سنائپر شوٹرسکندر

ندکار : شے رھمت بلوچ

رجانک کار : گواڑگ بلوچ

آشوب ءِ تہ ءَ مدام چش بیت کہ کسہ مٹ بنت، آشوب کسھان ءَ  مٹ کنت، آشوب ءِ آرگ ءَ کسھان ءَ مٹ بوگ کپ ایت، آشوب ءِ تہ ءَ کسہ انچش مٹ بنت چشکہ شپے ءِ تھارونکیاں چہ ، داں ءَ روچ ءِ رژن ءَ ، ھمے داب ءَ آشوب مئے کسھاں مٹ کنت، آشوب آرگ ءَ مردم چو ترس انت چے ءَ ؟ ھمے جست مدام سر کش ایت کہ مردم آشوب آرگ ءَ پرچا ترس انت؟  مردم پمیشکا ترس انت کہ ھرکجا آشوب آرگی بہ بیت گڑا اود ءِ زورگر کدی ھم آشوب ءَ دوست نہ دار ایت، پمیشکا دوست نہ دار ایت پرچا کہ آئی ءَ ھمے چاگرد ءِ تب دوست بیت ءُ ھما کہ آشوب آرگ لوٹ انت آ کُشگ بنت پمیشکا لھتے مردم آشوب ءَ آرگ وَ لازم لوٹ انت بلے دیمونی ءَ ترس انت۔

شھید سکندر لالا ابراھیم ءِ لوگ میھی ءَ ودی بوت انچشکہ من وتی پیسریگیں نبشتانکانی تہ ءَ نبشتگ کہ اود ءَ وانگجاہ ءِ نہ بوگ ءِ سوب ءَ، گونڈوان ءَ داں جیبری ءَ پند برگ کپ ایت چوناھا میھی ءَ وانگ جاہ نہ بوگ ءِ سوب ءَ ،میھی ءِ ھمک زھگ پہ وتی وانگ ءِ واستا داں جیبری ءَ پند بر ایت پرچاکہ وانگ اولی ھک انت کہ چرائی ءَ ما زبھر ایں، مارا چہ وانگ  ءَ دور دارگ بیت پرچا کہ اگاں ما وانگ دربرت گڑا ما وتی ھک ءِ گپ ءَ کن ایں  وتی ھک ءَ لوٹ ایں ، پمیشکا استان کدی ھم مئے وانینگ ءِ جھد ءَ نہ کنت۔

شھید سکندر چہ آئی ءَ پد، وتی وانگ ءِ دیما برگ ءَ دیم پہ کراچی ءَ روت کراچی ءَ پد لھتے وھد ءَ شال ءَ بوت بلے 2015 ءَ موکلاں واتر مشکے ءَ اتک ھمے روچ ءَ کہ آ آتک، آئی ءِ دومی روچ ءَ مشکے میھی ءَ آرمی ءُ سرمچارانی میان ءَ جنگے بوت کہ چہ ھمے جنگ ءَ 13 بلوچ سرمچار شھید بوت ءُ آرمی ءِ بازیں کارندھے مرت۔ چہ ھما ویل ءَ پد جاور ھک ءِ ھساب ءَ نہ بوت انت ھمک جاہ، لشکرکشی، ھرجاہ ءَ پاکستان ءَ لوگ سوتک انت مردم ئِے بیگواہ کت، زور لڈینگ بوت انت کہ آئی ءِ سان پہ مشکے ءِ مھلوک ءَ بے کساس تورناک بوت انت ۔

آ انچیں وھدے ات کہ ھرکس پوج ءِ زوراکیانی آماچ کنگ بوتگ ات، پوج وتی ترس ءِ شنگ کنائیگ ءَ چیر ءُ سر ات، ھمک جاہ بے گناھیں مردمان ءَ شھید کنگ، لوگانی سوچگ، مردمان ءَ زورانسری بنجلانی نزیک ءَ آرگ، پابند کنگ، ھمے وھد ءَ شھید ءِ پت لالا ابراھیم ھم گجر ءِ نیمگ ءَ شت ، ھالانکہ شھید سکندر ءَ اے چیز بھ دوست نہ ات بلے نہ لوٹگ ءَ پد ھم گوں آئی ءَ انچش بوت، ھمے وھد ءَ سکندر ءِ ناکو مھراللہ ، آئی ءِ کھول ءِ بازیں مردمے ترس آماچ بوت ءُ پاکسانی پوج  دیم ءِ سلاہ اش دوردات انت، لھتے روچ ءِ گوزگ ءَ پد دولت بی ایل ایپ ءِ دستاں جنگ بوت۔

