ریڈیو زْرمبش بلوچی | ریڈیو زْرمبش بلوچی

اوگانستان:پنچ شیر ءَ ساڑیاں،ڈیھ یل نہ کُرتگ ءُ نہ شُتگاں_امراللہ سالِھ

اوگانستان:پنچ شیر ءَ ساڑیاں،ڈیھ یل نہ کُرتگ ءُ نہ شُتگاں_امراللہ سالِھ

SEP

04
04 / 09 / 2021 اوگانستان 106

اوگانستان ءِ پیشگیں کمک راجمستری سرکماش امراللہ سالِھ گْوشتگ کہ من انگت پنچ شیر ءَ ساڑیاں ءُ ڈیھ یل نہ کُرتگ ءُ نہ شُتگاں۔ شمبے ءِ روچ ءَ بی بی سی ءَ تران کنان ءَ آئی گْوشتگ ھال اِنت کہ من ڈیھ یل کُرتگ اے دروگے من انگت پنچ شیر ءَ ساڑیاں ءُ ما جاورانی بابت ءَ بازیں دیوانے ھم برجم داشتگ۔جاور ناگیگ اَنت۔ آئی گْوشتگ کہ ما گوں تالبان ءُ آئی ءِ ھم سنت الکائدہ،دمگ ءُ چہ ڈن ءَ اتکگیں ناشرکار ٹولی ءُ مدامی ءِ وڑ ءَ آیاں پاکستان ءِ کمک گون اُرشانی نشانگ ءَ ایں۔ امراللہ سالِھ گْوشتگ کہ ما زمین دستیگ کُرتگ ءُ گھگیری کنگ ءَ ایں۔ ’گھگیری ءَ دزکش مہ باں ءُ سلاھاں دور نہ دیاں،ناگیگی ھست اَنت بلے نہ تتکگاں ءُ نہ تچاں۔‘ مراللہ سالِھ ءَ گْوشتگ کہ من اے تامُر بند ءِ نیمگ ءَ مردماں دلجمی دیگ لوٹاں کہ اے وھدی ھرچی گْوشگ بہ بیت کہ من ٹپی بیتگاں یا تتکگاں وتگڑین ءُ دروگیں گپ اَنت۔ بنشون: مانیٹرینگ ڈسک | اکس: دامگ