ریڈیو زْرمبش بلوچی | ریڈیو زْرمبش بلوچی

آواران: تیرتیج ءَ زورگریں پاکستانی لشکر ءُ چیریں ادارھانی کارمنداں مردمے آوار جنگ ءَ پد بیگواہ کرتگ۔

اھوالکار ءِ رد ءَ زور بیگواہ کنگ بیتگیں مردم ءِ نام رسول بکش ء موسا اِنت کہ وھلی ءِ جھمنند اِنت۔ یکشمبے ءِ سھب ءَ زورگریں پاکستانی لشکر ءُ چیریں ادارھانی کارمنداں چہ تیرتیج ءِ ڈگارانی سر ءَ آوار جتگ ءُ بیگواہ کرتگ۔

زور بیگواھیں رسول بکش ءِ بارو ءَ گوشگ بیت کہ وھلی کوہ ءِ جھمنند اِنت آیاں دیر انت پاکستانی لشکر ءَ پہ زور لڈینتگ ءُ آؤرتگ اَنت کہ انوں تیرتیج ءَ نشتگ۔

بنشون ءِ رد ءَ زورگریں پاکستانی لشکر ءَ دو روچ بیت تیرتیچ ءِ کِر ءُ کشاں ھنداں لشکرکشی کنگ ءَ اِنت۔ زورگریں پاکستانی لشکر گوں پرپٹاں ڈگارانی سر ءَ روگ ءُ مردمانی گون ءَ زوراکی کنگ ءَ اِنت۔ اے بارو ءَ مئے گیشیں جُست ءُ ہرس برجاہ اَنت۔ #BalochistanCrisis

بنشون: اھوالکار / اکس: زرمبش