ریڈیو زْرمبش بلوچی | ریڈیو زْرمبش بلوچی

زورانسری بیگواهی ءِ بارہ ءَ برجاھیں کابینہ ءِ جهلی پتر ءِ هشتمی نیاد مروچی ماں اسلام آباد ءَ برجم دارگ بیتگ

زورانسری بیگواهی ءِ بارہ ءَ برجاھیں کابینہ ءِ جهلی پتر ءِ هشتمی نیاد مروچی ماں اسلام آباد ءَ برجم دارگ بیتگ

SEP

16
16 / 09 / 2022 پاکستان 97

اسلام آباد: پاکستانی بنجائی کانود ءُ مُزدانک (انساپ) ءِ وزیر ءُ سینیٹر آزم نزیر تارڑ ءِ چیردستی ءَ زورانسری بیگواهی ءُ بیگواهیں مردمانی بارہ ءَ برجاھیں کابینہ ءِ جهلی پتر ءِ هشتمی نیاد مروچی ماں اسلام آباد ءَ برجم دارگ بیتگ. اے نیاد ءَ بنجاھی تهی کارانی وزیر رانا سناالله، بنجاھی سائنس ءُ ٹیکنالوجی ءِ وزیر آگا هسن بلوج، بنجاھی نیزگاری ءِ کم کنوکیں وزیر شازیہ مری، بنجاھی زری کانود ءِ وزیر پیسل سبزواری ءُ سنیٹر کامران مرتزا ءَ بھر زرتگ. آئی جی اسلام آباد پولیس، ڈی آئی جی بلوچستان، ڈی آئی جی سند هم اے نیاد ءَ هوار بیتگ اَنت. اینکر پرسن نسیم زھره مروچیگیں نیاد ءَ گچینی لوٹائینگ ءِ پد ءَ هوار بیتگ ءُ زورانسری بیگواهی ءُ بیگواهیں مردمانی جیڑه ءِ سر ءَ وتی لیکہ ئِے درشان کرتگ اَنت. بیگواهیں اهوالکار مدسر مهمود نارو ءِ پت ءُ مات ھم اے نیاد ءَ هوار بیتگ اَنت ءُ چہ پتر ءَ وتی چُک ءِ آجوئی ءِ لوٹ اِش کرتگ. پروپیسر منزور ءُ سمی دین ، مردمی اگبالانی کارکن ءُ بیگواهیں ڈاکٹر دین مهمد ءِ جنک ءَ ھم اے دیوان ءَ گچینی بهر زرتگ. آیاں اے نیاد ءِ تہ ءَ زورانسری بیگواه کرتگیں مردمانی کهولانی جهگیری کرتگ، اے نیاد ءِ زمہ داراں آھاناں دلجمی داتگ کہ زورانسری بیگواھی ءُ دروگیں میڑاں مردمانی کوش سے ماہ ءِ اندر ءَ گِر ءُ دار کنگ بنت ءُ زورانسری بیگواهیں مردم ھم آجو کنگ بنت۔ بنشون: اھوالکار | اکس: اھوالکار