دروت گلیں راج
مرچی ھپتاد ءُ شش سال اِنت کہ زورگریں پنجابی پوج ءَ بلوچ گلزمین ءِ سر ءَ کبزا کرتگ چہ ھما روچ ءَ بہ گر داں مروچی بلوچ ڈیھ ءِ مال ءُ مڈیانی لٹ ءُ پل، بلوچ پیر ، ورنا ، زھگ ءُ زالبولانی آوار جنگ ءُ کشگ، لوگ ءُ جاگھانی ماندارگ ءَ درا، گلزمین ءِ کاہ ءُ کھچرانی آسگ دیگ ءَ بہ گر داں سیمسر ءُ تیاب ءِ تاراج کنگ ءَ درا ھمک رنگیں زلم ءُ زوراکیانی کھراں بلوچ راج ءِ سر ءَ گوارگ ءَ اِنت۔
دومی نیمگ ءَ بلوچ سرمچار ھم زورگریں پنجابی پوج ءِ دیم ءَ گوں مزاری توکل ءُ باھنداں پہ ڈیھ ءِ رکینگ ءَ چوش کوہ ءَ میلانک اَنت، جنگ کنگ ءَ اَنت ، ھون ءُ ھید ریچگ ءَ اَنت، وتی ھیشی سرانی دیمونی ءَ دیگ ءَ اَنت، گڑا اے جاورانی تہ ءَ بلوچ راج ءِ سر ءَ پرز اِنت کہ آ وتی سرمچارانی ھمک رنگیں کمک ءَ تیار بہ بیت، ءُ وتارا وڑے ناں وڑے ءَ اے جنگ ءَ ھوار بہ کنت۔
اے راستے کہ دژمن نوک نوکیں جنگی سلاھاں بلوچ سرمچارانی سر ءَ کارمرز کنگ ءَ اِنت ءُ آئی ءِ کر ءَ نوک نوکیں سلاہ ھست اَنت، بلے بلوچ سرمچارانی مزنیں سلاہ آیانی توکل ءُ جزبگ، پھتھیں پگر ءِ سلاہ اَنت کہ چہ اے دگنیا ءِ مستریں سلاھاں تاگتور اَنت، ءُ دگنیا ءِ ھمک تاگت توکل ءُ جزبگ ءِ سلاہ ءِ دیم ءَ پروش وارت اَنت گڑا اے زورگریں پنجابی کرایہ داریں پوج ءِ بستار چی اِنت، انشااللہ دژمن ءِ پروش نزیک اِنت، ءُ اے مئے ایمان اِنت کہ بلوچ راج وتی ڈیھ ءِ ھمک درچک ءُ دار، ھمک سیاہ ءُ اسپیت ءِ وت واجہ بیت اِنت۔
ما اگاں دگنیا ءِ گْوستانک ءَ بہ چار ایں مارا ھمے گندگ ءَ کیئت اِنت کج ءَ کہ گلامیں راجے بوتگ ، آئی ءَ ابید جنگ کنگ ءُ کربانی دیگ ءَ آجوئی نہ گپتگ۔
اے ھم راستی یے کہ دژمن مدام چہ ایردستیں راج ءِ تہ ءَ لھتیں ناسرپدین ءُ کم اگلیں مردم ءَ را پہ لب ءُ لالچ ءُ چرپیں لنکھے وتی راجی جھد ءِ ھلاپ ءَ کارمرد کنت. مروچی ما ھم گندگ ءَ ایں کہ مئے راج ءِ تہ ءَ بازیں ناسرپد ءُ نازانتیں مردمانی ھواری ءَ سرپدیں ناسرپد ءُ چم پچیں کور ھم کارمرد بوگ ءَ اَنت۔
مئے گوں اے رنگیں ناسرپداں ارز اِنت کہ دژمن ءِ مکاری ءُ چالاکی ءَ سرپد بہ بہ اَنت ءُ وتی راج ءِ بد مہ بہ اَنت پہ ادارکی واھشتے ءَ راجی سرمچارانی بدواھی ءَ مہ کن اَنت، بلکیں اے جنگ ءِ بھر بہ بہ اَنت ءُ وتی اسل دژمن زورگریں پنجابی پوج ءِ رپک ءُ ھنراں سرپد بہ بہ اَنت۔
او انوں پد ءَ کہ پاکستان ءِ گچینکاریانی چن ءُ لانچ بووگ ءَ اِنت، زورگریں پنجابی پوج ھم پہ وتی تراشتگیں بتانی دیم ءَ آرگ ءَ دروگیں گچینکاری بلوچستان ءِ تہ ءَ ھم کنت بلے مئے گوں بلوچ راج ءَ دزبندی انت کہ اے دروگیں گچینکاریانی سرجم ءَ بائیکاٹ ءَ بہ کنت، گچینکاری ءُ ووٹ بلوچ راج ءِ ھچ درد ءِ درمان نہ اَنت، ءُ ھما نام گپتیں بلوچ کہ پاکستانی گچینکاریاں بلوچ راج ءِ درد ءِ درمان سرپد بہ اَنت مئے ھیال ءَ آ اے سر زمین ءِ سر ءِ کم اگل ءُ اھمکیں انسان اَنت، زورگریں پنجابی پوج ءِ گچینکاری مئے گلامی ءِ روتگاں گیشتر پزور کنگ ءِ جھدے۔ مئے جیڑہ دروگیں گچینکاری نہ اِنت تھنا راجی گلامی اِنت کہ پہ ایشی ءَ دیمونی دیگ ءُ جنگ کنگ ءَ ابید دگہ ھچ راہ ءُ در نیست اِنت۔
بلوچ راج آجو بات
بلوچستان سبز بات
منتوار
