📻 ریڈیوھال: چار شمبے» 22 اپریل 2020

زرمبش ھال »چار شمبے 22 اپریل 2020 | ڈاؤنلوڈ

ریڈیومراگش: ریڈیو ھال
بنگپ: ھال
شنگ کنگ ءِ رمس: چار شمبے » 22 اپریل 2020
شنگکار: ریڈیو زرمبش بلوچی

🗞📰سرھال🗞

🌀گوادر:بالی پٹ ءِ سر ءَ ارش | بی ایل ایپ ءَ زمہ واری من اتگ
🌀سال بیگواھیں امران گرگناڑی ءِ پِت بیران
🌀بیگواھیں جان مھمد ءِ مات ھم بیران
🌀تربت:پاکستانی لشکر ءِ چریکانی زوراکی | مردمے ءِ گاڑی پچ گیپتگ ءُ جند بستگ ءُ لٹ داتگ
🌀شال:کوروناوائرس ءِ دگہ 21 نادراہ دیم ءَ اتکگ |نادراھانی کچ 486 ءَ سربیتگ‘ لیاکت شاھوانی🦠
🌀بلوچستان ءَ بند آرگ ءِ زمان داں 5 مئی ءَ گیش کنگ بیتگ🦠
🌀سرکار ڈاکٹراں پہ نادراھاں درمان ءُ دگہ جاندراھی سامان دیگ ءَ نہ اِنت‘بولان میڈیکل ٹیچرز🦠
🌀آواران: کورونا ءِ پژدر ءَ پہ مردماں پھریزی پرمان دیگ بیتگ🦠
🌀گوادر:ابید پنوم ءَ تر ءُ گرد کنکوکانی بگیری ءَ کارروائی🦠
🌀کلات: 50نپادی کورنٹین بنجاھے برجم کنگ بیتگ‘جاندراھی تک ءِ ھنکینی سروک🦠
🌀ڈیرہ الا یار:بندآرگ ءِ مان نہ یارگ ءَ بازیں کسے دزگیر ءُ دکان بند🦠
🌀سیبی:تبلیگی رمب ءِ دگہ 3کس کوروناوائرس ءِ آماچ🦠
🌀ڈیرہ الا یار:بندآرگ ءِ مان نہ یارگ ءَ بازیں کسے دزگیر ءُ دکان بند🦠
🌀سرکار ءِ جند نیست،مزن وزی ٹوئٹر ءُ رسانکدر ءَ گندگ بیت‘ڈاکٹر مالک🦠
🌀بلوچستان آمیدگِس ءَ سرپراز بگٹی زھگے ءِ آوار جنگ ءِ کیس ءَ گوں زھگ ءَ ھوار پیش بیگ ءِ پرمان داتگ
🌀نسیر آباد: ننگ ءِ نام ءَ جنینے ءَ ھوار دو مردم کشگ بیتگ
🌀نوشکے : پیکپ گاڑی یے ءِ چپ بیگ ءَ 4 زدگ
🌀شال: ٹریکٹر ءِ ڈکگ ءَ زھگے بیران
🌀چھبار: دزانی 5 کسی گلے دزگیر ءُ دزی سامان در جنگ بیتگ اَنت
🌀شستون: گوں شپوکاں میڑ دیان بسیجی ورنایے بیران | سئے شپوک کشگ بیتگ
🌀چھبار:گوریچانی کمربندی ورنایے ءِ کنٹ دست کپتگ

🌀پاکستان:گونڈیں ھال

#پاکستان

🔹پاکستان ءَ چہ کورونا ءَ دگہ 12 کس مرتگ۔ درسی نادراھانی کچ 9597 ءَ سر بیتگ، داں انیگ ءَ 201 بیران بیتگ۔

🔹 پاکستان ءِ سروزیر امران ھان ءَ گْوشتگ کہ اگاں رمزان ءَ ھم کورونا ءِ تالانی برجاہ بہ بیت ، مسیتاں بند کن ایں۔

🔹پاکستان ءِ سروزیر امران ھان ءِ پہ کورونا ءَ آزمائش گرگ بیتگ اَنت۔

🔹 سرکاری واکدارانی رد ءَ چہ تورکم ءُ چمن سیمسر ءَ ھپتگے ءَ 300 پاکستانی واتر بیت۔

🔹 سھودی ارب ءَ جار جتگ کہ آ کورونا ءِ پژدر ءَ انچوش نشتگیں پاکستانی مزدوراں داں سئے ماہ ءَ پگار دنت۔

🔹 پاکستان ءِ چار وزیرانی بگیرداری ءَ پد ھم پہ کورونا ءِ درمان ءَ چہ ڈیھ ءَ ڈن درمان بھا زیرگ ءِ گپ منگ بیتگ۔

🔹 پاکستان ءِ مستریں کمکی گل ایدھی ءِ سروک پیسل ایدھی ءِ کورونا آزمائش راست بیتگ اَنت، پیسل ایدھی ءِ گْوشگ اِنت کہ آئی ءِ تہ ءَ ھچ رنگیں نشانی نیست بلے آئی ءِ آزمائش راست اِنت۔

