زمین شیدائیں سپر ھان

پنچمی گُڈّی بھر
نبشتہ; ھلیل بلوچ

یک نیمگےءَ چینی ءُ یک نیمے پنجُلاں
دزگیر بوتگ اَت منی گوادر دونیمگ ءَ

هر نیمءَ تیرءُ ٹوپ ءِتوار اَت چو جمبرءَ
مئے زِر پهازاں گپتگ اَت سنگر دونیمگءَ

اے جنگ نیکیں پالے پہ بانداتءِ پُسگاں
آجوئی ءَ بلوچ کن اَنت سَر دونیمگءَ

آئی ءِ گَپّ ءُ مسالانی تہ ءَ مُدام گْوادر ءِ نام گون اَت۔ آئرا ھچ وڑیں شُھرت ءُ اگدھانی گرز نیست اَت۔ کاملیں سرمچارے اَت۔ آئی ءِ گُومن گُڈّی دیوان ءِ گَپّ ءُ تْران تنیگہ منی گوشاں اِشکنگ بنت۔ آئی ءِ پُرپگریں مجلس پہ مھروانی وتی گَپّ ءَ کشّگ ءُ دیم ءِ مردُم ءَ سرپد کنگ انگتہ نوک اَنت۔
من وھدے چہ آ دمگاں درکپت آں گُڑا آئی ءِ گوما سکّ کم ھال ھوال بوت، بلے ھردیں سنگتے کسّے لائن ءَ بیاآتکیں گُڑا من الّم ءَ آئی ءِ جُست گِپتگ اَت۔
چہ آئی ءِ شھیدی ءَ لھتیں ماہ پیسر من سنگتے ءَ را سوج کُرت کہ سپر ھان ءِ ھالا بدئے کج ءَ ￴ اِنت گُڑا سنگت ءَ من ءَ گوشت کہ سپرے ءَ شُتگ نزاناں پرچا منی دل ءَ شکّ شُت کہ اے مجید برگیڈ ءَ ھوار اِنت۔ بلے من زیادہ جُست پُرس نہ کُرت۔

وھدے آپریشن درّہ بولان ءِ دومی روچ ءَ چیدگ منا ھال دات کہ مئے شُمئے گوما اوتاگ ءَ یکجا بوتگیں سنگتے ھم ھمے آپریشن ءَ گون بوتگ ءُ شھید بوتگ گُڑا منی ھیال تچک ءَ سپر ھان ءِ نیمگ ءَ شُت۔
بلے دمانے نہ گْوست کہ ھال رس اِت کے ڈی جان ءَ وتی ھکّ ادا کُرتگ۔
ماھے نہ گْوست کہ ھاک ءِ شیدائیں سپر ھان گوں وتی ھمراھاں پہ ھلو ھالو گْوادر ءَ دژمن ءِ سرا آس گْوارگ ءَ اَت۔
آئی ءِ گُڈّی کلوہ سکّ ءَ تچک ءُ سادگ اَت بلے آئی ءِ گپّانی سنگینی آئی ءِ بالاد ءِ بُرزی ءَ پیش دارگ ءَ اَت۔
سپر ھان پہ گْوادر ءَ ھُدوک اَت آئی ءِ مستریں واھشت ھمیش اَت کہ بلوچ ءِ اوبادگ اگاں وار ءُ بزّگ بنت یاں دو وھد ءِ ھُشکیں نانے مہ گِند اَنت بلے وتی ڈیھ ءِ وَت واجہ بہ بنت۔ وتی دوستار ءِ یاتاں باتیل ءِ ٹُلّے ءَ مگرب ءِ نیوگاں گوں کلوہ دیم بدے اَنت۔
سپر ھان ءِ واب الّم ءَ سرجم بنت پرچا کہ دُنیا ءِ تہ ءَ ￴ چوشیں واب نیست کہ آ اینکسیں کُربانی ءَ پَد سرجم مہ بیت۔ ھما روچ دور نہ اَنت کہ باتیل ءِ کوہ بلوچ ءِ شھیدانی یات ءَ سمبھینگ بیت۔

ھلاس