ریڈیو زْرمبش بلوچی | ریڈیو زْرمبش بلوچی,BNM

گل ءِ سروک وتی دزکشی ءِ سر ءَ چار ءُ گزار بہ کن اَنت۔بی این ایم

گل ءِ سروک وتی دزکشی ءِ سر ءَ چار ءُ گزار بہ کن اَنت۔بی این ایم

AUG

31
31 / 08 / 2020 بی این ایم 72

???? گل ءِ سروک وتی دزکشی ءِ سر ءَ چار ءُ گزار بہ کن اَنت۔بی این ایم 
شال : بلوچ راجی زْرمبشت (بی این ایم) ءِ جارکش ءَ گْوشتگ:کچوچینی ءُ شرگداری پہ گل ءَ باز ارزشت دار ایت۔ما ھمے سرپد بہ ایں کہ آ گل ءِ تہ ءَ کہ کچوچینی ءُ شرگداری ءِ گنجائش پشت مہ کپ ایت،گپ ءُ تران ءِ سر ءَ پابندی بہ بیت آ گل بے روچ ءَ مر ایت۔کچوچینی مزن پگری ءُ پہ سیاسی ردوم ءَ ابرمی کارے ءِ وڑ ءَ ابرمی ءُ گواچنی راستی یے کہ چہ ایشی کس پشت دات نہ کنت۔


آئی ءَ گْوشتگ سیاسی ، راجمستری ءُ آشوبی گلے ءِ بستار ءَ بلوچ راجی زْرمبشت (بی این ایم) ءَ مدام کارکن ءُ باسک سکین داتگ اَنت کہ آ کچوچینی،بگیری ءُ وتی دیدانک ءَ نبشتانک یا زبانی گل ءِ ادارھانی سر ءَ دیم بہ دئے اَنت یا ھما جاہ ءَ کہ آیاں گپ جنگی اِنت ھمود ءَ وتی گپاں بہ جن اَنت۔داں پہ سیاسی کار ءُ لوٹاں گیش تر در پچ بہ بہ اَنت ءُ ما گل ءِ تہ ءَ گھتری آؤرت بہ کن ایں۔پرچا کہ مایک بےساھیں نا بلکیں زندگیں گلے ءِ بستار ءَ پہ راجی زْرمبشت ءَ سیاسی،راجمستری ءُ آشوبی جُھدے ءِ بھر ایں۔


جارکش ءَ گْوشتگ:وت سر ءَ وت گل ءِ دو زمہ واریں اگدھداراں چہ وتی زمہ واریاں دزکشی ءِ جار جتگ اَت کہ سکیں بژنی گپے ۔ درسیں جاہ ءُ آسراتی بیگ ءَ ابید ھم گل ءِ تھی ترامکاری جیڑھاں چاگردی رسانکدر ءَ تالان کنگ جوانیں کارے نہ اِنت۔
آئی ءَ گْوشتگ گل ءِ سروک ڈائسپورہ پتر ءِ سرکماش ڈاکٹرنسیم ءُ دری کارانی کارگشاد ھمل ھیدر  وتی کرتگیں سوڑگ ءِ سر ءَ چار ءُ گزار بہ کن اَنت ءُ وتی دزکشی ءِ گپ ءَ پد ءَ بہ زور اَنت۔چونیں جیڑھے کہ بہ بیت،آئی ءِ سر ءَ وت ماں وتی نیادانی تہ ءَ گپ بہ جن اَنت۔