لیاری ءِ دْرپشوکیں استال ھمیرہ مانجی پہ میان اُستمانی داد ءَ نامینگ بیتگ’ لیاری ءِ مردم ءُ بلوچ گل ءُ شاد

چہ کراچی ءِ دمگ لیاری ءَ سیادی کنوکیں جنین آدم ھمیرہ مانجی وتی چاگردی گھبود ءِ کارانی برورد ءَ میان اُستمانی تَک ءَ پہ داد ءَ نامینگ بیتگ ۔

ھمیرہ مانجی ماں لیاری ءَ جنین آدم ءُ جِنکانی وانگ ءُ زانگ ءِ دیمروی ءِ درگت ءَ کار کنگ ءَ اِنت ۔ اے درگت ءَ آئی ءَ دو ھزار سیزدہ ءَ ترامگیجے جوڑ کرتگ ءُ گوں دوازدہ بے مزد ءَ کار کنوکیں مردمانی کُمک ءَ یک سَد ءُ بیست ءُ پَنچ نودربر وانینتگ ھمیرہ ءِ جوڑ کرتگیں وانگجاہ ءِ تہ ءَ اے وھدی دو ھزار ءُ پنچ سد ، نودر بر زانت دربرگ ءَ اِنت ۔

آئی ءِ تْرامگیج جتائیں سیاسی ءُ چاگردی گل ءُ چاگردی کاراں ھواریں مردمانی کمک ءَ جنین ءُ جنین چُکاں وانینگ ءِ پجیگ ءَ آیاں چپل، کتاب ءُ دگہ آسراتی ھم دَنت ۔

ھمیرہ مانجی ءَ دہّ سال پیسَر وانینگ ءِ اے کار بِندات کُرتگ کہ وت ھپتُمی دَر ءَ وانگ ءَ بیتگ اے پیم آئی ءَ چہ وتی کِرد ءُ کار ءِ انگیز ءَ ڈیھّی ءُ میان اُستمانی تک ءَ نام در آورت ۔

ھمیرہ ءَ بازیں میان اُستمانی دیواناں بھر زورگ ءَ اَبید دوھزار شانزدہ ءَ “لیاری یوتھ ایوارڈ” بزاں ” لیاری ورنا داد ” ھم گیپتگ چرایشی ءَ اَبید” I am krachi”داد پہ آئی ءِ کارکردگی ءِ ساڑایگ ءَ دیگ بیتگ ۔

ھمیرہ ھواریں راجانی سامان ءِ جَھلی تْرامگیج “این پیس” ءِ نیمگ ءَ پہ داد ءَ نامینگ بیتگ اے داد ھمک سال یازدہ مَردُماں دَیَگ بیت۔ ھما مردماں کہ پہ چاگرد ءِ گھبودجتائیں تک ءُ پھںاتاں کار کن اَنت۔