ریڈیو زْرمبش بلوچی | ریڈیو زْرمبش بلوچی

بلوچ راجدوستیں سروک اَبدُالنبی بنگلزھی ءَ وتی شنگ کرتگیں درشانے ءَ گوشتگ کہ ڈیرہ بگٹی ءَ ھوار سرجمیں بلوچستان ءَ لشکرکشی ءُ کودکیں مردمانی دزگیری ءُ گسانی سر ءَ بیڑ برگ ءَ ایر جناں ءُ شرم ءِ گپے۔ بلوچستان ءَ لشکر ءِ زوراکی ءُ ناروائیاں درسیں سیمسر گواز کرتگ اَنت۔

آئی ءَ گوشتگ کہ درسیں آجوئی لوٹوکیں گھگیریں توانمندانی گون ءَ لوٹ کن ایں کہ وتی زاتی ءُ ٹولی ءِ نپاں یکر بہ کن اَنت ءُ پہ راجی آجوئی ءَ یکجاہ بہ بنت ءُ وتی زوراں کاربگر اَنت۔

بلوچ سروک ءَ گوشتگ کہ اکوام متھدہ ءُ آدگہ توانمنداں مئے لوٹ ھما وھد ءَ سانمند کن اَنت کہ ما درس یکیں لڑا بہ اوشتین ءُ وتی آجوئی ءِ جھد ءَ برجاہ بدار ایں۔

بنشون: درشان / اکس: زرمبش