ریڈیو زْرمبش بلوچی | ریڈیو زْرمبش بلوچی

بولان ءَ پاکستانی لشکر ءِ گشتی کاروان ءِ سر ءَ اُرش ءَ چارکارمند مرتگ، دو ٹپی بیتگ۔ بی ایل اے

بولان ءَ پاکستانی لشکر ءِ گشتی کاروان ءِ سر ءَ اُرش ءَ چارکارمند مرتگ، دو ٹپی بیتگ۔ بی ایل اے

SEP

26
26 / 09 / 2021 بی ایل اے 76

بولان: بلوچ آجوئی لشکر (بی ایل اے) ءِ جارکش جیھند ءَ وتی شنگ کرتگیں درشانی ءَ گوشتگ کہ سرمچاراں بولان ءَ زورگیریں لشکر ءِ گشتی کاروان ءِ سر ءَ اُرش کرتگ، چار کارمند مُرتگ ءُ دو ٹپی بیتگ۔ جارکش ءَ گوشتگ کہ سرمچاراں بولان ءِ ھند شاھرگ ءَ زورگیریں پاکستانی لشکر ایپ سی 139 ونگ ءِ یک گشتی کاروانے گوں آئی ای ڈی اُرش ءَ نشانگ کرتگ، چار کارمند مُرتگ ءُ دو ٹپی بیتگ۔ دُژمنیں لشکر ءِ گاڑی شاھرگ سپر باش ءَ ھما وھد ءَ نشانگ کرتگ کہ آ کش ءُ کِرانی ھنداں لشکر کشی ءَ پد واتر بیتگ۔ جیھند ءَ گوشتگ کہ چیرکرتگیں شوروانی زد ءَ آتکگیں کارمند ھسین رھمت، مھمد سلیم، ماجد پرید ءُ زاکر مُرتگ،پاکستانی لشکر ءِ کیپٹن اویس ءُ لپٹیننٹ لکمان سک ٹپی بیتگ اَنت، اُرش ءَ دُژمنیں لشکر ءِ یک گاڑی یے تباہ کرتگ۔ آئی ءَ گوشتگ کہ دُژمن ءِ سر ءَ اے اُرش ءِ زمہ واری ءَ بی ایل اے منّ ایت۔ دُژمنیں لشکر ءُ آئی ءِ کمکارانی سر ءَ مئے اُرش گوں ترندی برجاہ بنت۔


بنشون: درشان | اکس: زْرمبش