ماھتاک اِسپر ءِ دومی تاک
نبشتہ کار: ڈاکٹراللہ نزر
رجانک: سرباز وپا
بلوچ ءِ آجوئی جنگ یکشل ءَ برجاہ اِنت، جھان ءِ ھچ وڑیں زوراک اے جنگ ءَ پروش دات نہ کنت۔ پمیشکا ھمک رند ءَ گوں نوکیں دْروشم ءُ توانے ءَ دیم ءَ کئیت آ چہ پیش ءَ گیش توانمند ءُ مھکم اِنت۔ انوگیں بلوچ ءِ جنگ وتی مٹ وت اِنت، چی ءَ کہ بلوچ راجی آجوئی جنگ چہ ٹکی بھر ءُ بانگ ءَ گستا ءُ یک راجی آجوئی جنگے، اِشی بلوچ چاگرد ءِ ھمک بھرگ سانمند کرتگ ءُ زْرمبشت ءَ ھوار کرتگ کہ اے بلوچ راج ءِ گون ءَ ھمگرنچ اِنت۔
اے زانشتی جنگے دژمن ءِ ناھکّیں زْرمبشت ءِ بگیریں زوراکی ءُ زوراکی بلوچ راج ءَ گیشتر باسما کنت۔ بلوچ راج ءِ گیشتریں مردم ھمے سرپد بوگ ءَ اَنت کہ زورگریں دژمن ءَ مئے مڈّی درکار اَنت راج اِنّا۔ ھما پدریچ کہ اے جنگ ءِ میان ءَ رستگ ءُ مزن بوتگ آ گیشتر گوں زْرمبشت ءَ ھمگرنچ اِنت۔ چی ءَ کہ آ اے نوک آبادکاری وانگجاھاں بہ گر داں ھمک روچی اے ناشریں رویشتاں گندگ ءَ اِنت۔ آ گوریلا گوں سیاسی لیکہ ءَ مڑگ ءَ اَنت۔ نوں جنگ ءَ ساڑی ئیں جنگول گیشتر وتی جنگی پیسلھاں وتواک اَنت۔ آ پہ دژمن ءِ ھیران کنوکیں کاراں منسوبہ کنگ ءَ اَنت ءُ آ اے کارانی بابت ءَ داں مزنیں ھدے ءَ وتواک ءُ مڈّی اِش ھست۔
اے دْراجکشیں جنگ ءَ بلوچ ءِ چیرجنگی ءِ جنگولاں جنگ ءِ پڑ ءَ ابید چہ ٹیکنالوجی ءَ آدگہ دُرسیں جاھاں دژمن پْروش داتگ ءُ دُژمن ءِ مستریں زوراکی بے سان کرتگ۔ انسٹو چے گویرا ءِ گْوشگ اِنت کہ گوریلا ءِ دژمن ءِ سر ءَ ھمک سوبین اُرش گوریلا ءِ ارواہ ءَ پکنک ءِ وڑیں شادمانی یے دنت۔ دژمن گْوش اِیت کہ جنگ بے رھم اِنت اے گپ راستے کہ جنگ بے رھم بیت۔ من وتی ھمبلان ءَ ھمے گوش آں کہ چہ دژمن ءَ رھم ءِ اوست نادانی اِنت۔ آجوئی ءِ جنگ وھدے کہ سک تْرند بیت گڑا گوریلا ءُ لس مردم ایشی سوبمندی سرپد بنت، گڑا اے وڑیں جاوراں گوں تھمبل ءُ توکل ءَ دژمن ءِ پژدر ءِ ودار کنگ لوٹ ایت۔
نوں آجوئی زرمبش ھما جاہ ءَ سر بوتگ کہ پاکستان ءِ توانمند بزاں لشکر ءَ بہ گر داں پارلیمنٹ ءَ ھمے گپ ءِ سر ءَ تپاک اَنت کہ بلوچستان ءَ آجوئی جنگے بوگ ءَ اِنت، چو جھان ءِ آدگہ راجانی وڑ ءَ مئے لڑانی تہ ءَ دژمن ءِ کمکار ودی بوتگ اَنت یا کنگ بوتگ اَنت۔ ءُ اے کمکار ءُ ناشر داں آجوئی ءَ دژمن ءِ ھمراہ بنت چی ءَ کہ داں آجوئی ءَ ھمے دلجمی دیگ بنت کہ شمئے شاھیم گران اِنت آ ھمے توانگری ءَ کور بنت۔
جنگ چنچو دْراجکش بہ بیت داں گڈی ءَ دژمن وتی درسیں زور ءَ لس مردمانی سر ءَ کار گیت کہ اے زورگرانی دود اِنت ءُ اے کار پروش وارتگیں سسا ءِ نیمون اِنت۔ بلے بلوچ راج، بزاں جنگ کنوکیں گوریلا دژمن ءِ درسیں ھیلھاں سرپد بہ بنت ءُ پہ ایشاں باسمائی ءِ بنیاد ءَ سرپدی ھژدری اِنت۔ ھمے وڑ ءَ پہ مزنیں جنگاں چاڑکہ بنت۔
گُڈّی ءَ گوں جنگ ءِ پڑ ءَ ساڑی ئیں درسیں ھمبلاں ھمے لوٹ ءَ کناں کہ توپک وت جنگ نہ کنت پمیشکا ھما مردم توپک ءَ آس دنت گڑا آئی ءَ شریں وڑے ءَ سرپد بوگی اِنت چی ءَ کہ آئی وتی گون ءَ ھوار یک کُٹمے ءِ زندمان بندوک اِنت، گوں اے توپک ءَ ایوک ءَ یک مردمے ءِ نہ بلکیں سرجمیں راج ءِ پدریچ ءُ وشیں باندات ھمگرنچ اِنت۔
