ٹورنٹو: کینیڈا ءَ ھالستان جُنز ءِ سروک ھردیپ سنگ ءَ سلاہ بندیں مردماں تیرگواری کرتگ ءُ کُشتگ۔
ھندوستان ٹائمز رسانکدر ءِ رد ءَ کینیڈا ءِ استان برٹش کولمبیا ءِ شھر ءَ یک شمبے روچ ءَ ھر دیپ سنگ گوردوارے ءِ تہ ءَ پجّار نہ بیتگیں مردمانی تیرگواری ءَ کُشگ بیتگ ۔
ھر دیپ سنگ ھالستان ٹائیگر پورس ءِ سروک بیتگ ۔ ھر دیپ سنگ ھندوستان ءِ سرکاری گل نیشنل انویسٹی گیشن ایجنسی ءَ چار جتائیں ناشرکاری کیس ءَ لوٹوک بیتگ ۔
انوسیٹی گیشن ایجنسی ءِ رد ءَ ھر دیپ سنگ ھندو پنڈت ءِ کوشے گامگیج ءِ زمہ وار بیتگ ءُ ھر دیپ سنگ ءِ سرا ھندوستان سرکار ءَ دگہ بازیں بھتام ئِے ھم جتگ کہ آجوئی دوستیں گل سکھس پار جسٹس ( ایپ جے ) زرمبش ءِ سروکی ءُ ھالائینگ ءُ دگہ ناشرکاری پگر ءَ دیم ءَ برگ ءَ بیتگ۔ نیشنل انویسٹی گیشن ایجنسی ءَ ھر دیپ سِنگ ءِ سرا 10 لک ھندوستانی کلدار ھم ایر کنگ بیتگ۔
بنشون: جھانی رسانکدر | اکس: دامگ
