ریڈیو زْرمبش بلوچی | ریڈیو زْرمبش بلوچی

امریکا ءِ نیمگ ءَ ایران ءِ سر ءَ دگہ نوکیں پابندی جتگ

امریکا ءِ نیمگ ءَ ایران ءِ سر ءَ دگہ نوکیں پابندی جتگ

SEP

09
09 / 09 / 2022 جھان 117

واشنگٹن: امریکا ءَ وتی نوکتریں پابندیانی درچ ءَ ایران ءِ لھتے شرکت ءُ یک مردمے ءِ سر ءَ پابندی جتگ. امریکا ءَ ایران ءِ یک سپیران نامیں بالی مُساپر بروکیں شرکتے، پرآورپارس نامیں بالیگ ءِ سامانانی جوڑ کنوکیں شرکتے، بھارستان کیش نامیں شرکتے ءُ آئی ءِ سروکانی پتّر ءِ باسک رھمت اللہ ھیدری نامیں مردے ءِ سر ءَ پابندی جتگ. امریکا ءِ گوشگ اِنت کہ اے شرکت ءُ ھمے مرد ءَ پہ روس ءَ ڈرون دیم داتگ. گوستگیں روچاں امریکا ءَ گوشتگ اَت کہ روس ءُ یوکرین ءِ جنگ ءَ روس ءَ ھمینچو جنگی تاوان بیتگ کہ آ چہ ایران ءُ گوریچانی کوریا ءَ ڈرون ءُ دگہ جنگی ساز ءُ سامان ءِ زیرگ ءَ لاچار بیتگ ءُ چہ اے مُلکاں جنگی سامان زورگ ءَ اِنت. بنشون: جھانی رسانکدر |اکس: دامگ