ریڈیو زْرمبش بلوچی | ریڈیو زْرمبش بلوچی,ریڈیونبشتانک,کورونا_وائرس,ریازنسیر

گچینی مراگش: کورونا وائرس ءِ پژدر ءَ دروگیں ھالانی دیم چوں دارگ بیت؟

گچینی مراگش: کورونا وائرس ءِ پژدر ءَ دروگیں ھالانی دیم چوں دارگ بیت؟

APR

01


مراگش:گچینی مراگش
بنگپ:کورونا وائرس ءُ دروگیں ھال
رجانک کار:ازمائل
توار:ریازنسیر
شنگکار: ریڈیوزرمبش بلوچی


 


کورونا وائرس:دروگیں ھالانی شنگ کنگ چوں دارگ بیت؟


 



اے نبشتانک ءِ گیشتریں بھر چہ بی بی سی ءَ زیرگ بیتگ۔ پہ ریڈیو زرمبش بلوچی ءِ گوش داروکاں اے اسمائیل ءَ رجانک کرتگ۔

کورونا ءِ شنگ بیگ ءِ پجیگ ءَ جھان ءِ جتائیں تک ءُ پھناتاں یک راستے ءِ پجیگ ءَ ھزارھاں دروگ شکسایگ بیگ ءَ اِنت۔ بلوچستان ءَ ھم ما ھمروچ کورونا ءِ درگت ءَ بازیں دروگ اش کن ایں ۔ چوش کہ گْوستگیں روچاں اے گپ واٹساپ ءَ شنگ ءُ تالان اَت کہ پنجگور ءَ زھگے ودی بیتگ ءُ ھما روچ ءَ کہ ودی بیتگ ھما روچ ءَ گپ جتگ ئِے ءُ کورونا ءِ درمان ءِ سوج داتگ کہ چائی تاک ءَ لھڑ بہ دئے اِت ءُ بہ ور اِت۔

چوش دلپھک ھم ھست کہ آیاں ایشی ءِ سر ءَ باور کرتگ، بلے اے دروگیں گپے ءُ ناں کہ چائی تاک ءِ لھڑ دیگ ءَ چاہ ءَ ابید دگہ درمان جوڑ بیت کنت۔

انگلستان ءِ سرکار ءِ شکساری شرکت بی بی سی ءَ ھمگرنچیں اھوالکار فلورا کارمیشیل ءُ ماریانا سپرنگ ءَ اے بابت ءَ درشانے شنگ کرتگ ءُ گْوشتگ: مروچاں دامگ ءَ کورونا ءِ درگت ءَ بے کچ ءَ وتگڑیں ھال شنگ بیگ ءَ اِنت۔

زانتکارانی گْوشگ اِںت:ھرچ گپانی سر ءَ چماں بند کنگ ءُ باور کنگ ءَ وت ءَ بہ پھریز اِت۔

اے وڑیں ھال چد ءُ دیم چہ شنگ بیگ ءَ چون دارگ بہ اَنت؟

ھرچ وڑیں ھالے کہ بیت وتی سیاد ءُ کساں چہ زیت ءَ زیت آئی ءَ سرکنگ ءُ آھانی کمک کنگ ءِ بے تاھیری ابرمی یے ، وھدے کہ تئی ایمیل ءَ واٹس اَپ ءَ ، پیس بُک ءَ اگاں ٹویٹر ءَ چوشیں ھالے کیئت گڑا تو ھمے مار ئے کہ من ھمے وھد ءَ اے ھال ءَ دیم ءَ روان بہ دئے آں ۔

زانتکارے ءِ گْوشگ اِنت کہ تئی سَری لوٹ ھمے بہ بیت کہ اے ھال ءَ چہ درستاں پیسر وتی کر ءَ بہ دار ایشی ءِ سر ءَ بہ جیڑ اگاں تو ایشی ءِ تہ ءَ ردی مار اِت گڑا ایشی ءِ بابت ءَ گیشیں سرپدی بہ زیر ءُ ایشی چار ءُ ٹپاس بہ کن۔

چہ کئی نیمگ ءَ اتکگ؟

ھرچ وڑیں ھالے بہ بیت آ ھال ءَ چہ دیم ءَ شنگ کنگ ءَ پیسر اے بہ چار کہ چہ کج ءَ اتکگ؟

اگاں اے ھال ءِ شنگ کنوک تئی وتی سنگتے یا سنگتے ءِ سنگت اِنت ، یا سیادے ءِ پجاروکے گڑا ھما دمان ءَ اے وڑیں ھالانی سر ءَ باور کنگ جوانیں کارے نہ اِنت۔

