ایران دھشت گردی ءِ پاگواجہ اِنت ‘امریکا

امریکا ءِ دری کارانی تَک ءِ نیمگ ءَ شنگ بیتگیں سالی کارنامگ ءِ تہ ءَ امریکا ءِ دری کارانی وزیر ءَ گْوشتگ کہ ایران دھشت گردی ءِ مستریں سروک اِنت۔

آئی ءَ گْوشتگ ایران میان رودرآتکی ڈیھاں ھوار دگہ بازیں ڈیھاں کُمک دَیگ ءُ دزمانجی کنگ ءَ اِنت ۔ بَھرین،اوگانستان،اِراک،لبنان ءُ یمن ءَ وتی دھشت گردی ءَ گیش کنگ ءُ مزھبی ٹَکانی کُمکار اِنت۔

کارنامگ ءِ تہ ءَ اے ھم گْوشتگ کہ ایران ءِ کُمک ءَ رودرآتکی ڈیھاں دھشت گردی کنوکیں لبنانی ھَزب اللہ ملیشیا سوریا ءِ جنگانی تہ ءَ گوں گُشادی ءَ دیم ءَ آتکگ ءُ وتی جنگ ماں سوریا ءَ گیش کُرتگ ۔

کارنامگ ءِ تہ ءَ اے ھم گْوشگ بیتگ کہ سال دوھزار ھبدّہ ءَ پَد امریکا ءُ آئی ءِ ھم سنّت داھش ءُ الکاھدہ ءِ بِگیری ءَوتی کاروائیانی انگیز ءَ شریں آسرے ءَ سر بیتگ اَنت ۔
گْوستگیں سال دوھزار شانزدہ ءِ داں دو ھزار ھبدّہ ءَ دھشت گردی بیست ءُ ھَپت در سد کم بیتگ۔