لچہ : باگانی وشیں بھار | پربند:گلام مھمد گل | دپگال : کازی ریھان

باگانی وشیں بھار | ڈاؤنلوڈ

شنگکاری : وشیں‌بھار
بنگپ : لچہ
پربند : شھید گلام مھمد گل
دپگال :‌ کازی ریھان
شنگ رَمس: دو شمبے، 11 نومبر 2019
دراجی :‌00:02:52
وَزن :4.39 ایم بی

نکان

باگانی وشیں بھار

پربند: گلام مھمدگلؔ (شھید)

بہ یا او باگانی وشیں بھار
چہ تو کیتیں زرد ءَ کرار
پہ ما مِھرانی دادے شھار
زوت کن بہ یا

لولودرنزیں جمبراں
ھور ءُ ساچان ءُبشی جڑاں
تو گوں وت پہ نازے بہ یار
زوت کن بہ یا

گوں زیبائیں پل ءُ گلاں
بو ءُ بس ءُ مھلباں
اے اوستانی باگ ءَ سار
زوت کن بہ یا

کوکوالی کپوت شاتل ءِ
پہ تو ارواہ مر ایت بلبل ءِ
اے اندوہ ءُ درداں بہ مار
زوت کن بہ یا

مھپر ءُ بیکاں ماھیں گلانی
پلگد ءُ پلدپیں ھانلانی
پہ یک ناز ءُ دابے سمار
زوت کن بہ یا

بود کن اَنت دل اے ایرتستگیں
سال ءُ کرنانی گیمرتگیں
تئی امبازاں بنت شاد ھزار
زوت کن بہ یا