گْوشگ ءِ مول ایش اِنت کہ ھال ءِ شنگ کنوک ءَ تو شری ءِ سر ءَ نہ زان ئے آ گپ ءِ سر ءَ باور مہ کن برے برے وانندگیں مردم پہ رد کاری اے وڑیں ھالانی شنگ کنگ ءِ انگیز جوڑ بہ اَنت کہ آ وت رد کپ اَنت۔

باز براں اے وڑیں ھال راست بہ اَنت چوش کہ وتی دستاں بہ شود ئے ءُ چہ کورونا ءَ پھریز ئے ۔ اے گپ راست اِنت بلے انچیں گپ بہ اَنت کہ کورونا وائرس ءِ نادُراہ اے کار ءَ بہ کن اَنت دراہ بہ اَنت اے چیز ءَ ور اَنت وش بہ اَنت، اے ردیں گپ اَنت۔

انگلستان ءِ راست ٹپاسیں گل «سرجمیں راستی» ءِ کمک شونکار کلیری ملنے گْوش ایت جاندراھی ءِ گیشتریں گَلانی نیمگ ءَ کہ شنگ بیتگیں پنت ءُ سوج جوان اَنت ءُ باور کرز اَنت۔
چو اوں نہ اِنت کہ اے جاندراھی ءِ زانتکار ھرچ چیز ءَ بلد اَنت بلے چہ آ دگہ مردمانی پنت ءُ سوجاں اے پنت ءُ سوج شرتر اَنت، مردم ھمیشانی پنت ءُ سوجاں بہ چار اَنت ءُ بہ زیر اَنت۔

درستیں ھالاں وت بہ چار ءُ بہ ٹپاس

واٹس اَپ ءَ یک توار بندے سک شنگ بیگ ءَ اِنت اے توار بند ءِ تہ ءَ یک جنینے ءِ توار اِنت آ گْوشگ ءَ اِنت کہ من وتی ھمکاریں سنگتی ءِ پنت ءَ شُمارا گْوشگ ءَ آں کہ آ یک نادُراھجاھے ءَ کار ءَ اِنت ءُ اے کلو آئی ءَ بی بی سی ءَ ءُ سرجمیں جھان ءَ سر کرتگ ۔ اے پنتانی تہ ءَ لھتے راستی ھست بلے گیشتریں گپانی سائنسی بنشون نیست اِنت۔

چہ پرباھندیں ھالاں وت ءَ ھژدار کن اِت

گیشتر اے وڑیں نکان کہ مردماں بے تاھیر کنت،پَشومان ، وش یا زھر گرِگ پرمائیت اے وڑیں نکان سک زیت شنگ بیت۔دامگ ءَ ردیں ھال یا ( مس انفارمیشن ) ءِ گِر ءُ دار ءَ اھوالکارنی کمک کنوکیں گوں انگلستان ءِ پرسٹ ڈراپٹ گل ءَ بندوکیں کلیری وارڈل گْوش ایت: چہ ردیں ھال شنگ بئیگ ءَ ترس مستریں کردگار ءَ کنت۔
مردم ھما دمان ءَ چست ءُ ایر بندات کنت ،بے تاھیری گیش بیان کنت مردم پہ وتی نزیکیں مردمانی دراھی ءَ دلوارگ بہ اَنت۔کسے گند اِیت کہ اے وڑیں ھالے کہ آئی ءِ تہ ءَ وائرس ءِ آسر کنگ ءُ نادراہ ءِ وش کنگ ءِ سوج ءُ پنت ھست گڑا آ مردم ھما دمان ءَ اے سوجاں زیر ایت ءُ وتی دوست ءُ سنگتانی کمک کنگ لوٹ اِیت۔

گوں ناپتی ءَ بے جیڑ

چہ چوشیں ھالے ءِ شنگ کنگ ءَ پیسر بہ چار کہ من پرچا شنگ ئِے کنگ ءَ آں ؟
پمیشکا کہ تو چہ اے ھال ءَ دلجم ئے ، راست اِنت ءِ ترا سد ماں سدی باور اِنت؟

انگلستان ءِ تھنک ٹینکے ءِ ترامکار کارل ملر گْوش ایت ما ھما ھالاں گیشتر شنگ کن ایں کہ گوں مئے سسا ءَ ھمدپ اَنت۔
کارل ملر گْوش ایت مارا اے وڑیں جاوراں اشتاپی کنگی نہ اِنت۔