگ کہ بی ایل اے ءِ سرمچاراں گوستگیں شپ ءَ پنجگور ءِ ھند راھی نگور ءَ سی پیک دگ ءَ برجاھیں زورگریں پاکستانی لشکر ءِ یک پانگسے نشانگ کرتگ۔ سرمچاراں پانگس ءَ گرنیڈ لانچر ءِ باز گولا آس داتگ، تراکانی آسر ءَ کم چہ کم سے دُژمن کارمند ٹپی بیتگ ءُ دُژمن ءَ گیش جانی ءُ مالی تاوان بیتگ۔ جارکش ءَ گوشتگ کہ بی ایل اے ءِ سرمچاراں 2 ستمبر ءِ شپ ءَ دگہ یک کاروائی یے ءَ تربت ءِ ھند جوسک ءَ زورگریں پاکستانی لشکر ءِ یک پانگسے گوں دستی بمب اُرش ءَ نشانگ کرتگ۔ تراک ءَ دو دُژمن کارمند ٹپی بیتگ۔ بی ایل اے ءِ جارکش جیھند ءَ اے دوئیں اُرشانی زمہ واری منّ اِتگ ءُ گوشتگ کہ داں مول ءَ سوبین بیگ ءَ زورگریں لشکر ءُ آئی شریدارانی سر ءَ مئے اُرش برجاہ بنت۔ بنشون: درشان / اکس: زرمبش