منی مردم زندگ مان اَنت

 لیلہ ھالد ءِ سر گْوست

رجانک: سرباز وپاؔ

آشوب ءُ آئی ءِ سروک ءُ گوں آیاں بندوکیں مردم زور دیگ ءُ جتا جتا کنگ بوت اَنت۔ ارب ءِ رو درآتکی بھر ٹکر ٹکر کنگ ءُ برتانیہ ءُ پرانسیسی زورگراں دستیگ کرت۔ آیاں اے ھند سیکس پیکوٹ ءِ کول ءِ رد ءَ وت ماں وت ءَ بھر ءُ بانگ کرت، انچوشکہ لبنان ءُ شام پرانس ءُ اراک، پلستین ءُ آدگہ ھند برتانیہ ءِ دستیگ کُرت اَنت۔ در مھذبیں ارب راجدوستی ھلاس کنگ بوت اَنت، مزھبی سروک ھما کہ ریاست ءَ بھا زرتگ اِت اَنت منگہ ءُ شرپ بکش اِت اَنت۔ ھشمیتی ءُ آیانی کھولانی بھت ءِ استال، چہ برتانیہ ءِ سرکار ءِ مھروانی ءَ گھتر بوت۔

مُردنی ئیں راجدوستی ءِ ھیال جاھے نہ جاھے روکپتی ارب ءَ برجاہ اَت، اے ھند چہ برتانیہ ءُ پرانس ءِ چیردستی ءَ اَبید اے وڑیں کاراں پرکار اَت۔ زوت جارے پِرّینگ ءُ پلستین سیھونیان ءَ دیگ بوتگ اَت۔

راجدوستی ءِ لیکہ ءُ سوشلزم ءِ بارو ءَ سرپدی دیگ ءَ کم چہ کم نیم کرنے ءِ جپاکشی درکار اَت کہ انوگیں دور ءِ مالدار ءُ زمیندارانی ھلاس کنگ ءَ کم چہ کم سے بر ءَ پروش وارگی اَت۔ چہ اے پروشاں سیھونی وتی سوبمندی سرپد بوتگ اِت اَنت ءُ بزاں وتی مانش اِش وت دَر رُپتگ اِت اَنت۔

چہ 1920 ءَ داں 1948 ءِ میان ءَ راجدوستاں لبرل سوشلسزم ءِ ھیال ءِ دیم ءَ آرگ ءِ جھد کرت۔ بلے بے سوب بوت اَنت کہ سیکولر ءُ مالدار دوئیں بھرگاں وتی مارشتانی بُن روکپتی لیکہ ءُ کار ءُ بار ءِ سر ءَ ایر کرتگ اَت ءُ ھمے وڑ ءَ مردمانی پلہ مرزی اِش گون نہ اَت۔ پمیشکا لبرل سوشلسٹاں چہ وتی مارشت ءُ لیکہ ءِ سوب ءَ ( ایشی تہ ءَ مسر ءِ وپد پارٹی ءِ سانمندی ھم ھوار اَت ) اربان ءَ روکپت ءِ دژمنی ءِ نیمگ ءَ بُرتگ اَت۔ دومی گپ اِش اِنت کہ ارب نزور ءُ بھر ءُ بانگ اِت اَنت ءُ روکپتی پالیسی ءُ آئی ھوارکاراں مدام چہ مردماں گستا ءَ اوٹمانانی وڑ ءَ ایوک ءَ سرکار جوڑ کنگ ءِ کار کرت۔

1948 ءَ سھیونیاں ارب بنیاپن ءِ بادشاھی سیھونیاں ھلاس کرت، نوں آسر ھمیش اَت کہ مالداراں پین، ارب راجدوستیں پارٹی ءَ ھوار بوت ءُ پہ وتی نپانی مھکم کنگ ءَ ارب راجدوستی پد ءَ زندگ کرت۔

ارب باتھ ( 1943 ءُ 1947 ) ءِ میان ءَ جوڑ بوتگ ءُ دیم ءَ اتکگ اَت، اے چہ گوستگیں اسلامی باتھ ءَ جتائیں بستارے ءَ جوڑ بوتگ اَت۔باتھ ءِ لوٹ آجوئی، اتھاد ءُ سوشلزم اَت، ارب آشوب ءِ ارواہ ایشی ءِ تہ ءَ نیست اَت۔

پمیشکا کہ پشت ءِ سوج دیوکیں زھن لبرل جمھوری ءُ سوشلزم ءِ وت ماں وتیں پرک ءَ سرپد نہ بوتگ اَنت۔ چہ ایشی ءَ ابید سروکاں زاتی لوٹ چہ زرمبشت، یکجاھی ءُ مردمانی زرمبشت گیش دوست اَت۔ چوش کہ ” باتھ” ءَ کم زانت ءُ مھکمیں زھنانی رھشونی کرتگ اَت۔

پمیشکا کہ آ جاور ءُ چاگرد ءِ تہ ءَ رھوتکاری ءِ کابل نہ اَت۔ ششمی دْھک ءَ آئی پوجی سروکاں  مردمانی سر ءَ بیسہ ھست اَت، کرنل وتی کرنل ءُ لس مردماں وتی ٹکی مردمانی سر ءَ بیسہ ھست اَت ءُ زانوگراں وتی گوشداروکانی سر ءَ۔ 1970 ءَ باتھ بس یک ادارھی نامے پشت کپتگ ءُ ھما آشوبی چیدگ کہ چہ آئی ءَ ارب چاگرد ءِ آشوب ءِ اوست اَت ھلاس بوت۔