ریڈیو زْرمبش بلوچی | ریڈیو زْرمبش بلوچی

نوشکے:گوں دُژمن ءَ دیم پہ دیمی میڑے ءَ شش سرمچار شھید ءُ درزنی ءَ گیش دْژمن ءِ کامند مُرتگ-بی ایل اے

نوشکے:گوں دُژمن ءَ دیم پہ دیمی میڑے ءَ شش سرمچار شھید ءُ درزنی ءَ گیش دْژمن ءِ کامند مُرتگ-بی ایل اے

SEP

30
30 / 09 / 2021 بی ایل اے 84

بلوچ آجوئی لشکر ءِ جارکش جیھند ءَ وتی شنگ کُرتگیں درشانی ءَ گْوشتگ کہ نوشکے ءُ ھاران ءِ کوھی دمگاں 24 ستمبر ءَ آدینگ ءِ روچ ءَ بڈو ڈور کور سُوماری سیاہ لوپ ءَ گوں دُژمن ءِ دیم پہ دیمی میڑے ءَ بی ایل اے ءِ پنچ جوانمردیں سرمچاراں جنگ دیان ءَ مزنیں کِردے پیلو کُرتگ ءُ شھیدی ءِ منگھاں سر بیتگ اَنت۔ میڑ ءَ دُژمنیں لشکر ءِ درزنی ءَ گیش کارمند مُرتگ ءُ بازینے ٹپی کنگ بیتگ۔ جار کش ءَ گْوشتگ کہ میڑ بامگواہ ءَ ھما وھد ءَ بندات بیتگ وھدے دُژمنیں لشکر ءُ ھندی چریک وتگڑیں ڈیتھ اسکواڈ ءِ کارمند دمگ ءَ تر ءُ تاب ءَ درکپتگ اَنت کہ سرمچارانی یک ٹولی یے ءِ انگر کنگ ءِ جُھد اِش کُتگ۔ چار اداراں گیش دیم پہ دیمی میڑءَ سرمچاراں دُژمنیں لشکر ءِ درزنی ءَ گیش کارمند کُشتگ ءُ ٹپی کُرتگ ءُ شش سرمچاراں ُژمن ءِ انگر پروشتگ ءُ وتی آدگہ ھمبلانی در کنگ ءَ سوبین بیتگ اَنت ءُ پہ وت ءَ شھیدی ءِ راہ گچین کُرتگ۔ آئی گْوشتگ کہ شھیدیں سرمچارانی تہ ءَ کماندار گنجل پنام کامریڈ مزار، نزیر پنام سنگر، پیسل پنام یاسر، کلیم پنام بولانی ءُ ریھان پنام مھروان ءِ سیادی چہ بی ایل اے ءَ بیتگ ءُ یو بی اے ءِ سرمچار نودان پنام ھمل ءَ ھم بی ایل اے ءِ سرمچارانی ھواری ءَ پہ گوں جوانمردی ءَ دُژمن ءِ بگیری ءَ جنگ داتگ ءُ شھید بیتگ۔ جارکش ءَ گْوشتگ کہ شھیدیں سرمچارانی گون ءَ ھوار بیتگیں کراچی ءِ لیاری ءَ سیادی داروکیں کماندار گنجل پنام کامریڈ مزار ء لکّا گْوستگیں چار سالاں گوں بی ایل ءَ بندوک بیتگ۔آئی چہ وتی جنگی ءُ سیاسی سوھوی ءَ گل ءِ تہ ءِ جوانے جاھے جوڑ کرتگ ءُ گچینی زمہ واری پیلو کُرتگ اَنت۔ کمانڈر گنجل ءَ گوں وتی سوھوی ءُ ایمانداری ءِ سْوب ءَ بی ایل اے ءَ ھندی کماندار گچین کُرتگ ءُ آئی وتی زمہ واری داں گْڈی وھد ءَ پہ جوانی پیلو کُرت ءُ چہ دُژمن ءِ انگر ءَ وتی بازیں ھمبل در کنگ ءَ سوبین بیتگ ءُ پہ وت ءَ شھیدی گچین کُرتگ۔ جیھند ءَ گْوشتگ کہ شھیدیں سرمچارواں نزیر پنام سنگر ء مھمد کاسم میروانی ءِ سیادی چہ کلی میروانی سوراب، پیسل رودینی پنام یاسر ءِ سیادی چہ کلی رودینی سوراب، کلیم اللہ پنام بولانی ء ملبول اھمد ریکی ءِ سیادی چہ دمب سوراب ءَ بیتگ۔سئیں سرمچار گْوستگیں سَے سال بیت کہ گوں بی ایل اے ءَ بندوک بیتگ اَنت۔سئیں سرمچار بی ایل اے ءِ جتائیں شھری بھرگاں داں سَے سالاں گوں جوانیں وڑے ءَ وتی کرد پیلو کنگ ءَ پد گل ءِ سوڑگ کنگ ءَ کنگ ءَ پد کوہ ءَ لوٹائینگ بیتگ اَنت۔ آئی گْوشتگ کہ نہ تُرسین ورنائیں سرمچار شھید ریھان پنام مھروان ء شوکت بادینی جھمنند کلی شریپ ھان نوشکے گْوستگیں یک سالے ءَ گوں بی ایل اے ءَ بندوک بیتگ ءُ وتی زمہ واریاں پیلو کنگ ءَ بیتگ ءُ شھید سرمچار ایڈووکیٹ نودان پنام ھمل ء کامریڈ ھمید جھمنند نوشکے گْوستگیں یک سالے ءَ گوں یو بی اے ءَ بندوک بیتگ ءُ دُژمن ءِ بگیری ءَ بی ایل اے ءِ ھمبلانی گون ءَ ھوار بیتگ ءُ داں گُڈی تیر ءَ جنگے داتگ۔ جارکش ءَ گْوشتگ کہ بازیں اداراں جنگ دیان ءَ ھمبلاں دْژمن گوں ھاک ءَ ھوار کُرتگ ءُ گُڈی ءَ تیرانی ھلاس بیگ ءَ پد ھمبل کلیم پنام بولانی ءُ ھمبل نودان پنام ھمل ءَ گُڈی تیر ءِ مزنیں لیکہ گچین کُرتگ ءُ چہ دُژمن ءِ دزگیر بیگ ءِ جاہ ءَ وت ءَ جتگ ءُ شھیدی ءِ منگھاں برجم بیتگ اَنت۔ جیھند ءَ گْوشتگ کہ بی ایل اے شھید بیتگیں سرمچاراں سرڈگار ءِ پھازگ ءُ گوں جوانمردی ءَ جنگ دیان ءَ شھید بیتگ اَنت دْروت ندر کنیں ءُ اے کول ءَ کنیں کہ شھیداں گل،راج ءُ گْواستانک ھچبر بیھال کنگ ءَ نیل ایت ءُ بی ایل اے شھیدانی گُڈی واھگاں داں منزل ءَ سر کنت۔ بنشون:درشان/اکس:زْرمبش