نبشتہ کار: مزار بلوچ
آپریشن گنجل بلوچستان ءِ آجوئی ءِ جنگجوئیں گل بی ایل اے ءِ مجید بریگیڈ ءِ نیمگ ءَ 16 بلوچ چنگ بروت ءُ سُھرچمّیں آجوئی لوٹوکیں ورناھاں کُتگ اَت۔ اے گھگیری ءِ ارواہ، دیمونی ءُ آجوئی ءِ اڑیلیں شوھازگ ءِ یک جُھلیں میراسے۔ پنجگور ءُ نوشکی ءِ پاکستانی لشکر ءِ بُندرانی سر ءَ وتی تمردی ءِ اُرش ءَ اےے جنگجوھاں اے ھبر ءِ جوھر آشکار کُتگ کہ زُلم ءِ ھِلاپ ءَ چہ گالِبیں گْرانیں ساھتانی دیمپانی ءَ ھم اُوشتگ ءِ بِزانت چی اِنت۔
اِشانی چار روچی جنگ چہ وت ءَ باز مزنیں ءُ گیشتِر سلاہ بندیں زوراک ءِ ھلاپ ءَ ھما مردُمانی بے پْروش ءُ اڑیلیں ارمان ءِ جاک اِنت کہ آ ایرجیگی ءَ ڈامیچ ءُ راندَگ کن اَنت۔ آیانی جُھد ھما ابدمانیں ھیال ءِ جاک اَنت کہ آجوئی دیگ نہ بیت، بلکِن ءَ پَچگِرگ بیت، بوت کنت سکّیں مزنیں ھرچے ءَ پد ھم۔ اے 16 جنگجوھاں وتی اجَلی ءِ اٹکَل زانتگ اَت ءُ پہ زاتی مزَنشانی ءُ بوھیری ءَ سر ندر کنگ ءِ راہ گِچین نہ کُتگ ات، بلکِن ءَ پہ وتی راج ءُ وتی سرڈگار ءِ آجوئی ءَ اے راہ گِچین کُتگ اَت۔
آیانی دیمونی زورگِری ءِ ھلاپ ءَ راجی پئیکار ءِ چیدگ جوڑ بوت، یک تْرانگیج ایت کہ زورگِری ءِ سانکلاں ھما مردم سِست کن اَنت کہ آ سردستیں ھرچ ءِ زورگ ءَ ساجو ءُ ساڑی اَنت۔ وتی سرکشی ءِ تہ ءَ آ ننگ ءُ گیرت ءَ چہ ایوک ءَ زِندگ بوَگ ءَ دیم ءَ ایر کنگ ءِ لیکہ ءَ ھم آشکار کن اِنت۔ پہ آیاں زُلم ءِ چیر ءَ زندگ بوَگ ءِ ارزشت چہ آجوئی ءِ واھگ ءِ ھاتر ءَ مرگ ءِ ارزِشت ءَ باز کم ات۔ آیانی جنگ ایوک ءَ یک زورگِریں ریاست ءِ ھِلاپ ءَ نہ بوتگ بلکِن ءَ ھمے ھیال ءِ ھلاپ ءَ بوتگ کہ یک راجے چہ آئی ءِ وتواجھی ءُ پجّار ءَ زبھر کنگ بوت کنت۔ دُژمن ءِ سر ءَ چوشیں بے باکی ءَ گوں اُرش کنگ ءَ، آیاں اے درشان کُت کہ کسانیں گل ھم پہ وتی سرڈگار ءِ مھر ءُ جزم ءَ چہ زورگِریں سامراج ءَ ھم گامبیل کُت کن اَنت۔
آھانی کِسّہ دیمونی ءُ میراس ءِ زِرد ءُ دْروشم ءِ بابت ءَ ھم جُست چِست کنت۔ چوش کہ آیانی سر گار بوتگ انت، بلے آیانی جُھد ءَ گھگیری ءِ چِراگ آس داتگ اَنت کہ انگت ءَ سِکین ءُ شُبینگ ءَ اِنت۔ پلسپہ زانت البرٹ کیموس ءِ دیدانک ءِ رد ءَ آیوکیں وھد ءِ نیمگ ءَ راستیں دسپچی ءُ بکشِندگی، ھرچی انوگیں وھد ءَ دھگ اِنت۔ اے 16 جنگولاں ھرچی کہ ھست اَت آیاں انوگیں ساھت ءَ دات اَنت، آیاں زانتگ اَت کہ آیانی جُھد ءُ دیمونی چہ آیانی زِند ءَ گی٘شتر جاک جنت۔ آ ایوک ءَ پہ بلوچستان ءَ نہ بلکیں پہ ھما دْرستاں شھید بوت اَنت کہ وتواجھی ءِ منّوک انت۔
آپریشن گنجل یک تْرندیں تْرانگی٘ج ایت کہ آجوئی ءِ جنگ باز براں ناتْراز اِنت، گوں ھمتنگیں گْواجناں نہ بلکیں گوں ھمتنگیں جزم ءَ جنَگ بیت۔ اےے مارا گھگیری ءِ کِردانکی بار ءُ آجوئی ءِ ھرچ ءِ سر ءَ ھیال گْور کنگچءَ گامبیل کنت۔ اِشانی دیمونی راھسراں چو چِراگ ءَ اُوشت اِیت ءُ پہ آؤکیں پدریچ ءِ جُھد ءِ برجاہ دارگ ءِ راہ ءَ رُژنائی دنت ءُ ھمُک ڈولیں گْران ساھتی ءَ چہ بے باک کنت۔ اِشانی تمردی ءِ تہ ءَ ما اے پائیداریں راستی ءَ گِندیں کہ گھگیِری ءِ ارواہ ھچبر سرجم ءَ گُٹگیر نہ بیت- اے ھما مردمانی دلانی تہ ءَ زندگ اِنت کہ آ یک آجو ءُ وت واجھیں سرڈگار ءِ واب گِندگ ءِ توکل کن اَنت۔
آپریشن گنجل ءِ شھید
بادل برائیم بلو٘چ
بِلال بلو٘چ
میِرین جمالدینی بلو٘چ
یاسِر نور بلو٘چ
ابرائیم بلو٘چ
ھزیز زِھری بلو٘چ
مُراد آجو٘ بلو٘چ
انی٘ل بلو٘چ
دیدگ بہار بلو٘چ
ھامِد رھیم بلو٘چ
زمیِر بلو٘چ
ناسِر امام بلو٘چ
اسد واھگ بلو٘چ
جمال بلو٘چ
الیاس بلو٘چ
سمی سمیر بلو٘چ
