منٹو ءُ مرچیگیں جنین

رجانکار: الیاس داد

سنی لیون ءَ یک گُلگدار ءِ توکا گْوشتگ کہ آئی ءِ زند ءِ گْرانتِرین ساھت ھما وھد اَت کہ آئی ءَ وتی در ربیدگ کیریئر ءِ بابت ءَ وتی مات ءُ پت ءَ را گْوشگی اَت۔ آئی مات ءُ پت ءِ پسّو سک ربیدگی ءُ آ اے پیسلہ ءِ سرجم ءَ ھلاپ اَت اَنت۔ ھر دمان بَار ءُ تُرسے سر ءَ اَت، بلے اناگت ءَ ھما دمان اتک کہ سنی ءَ سال( پینٹ ہاؤس) ءِ بے کاریں جانور ءِ داد زُرت ءُ یک سد ھزار امریکی (ڈالر) ءِ داد رست۔

 آئی ءِ مات ءُ پت بندات ءَ ھیران بوتگ اِت اَنت، آئی ءِ مات ءِ چَمّاں ارس اتکگ اَنت ءُ ھر جاہ جزبگ ءِ بھاری ماھول (Environment) اَت۔ بلے چوشیں مزنیں مالی سوبمندی یے ءَ ھر رکاوٹ سرجم ءَ بدل کت۔ اے زرّ ایوک ءَ زرّ نہ بوتگ اَنت، بلکیں آئی گچین ءِ توکا آئی ءِ ٹاہ جَنَگ سوبمندی ءِ تجربت گواہ بوتگ۔

آئی ءِ پت ءَ گُڈسر ءَ گْوشت کہ اگاں تو اے راہ گچین کُتگ گڑا سوبمند بوگ ءَ چہ اے راہ ءَ پیش دار، چوش کہ یک سد ھزار ڈالر ءِ کمائی ءَ آئی ءِ مات ءُ پت ءِ بگیر ءِ منّوگِری بدل کت۔

منٹو ءِ زمانگ ءَ باز براں جنین آدم بے وسیں ءُ مردیں زالم ءِ رنگ ءَ پیش دارگ بوتگ انت۔ آئی ءِ نبشتانکاں چہ اے گپّ پدّر بیت کہ جنین آدم چاگردی ءُ مالی زور ءِ چنگل ءَ بند ءُ مردین توانگر ءُ زوراک اَنت۔ چوش کہ سنی لیون ءِ کسّہ ءِ توکا کُربانی ءِ ھِچ پسّہ نیست۔ آئی ءِ مات ءُ پت ءِ منّگی ایوک ءَ مالی سوبمندی ءِ چمک ءِ سبب ءَ اتکگ اَت، ناں کہ مردُمگِری یا ربیدگ ءُ رھبندانی سبب ءَ۔

اے گپ مارا گْوش اِیت کہ زوراکیں گچین ءُ مالی سان ءُ رسوک گُستگیں لیکھاں چون بدل کنت۔ مرچیگیں دنیا ءَ جاور چہ ایشی ءَ گیشتر دگہ رنگے ءَ بوتگ اَنت۔ دشا پٹانی ءِ وڑیں سوبمندیں ءُ واکداریں جنین آدم کہ (انسٹا ءُ سوشل میڈیا) ءِ مردُمگِری اِنت آ وتی ھواچِک انچو ءَ وتی لاش یا سٹائل ءَ پیش دار اَنت۔

 اے کُربانی نہ اَنت، بلکیں توانائی ءُ آسانیں کمائی ءِ وسیلہ اِنت، یک انچیں گچینے کہ ھچ وڑیں زور ءُ بے وسی ءِ بنیاد ءَ نہ بلکیں وتی آزاتیں  وتواجھی ءِ بنیاد ءَ کنگ بیت۔ البت مرچی ھم لھتے جنین آدم ھست کہ آ چاگردی یا مالی رکاوٹانی سوب ءَ ادبی سیمسراں چہ ٹپّ اَنت، بلے راستی ایش اِنت کہ مزنیں کساسے وتی وت واجھی ءُ گچین ءِ چیردستی ءَ پہ آسانیں زرّاں وتی بدن یا بے شرپی ءَ بے ننگ کن اَنت۔ اے وڑیں زور ءُ زوراکی ءُ جنین آدماں ٹک ٹوک (Tiktok) پُر اِنت۔

اگاں منٹو مرچی زندگ بوتیں گڑا اے گومب ءِ بابت ءَ ھم نبشتہ کتگ اَت ئِے، بلے مرچی ھم لھتیں وت ءَ لبرل یا پیمینسٹ، وتی شوندات ءِ وسیلہ ءَ اے گپ ءَ زاھر کنگ ءِ جھد ءَ کن اَنت کہ جنین آدم ایوک ءَ بزّگی ءُ زُلم ءِ سوب ءَ بے ادبی کار کن اَنت۔ راست اِیش اِنت کہ اگاں جنین آدم بزّگی ءَ چوشیں پیشہ ءِ توکا کئیت گڑا دومی نیمگ ءَ زر ، شارٹ کٹ ءُ آسانیں زر ءِ چمک ھم آئی ءَ اے درستیں کارانی کنگ ءَ لاچار کنگ ءَ اَنت، ءُ منٹو انگت انچو ھژدری نہ اِنت۔