🔹 اھوالکاری ءِ آجوئی دیگ ءِ لڑ ءَ پاکستان جھل کپان 145 می شمار ءَ سر بیتگ۔

🌀ایران🇮🇷:گونڈیں ھال

#ایران 🇮🇷

🔹 ایران ءَ 20 ءَ گر داں 21 اپریل ءَ دگہ 1297 کس کورونا وائرس ءِ آماچ بیتگ۔ اے وھدی درسی نادراہ 84802 ءَ سر بیتگ۔24 ادار ءِ تہ ءَ 88 نادراہ بیران بیتگ۔

🔹ایران ءِ مھتر ءَ گْوشتگ کہ باید اِنت یورپی سنت امریکا ءِ ناراھیں کارانی دیم ءِ دارگ ءَ گامگیج بہ زیر ایت۔

🔹 ایران ءِ مھتر ھسن روھانی ءَ گوں روس ءِ مھتر ولادیمیرپیوتن ءَ گوں ٹیلی پون ءَ گپ ءُ تران ءَ لوٹ کرتگ کہ دوئیں ڈیھانی میان ءَ بیتگیں مسامانی سر ءَ زیت ءَ زیت کاربندی بنا کنگ بہ بیت۔

🔹 ایرانے سائنسدانے ءَ گْوشتگ کہ کورونا ءِ ویکسین ءِ جوڑ بیگ ءَ سالے روت ءُ اے میان ءَ آیوکیں مولمی پشانک ءَ لکانی مردم سانمند بیت۔

🔹سرکاری پرمانے ءِ رد ءَ ایران ءَ کارموکل نہ بیوکیں ڈنی مزدوراں کاربندوکیں مردماں آیانی روچ مزد ءَ پنچ برابر ملام کنگ بیت۔

🔹 ایران ءَ چاگردپھزی تک ءِ سروک ءَ گْوشتگ گاڑی جوڑ کنوکاں بیست سال ءِ تہ ءَ وتی گاڑیانی تہ ءَ ھچ رنگیں گھتری نے آرتگ ھما ھما اَنت کہ پنجاہ سال پیش بیتگ اَنت۔

🔹ایران ءَ آمیدکاری جارکش ءَ گْوشتگ کہ باپاری بنجل ءُ دکانانی پیم ءَ گوں جاندراھی سوجانی زیرگ ءَ رمزان ءِ ماہ ءَ مسیت ھم باید پچ کنگ بہ بہ اَنت۔

🔹 سرکاری واکدارانی گْوشگ اِنت کہ اے سالی ایران ءَ چہ کار ءَ بازمنند (بازنشست ۔ ریٹائر)بیتگیں مردمانی پگار 15 ماں سدی گیش کنگ بہ اَنت۔

🔹 ایران ءِ بنجاھی شھر تھران ءَ دگ ءِ سر ءِ گاڑیانی کچ چہ آ دگہ روچاں 70 ماں سدی گیشتر بیتگ۔

🔹 جھانی بازار ءَ تیل ءِ نھادانی کپگ ءِ پژدر ءَ ایران ءِ کمک مھتر اسھاک جھانگیری ءَ گْوشتگ: چہ پابندیاں ایران ءَ چہ تیل ءِ آمدنی ءَ ابید ھم ڈیھ ءِ گزرانک ءِ دارگ ءِ بودشت ھست۔

🌀اوگانستان🇦🇫:گونڈیں ھال

*اوگانستان*

🔹کابل ءِ پلچرکی زندان ءَ دھاں زندانی شدکشیں زھرشانی کنگ ءُ لوٹ کنگ ءَ اِنت کہ آ کورونا ءِ جاور ءَ چہ زندان ءَ آجو کنگ بہ بہ اَنت۔

🔹 اوگانستان ءَ 1092 کس کورونا ءِ آماچ اِنت | اوگانستان ءِ مھتر اشرپ گنی ءُ آئی ءِ لوگی ءِ کورونا ءِ آزمائش ناراست بیتگ اَنت۔

🔹 کورونا ءِ پژدر ءَ ماں اوگانستان ءَ مرگی ھیک ءِ نھاد دو ھمینچک برز شتگ۔

🔹 اوگانستان ءِ مھتری گچینکاریاں پد بگیری داروکیں ابدلا ابدلا ءِ کارگل ءِ میان ءَ وت مان وتی نسیلی ودی بیتگ۔اے نسیلی اوگانستان ءِ سیاسی جیڑھانی دیم ءَ اڑاند ودی کنگ ءَ اِنت۔

🔹 اوگانستان ءِ ھالرسان تلونیوز (طلوع نیوز) ءِ رد ءَ تالبان انچیں مردمے ءِ آجوئی ءِ لوٹوک اَنت کہ آئی ءَ جرمنی ءِ سپارتجاہ ءِ سر ءَ ارش کرتگ۔

🔹اوگانستان ءِ سرکاری بنشون ءِ رد ءَ داھش پاکستان ءِ سیمسر ءَ یک جنگی بنجلے جوڑ کنگ ءِ کوشست کنگ ءَ اِنت۔