 چہ آئی ءَ پد 2016 ءَ وتی وانگ ءِ درچ ئِے برجاہ داشت گجر وانگجاہ ءَ بھر ئِے زرت، ھمے زمانگ ءَ بی ایس او آزاد ءِ نیمگ ءَ آئی ءَ چاکنگ کت، کہ آئی ءِ ھال پوج ءَ رس اِت ءُ سنکدر اش مشکے ءِ مین کیمپ چاونی ءَ برت، ءُ اود ءَ آ اش الٹا درنج اِت ءُ جت اش، ھرچ وڑیں آزار دیگ بوت، بلے چرائی ءَ پد ھم وھدے آ ڈن ءَ در آتک وتی کار ئے برجاہ داشت ۔میھی ءُ جبیری ءَ ھم چاکنگ ئِے کت، ءُ یک برے گجر ءِ بازار ءَ ھم چاکنگ بوت، چرائی ءَ پد جیبری آرمی ءَ بندیگ کنگ بوت ءُ گڈی وارنگ دیگ بوت بوت کہ نو اگاں چاکنگ کت گڑا کشگ بہ ئے۔۔

چہ آئی ءَ پد وھدے در اتک گڑا بی ایل ایپ ءِ سنگتاں گوں ھال ءُ اھوال ئِے بندات کت آوان ءَ ھرچ وڑیں ھال ئِے دات، پہ آواں کار کنگ ئِے بندات کت ءُ باز بر ءَ گوں آواں دچار کپگ ءَ ھم شت ھمے وھد ءَ پوج ءَ ھال ءَ گپت کہ اے چہ وتی کاراں دزکش بوگ ءَ نہ انت گڑا وتی مردمان ءَ گوشت ئِے کہ آ آوار جنگی انت گڑا چہ اود ءَ درکپت ءُ ڈارک بے ایل ایپ ءِ سنگتاں گوں ھال ءُ اھوال ئِے کت کر ءَ اش شت، بی ایل ایپ ءِ سنگتاں آئی ءَ منت کت کہ انگت ءَ پہ تو اود ءَ باز کار ھست بلے آ نہ شت پرچا کہ آئی ءَ زانتگ ات کہ نو گرگ بوتاں، گڑا داں آکبت آ دگہ بلوچانی وڑ ءَ بیگواہ باں۔

آ بی ایل ایپ ءِ تہ ءَ چار سال ءَ ھوار بوت ءُ راجی کار ئِے کت انت۔ کول ئِے آئی ءِ ھمراھانی کہ آ بے کساس دلیر ، دلپھک ءُ بھادرے اَت ھرچ وھد جنگ ءِ وھد ءَ گوں پوج ءَ ڈیک وارت، گڑا آ درستاں چہ پیسر جاڑی ات ءُ بے کساس گل بوتگ ات کہ  من ءَ جنگ ءِ موہ رسگ ءَ انت آ بازیں کاروائیاں ھوار ات بدبھتی ءَ 18 ستمبر 2020 ءَ کہ وھدے گوں پنچ ھمراھاں پوج ءِ سر ءَ ارش کنگ ءَ روگ ءَ ات انت  آوانی راہ پیسر ءَ پوج ءَ بستگ ات آ اود ءَ چہ دراتک ءُ کمو دور شت انت دومی روچ ءِ نھ بج ءَ پوج ءَ آوانی سر ءَ بیڑ برت ءُ جنگ بندات کت ،آ گوں دلیری ءَ جنگ دیان ءَ، دژمن ءَ تاوان دیان ءَ گوں چار ھمراھاں ھوار شھید بوت۔

2، 11، 2021