ریڈیو زْرمبش بلوچی | ریڈیو زْرمبش بلوچی

اوگانستان:پہ آجوئی ءَ بندات کُرتگیں جُھد ءَ دزکش نہ باں_اھمد مسئود

اوگانستان:پہ آجوئی ءَ بندات کُرتگیں جُھد ءَ دزکش نہ باں_اھمد مسئود

SEP

04
04 / 09 / 2021 اوگانستان 112

تالبان ءِ نیمگ ءَ اوگانستان ءِ پرگنگ پنچ شیر ءِ دستیگ کنگ ءِ جار ءَ پد تالبان ءِ بگیری ءَ گھگیری ھم سَنت ءِ سروک اھمد مسئود ءَ گْوشتگ کہ پہ آجوئی ءَ بندات کُرتگیں جُھد ءَ ھچبر دزکش نہ باں۔ راجی گھگیری ھم سنت ءِ جارکش ءُ دری کارانی سروک الی نزاری ءَ ٹویٹر ءَ اھمد مسئود ءِ نوکتریں کلوہ شنگ کُرتگ۔کلوہ ءِ تھا اھمد مسئود گْوشگ ءَ اِنت کہ پہ آجوئی ءُ ھک ءَ بندات کُرتگیں جنگ ءَ ھچبر دزکش نہ باں۔ امریکا ءَ جھمنندیں الی نزاری ءَ پنچ شیر ءِ سر ءَ تالبان ءِ دستیگ کنگ ءِ گپ ھم رد کُرتگ ءُ گْوشتگ کہ تالبان ءِ نیمگ ءَ شنگ بیتگیں جار کہ آیاں پنچ شیر دستیگ کُرتگ دروگے،پنچ شیر ءَ تالبان ءِ بگیری ءَ راجی گھگیری ھم سنت ءُ تالبان ءِ ناشرکارانی میان ءَ جنگ انگت برجاہ اِنت۔ بنشون: مانیٹرنگ ڈسک /اکس: دامگ