ریڈیو زْرمبش بلوچی | ریڈیو زْرمبش بلوچی

بلوچ آجوئی لشکر (بی ایل اے) ءِ جارکش جیھند ءَ ماں رسانکدر ءَ وتی شنگ کُرتگیں درشانے ءَ گْوشتگ کہ سرمچاراں کیچ ءِ ھند ھوشاپ ءَ یک اُرشے ءَ زورگریں پاکستانی لشکر ءِ چار کارمند کُشتگ ءُ باز ٹپی کُرتگ ءُ یک ڈرون ئِے جتگ ءُ دور داتگ۔ آئی ءَ گْوشتگ کہ سرمچاراں دوشی ھوشاپ ءَ زورگریں پاکستانی لشکر ءِ بُنجل ءِ سر ءَ گوں راکٹ ءُ نوکیں سلاھاں اُرش کُرتگ، داں پانزہ دمان ءَ برجاہ بیتگیں اُرش ءَ کم چہ کم دُژمنیں لشکر ءِ چار کارمند مُرتگ ءِ باز ٹپی بیتگ۔ بی ایل اے ءِ جارکش ءَ گْوشتگ کہ اُرش ءِ میان ءَ سرمچارانی بگیری ءَ 'سرویلنس ڈرون' کارمرد کنگ بیتگ کہ سرمچاراں نشانگ کُرتگ ءُ دور داتگ۔ اے اُرش ءَ دُژمنیں لشکر ءِ یک پانگسے چہ راکٹ ءِ نشانگ بیگ ءِ سْوب ءَ سرجم ءَ تباہ بیتگ۔پروش وارتگیں لشکر دُژمن ءِ کارمنداں اُرش ءَ پد میتگ ءِ سر ءَ باز ماٹر ءِ گولا آس داتگ۔ جیھند ءَ گْوشتگ کہ بی ایل اے ھمے اُرش ءِ زمہ واری ءَ منّ ایت ءُ کول کنت کہ داں زورگریں لشکر ءِ دراھگ ءَ مئے اُرش گوں تْرندی ءَ برجاہ بنت۔ بنشون: درشان | اکس: زْرمبش