ریڈیو زْرمبش بلوچی | ریڈیو زْرمبش بلوچی,بلوچستان,بی-این-ایم,بلوچ-نیشنل-موومنٹ,سیاہیں-روچ

11 اگست ءِ روچ ءَ آجوئی ءِ روچ برجم داریں – بی این ایم

11 اگست ءِ روچ ءَ آجوئی ءِ روچ برجم داریں – بی این ایم

AUG

03

11 اگست ءِ روچ ءَ آجوئی ءِ روچ برجم داریں – بی این ایم


 بلوچ راجی زْرمبشت (بی این ایم) ءِ بنجاھی جارکش ءَ وتی شکساتگیں درشانے ءَ گْوشتگ 11 اگست ءَ  آجوئی ءَ روچ ءِ وڑ ءَ بلوچستان ءُ دری جھان ءَ مراگش برجم دارگ بیت ءُ یک دامگی مراگش ءُ رسانکدر ءَ دامگی مھم برجم دارگ بیت۔
جارکش ءَ گْوشتگ: بلوچ راجی گْوستانک ءَ 11اگست ءِ روچ یک پُرارزشتیں روچے۔برتانیہ ءِ زورگریں دراج مُدتی چیردستی ءَ گْوستانکے دیمونی ءَ پد بلوچ راجی سرڈگار ءِ سر ءَ 11 اگست 1947 ءَ آجوئی ءِ روچ ءَ ٹِک داتگ اَت ءُ بلوچ راج ھم جھان ءِ آجو ءُ وتواکیں راجانی سرْپ ءَ شُمار بیتگ۔
جارکش ءَ گْوشتگ 11 اگست 1947 ءَ برتانیہ ءِ سرکار ءَ بلوچستان ءِ آجوئی ءُ وتواکی ءِ ارزشت منّ اِتگ ءُ بلوچستان ءِ آجوئی ءِ جارجتگ اَت۔ایشی ءِ چار روچ ءَ پد 15اگست ءَ ھندوستان ءِ بھر ءُ بانگ ءِ جار ءُ دو ڈومین مھتر ھند بھارت ءُ پاکستان ءِ برجاہ بیت اَنت۔آجوئی گرگ ءَ پد بلوچ راج ءَ راجمستری تْرام ءِ در ءَ دو ایوانانی دروشُم ءَ پارلیمانے جوڑ کُرت۔
آئی گْوشتگ دراج مُدتی چیردستی ءَ پد آجوئی ءِ بنداتی روچاں بلوچ راج وتی آؤکیں باندات ءِ گیش ءُ گیوار کنگ ءَ دلگوش اَت کہ ھمے وھد ءَ زورگریں زوراکانی نپ ءُ سیتانی پانپانی ءَ نوک جوڑ بیتگیں مھترھند پاکستان ءَ کسانی مُدتے ءَ پد آجوئیں بلوچستان ءِ سر ءَ اُرش کُرت ءُ بلوچ آجوئی لپاشت۔ھمے وڑ ءَ بلوچستان ءِ انیگیں چیردستی ءِ نوک ءُ بیمناکیں دور بندات بوت کہ داں روچ مرچی برجاہ اِنت۔
جارکش ءَ گْوشتگ:بلوچستان ءِ سر ءَ زورگری ءَ نہ ایوک ءَ بلوچ راجی زندمان،راجی،پجار،راجی ارزشت ءُ دود ءُ ربیدگ لپاشتگ اَنت۔بلکیں دمگ ءِ انیگیں تباھے ءِ جاور ھم گیشتر گوں بلوچستان ءِ زورگری ءَ بندوک اَنت۔چے ءَ کہ یک آجو بلوچستانے دمگ ءَ پہ باپاری ڈیھاں سرجمیں دریائی رھوتانی در،وشھالی ءُ وتی سیکولر ارزشت ءُ مذھبی ھماھنگی ءِ زمہ وار جوڑ بیت کنت۔مرچی ھم دمگ تالِھ گوں بلوچستان ءِ ارزشت ءَ بندوک اِنت۔بلوچستان ءِ چیردستی ھمنچوک دراج کش بیت،ایشی ءِ بازیں دروشُماں تاوان نہ ایوک ءَ بلوچ راج ءَ بلکیں دمگ ءِ دُرسیں ڈیھاں بیت۔
جارکش ءَ گْوشتگ 11اگست ءَ بلوچستان ءُ دری ڈیھاں رپرنس مرگش،دامگی مراگش برجم ءُ رسانکدر ءَ اے #BalochistanDay ھیشٹیگ ءَ مراگش برجم دارگ بیت-