ریڈیو زْرمبش بلوچی | ریڈیو زْرمبش بلوچی

آواران: پاکستانی لشکر، لشکر کشی برجاہ انت،لشکر ءَ بازیں گسے مانداشتگ

آواران: پاکستانی لشکر، لشکر کشی برجاہ انت،لشکر ءَ بازیں گسے مانداشتگ

OCT

19

آواران: پاکستانی لشکر ءِ لشکر کشی براجاہ اِنت لشکر ءَ سد ءُ پنجاہ ءَ گیش گِس مانداشتگ۔ زْرمبش اھوالکار ءِ رد ءَ پاکستانی لشکر ءِ آواران ءِ جتاجتاھیں جاھاں لینڈکی، آھوری ءُ زیارت ءِ ڈن ءُ کش ءُ گْوراں لشکر کشی کنگ ءَ اِنت۔ لینڈکی ءُ زیارت ءِ ڈن ءَ سد ءُ پنجاہ ءَ گیش گس مانداشتگ۔ بنشون ءِ رد گوستگیں روچ ءَ پاکستانی لشکر ءَ زیارت ڈن ءَ یکیں کھولے ءِ درسین مردم وتی بُنجل ءَ برتگ اَنت۔ نواز الی ء مھمد ءُ وزیر ء لال بکش ھوار بیتگ اَنت۔ مرچی آدگہ کلین مردم یل کنگ بیتگ اَنت نواز ءَ ھوار سے مردم انگت بیگواہ اِنت۔ مردمانی یل کنگ ءَ پیش آھانی گس سوچگ بیتگ اَنت، زمستان ءِ سارتی ءَ بے گس ءَ پٹے ءِ سر ءَ کپتگ اَنت۔ یات بہ بیت کہ لینڈکی ءِ بنداتگیں گِس میر مھمد ءِ بیتگ اَنت کہ پاکستانی لشکر ءَ سالی ءَ پیش لڈینتگ اَنت ءُ زیارت ءِ ڈن ءَ آتکگ اَنت۔ ھمے وڑ ءَ زیارت ءِ ڈن ءَ سی ءَ گیش گِس بُندیگ بیتگ۔ لینڈکی ءُ زیارت ڈن ءَ بنداتگیں گِس یکین کھول ئیگ اَنت۔


بنشون: زْرمبش اھوالکار | اکس: اھوالکار