🔹 تالباناں پروان ءِ دمگ ءَ نورالھک نامیں پولیس سروگانے سئے شمبے ءِ روچ ءَ چہ گاڑی ءَ ایر گیپتگ ءُ تیر جتگ۔نام گیپتیں پولیس سروگان گزنی ءَ ڈبہ دار اِنت ءُ ماں موکلاں لوگ ءَ اَتکگ۔

🔹سئے شمبے ءِ روچ ءَ اوگانستان ءِ دمگ ھوست ءِ دمگدار ءِ کاروان ءِ سر ءَ تراکے بیتگ ۔ چہ اے تراک ءَ دمگدار ءِ جند پھریز بیتگ ءُ بلے آئی ءِ پشتی گاڑیاں سواریں دو پانک ٹپی بیتگ۔

🌀مزن ھور 🏝️ :گونڈیں ھال

#مزن_ھور

*امان🇴🇲*

🔹 مشکت: امان ءَ دگہ 98 مردم کورونا ءِ آماچ بیتگ۔ چہ ایشاں 39 امان ءِ جاھمنند ءُ 59 درانڈیھ اَنت۔ درسی نادراھانی کچ 10508 ءَ سربیتگ۔

🔹 مشکت:زرباری شرکیہ ءِ واکدراں لوگ ءِ تہ ءَ گد دوچکیں درزی کوروناوائرس ءِ پد ءَ دیگ بیتگیں پرمانانی بگیری ءَ دزگیر کرتگ اَنت۔
*امارات 🇦🇪*

🔹 دبی: امارات ءَ کورونا ءِ دگہ 490 نادراہ درسی نادراہ 7755 اَنت۔3 دگہ نادراہ بیران ۔

🔹 شارجہ: 31 سالی آس کشے ماں دگ وھیلے ءَ بیران بیتگ۔

*گتر🇶🇦*

🔹 گتر ءَ کورونا وائرس ءِ نادراھانی کچ 6533 ءَ سر بیتگ۔ دگہ 518 کس نادراھی ءَ گیپتگ۔

*کویت🇰🇼*

🔹 کویت ءَ کورونا ءِ پژدر ءَ سرکاری کارگسانی موکلانی روچ داں 28 مئی ءَ گیش کنگ بیتگ اَنت۔ رمزان ءِ ماہ ءَ کرپیو ءِ وھد ءِ تہ ءَ ھم گیشی کنگ بیتگ ۔ بیگاہ ءِ ادار 4 ءَ بہ گر داں سھب ءِ 8 ءَ کرپیو بیت۔

🌀جھان🌍:گونڈیں ھال

🔹 اے وھدی جھان ءِ 190 ڈیھ ءَ گیش کورونا ءِ آماچ اِنت ءُ نادراھانی کچ چہ 20 لک ءَ برز شتگ۔

🔹 امریکی مھتر ڈونلڈ ٹرمپ ءَ امریکا ءَ آیگ ءُ جاھمنند بیگ ءِ سر ءَ ادارکی بندش جتگ۔

🔹 یورپی ڈیھ ءَ کورونا یکشل ءَ تالان بیان اِنت، ترکی ءَ ھم نادراھانی کچ گیش بیتگ۔

🔹 گوریچانی کوریا ءِ سروک کم جونگ ان ءِ نادراہ بیگ ءِ ھال اِنت۔

🔹 امریکا ءِ پالایگ نہ بیتگیں تیل ءِ نھاد چہ 20 ڈالر ءَ ھم جھل اَتکگ۔

🔹 امریکی مھتر ڈونلڈ ٹرمپ ءَ گْوشتگ کہ بوت کنت امریکا چہ سھودی ارب ءَ تیل ءِ بھا زیرگ ءَ بند بہ کنت۔

🔹 کورونا:رمزان ءِ ماہ ءَ مکہ ءُ مدینہ ءِ نبوی مسیت ءَ ایوک ءَ 10 رکات ترابی وانینگ ءِ جار پرینگ بیتگ۔

🔹 آسٹریلیا ءُ نیوزلینڈ ءَ ایڈز ءُ ملیریا ءِ درمان پہ کووڈ19 ءِ دو ھزار نادراھانی سر ءَ آزمائش کنگ بیگ ءَ اَنت۔

🔹 6 سیارگانی نوکیں رمبے درگیجگ بیتگ کہ گوں ھم آھنگی ءَ یک استارے ءِ گرد ءَ تروکو اَنت۔

🔹 جھانی جاندراھی گل ءِ رد ءَ چوشیں ھچ دلجمیں گپ نیست کہ چہ روچگ ءَ کورونا گرگ ءِ ترس گیش بیت۔ دراہ جانیں مردم پیشیگیں سال ءِ پیم ءَ روچگ داشت کن اَنت۔

🔹 امریکا ءَ ڈاکٹر ءُ تیماراں آسراتی نہ بیگ ءِ سر ءَ زھرشانی کرتگ۔

🔹 جھانی جاندارھی گل ءِ سروک ءَ گْوشتگ: کورونا وائرس ءِ پژدر ءَ نگیگیں باریگ نوکی کئیت کہ بازیں ڈیھاں بندآرگ ءِ تہ ءَ نرمی کرتگ۔