ریڈیو زْرمبش بلوچی | ریڈیو زْرمبش بلوچی

ھاران: ایم آئی ءِ کارمندانی ڈوار ءِ سر ءَ دستی بمب اُرش ءِ زمہ واری بی ایل اے ءَ منّ اِتگ

ھاران: ایم آئی ءِ کارمندانی ڈوار ءِ سر ءَ دستی بمب اُرش ءِ زمہ واری بی ایل اے ءَ منّ اِتگ

JUL

07
07 / 07 / 2021 بی ایل اے 64

ھاران :بلوچ آجوئی لشکر ءِ جارکش آزات ءَ وتی درشانی ءَ گْوشتگ کہ گْوستگیں روچ ءِ مگرب ءِ وھد ءَ سرمچاراں ھاران شھر ءَ ایم آئی (ملٹری انٹیلیجنس) ءِ کارمندانی یک ڈوارے ءِ سر ءَ بمب اُرشے کُرتگ،اُرش ءَ پنجاپ ءَ سیادی داروکیں چیریں تْرامگیجانی کارمند ٹپی بیتگ اَنت۔ آئی گْوشتگ کہ زدگ بیتگیں کارمند زورگریں ایپ سی ءُ چیریں تْرامگیجاں پہ درمان کنگ ءَ ایپ سی ءِ بُنجل ءَ بُرتگ اَنت۔ ’اے اُرش ءِ زمہ واری ءَ مئے گل بی ایل اے منّ ایت۔‘ آزات ءَ گْوشتگ کہ پاکستانی چیریں تْرامگیج نوک آبادکاری شوندات ءِ بنیاد ءَ مزنیں کچے ءَ چہ پنجاپ ءَ وتی کارمنداں آرگ ءُ آباد کنگ ءَ اِنت۔اے مردم انجینئر ءُ مُزوراں ھوار جتائیں بھرگاں سیادی داروکیں مردماں آرگ ءُ آباد کنگ ءَ اَنت داں گوں ھندی مردماں وتی سیادی یے برجاہ دارگ ءَ سوبمند بہ بنت۔ھاران ءَ اے وھدی پاکستانی لشکر ءِ چیریں تْرامگیج ایم آئی ءِ چیردستی ءَ اے مردم جتائیں ٹولیانی دروشُم ءَ شھر ءِ جتائیں جاھاں نندارگ بیتگ اَنت کہ سرمچارانی نشانگ ءِ توک ءَ اَنت۔ جارکش ءَ گْوشتگ کہ ما بلوچ راج ءَ مکن کنیں کہ آ چہ اے کارمنداں گستاہ بہ بنت کہ بلوچ راج ءَ تاوان دیگ ءَ اَنت وتی گساں پنجاپی آبادکاراں ھچ پیم ءَ مہ دیئنت کہ پاکستانی لشکر ءِ چیریں تْرامگیج اَنت۔مئے اےوڑیں اُرش داں بلوچستان ءِ آجوئی ءَ برجاہ بنت۔ بنشون: *درشان* | اکس: *زرمبش*