ریڈیو زْرمبش بلوچی | ریڈیو زْرمبش بلوچی

بولان ءَ پاکستان لشکر ءِ سر ءَ بمب اُرش ءِ زمہ واری بی ایل اے ءَ منّ اِتگ

بولان ءَ پاکستان لشکر ءِ سر ءَ بمب اُرش ءِ زمہ واری بی ایل اے ءَ منّ اِتگ

SEP

15
15 / 09 / 2022 بی ایل اے 52

بلوچ آجوئی لشکر ( بی ایل اے ) ءِ جارکش جیھند ءَ ماں رسانکدر ءَ وتی شنگ کرتگیں دراشانے ءَ بولان ءَ پاکستانی لشکر ءِ سر ءَ اُرش ءِ زمہ واری منّ اِتگ ءُ گوشتگ کہ سرمچاراں بولان ءِ ھند مارگٹ ءِ کیرکینڑ ءَ گوں چیر کرتگیں شورھاں زورگریں پاکستانی لشکر ءِ دو کارمَنْد کشتگ۔


جارکش ءَ گوشتگ کہ دُژمنیں لشکر ءِ بمب نابود کنوکیں کارمند ھما وھد ءَ نشانگ کرتگ اَنت وھدے کہ آ ھمے ھند ءَ زورگریں لشکر ءِ پھازداری ءَ یک سنگرے ءِ چار ءُ ٹپاسگ ءَ کنگ ءَ بیتگ اَنت،پیسر ءَ چیر کرتگیں شورھانی گون ءَ نشانگ کُرتگ اَنت۔ جارکش جیھند ءَ وتی درشان ءِ گڈی ءَ گوشتگ کہ داں بلوچستان ءِ آجوئی ءَ زورگریں لشکر ءِ سر ءَ مئے اُرش برجاہ بنت۔


بنشون: درشان | اکس: زْرمبش