اِلم ءُ زانگ انسان ءَ یک رُژنائیں زندے بکش اِیت

نبشتہ کار: شھناز بلوچ

اِلم یک اَنچین چیزے کہ کور ءَ چم پچ کنت بنی آدم ءَ چہ تھاریں زند ءَ کَش اِیت ءُ یک رُژنائیں زندے بکشائیت، پرچا کہ داں بنی آدم اِلم در مہ بارت ءُ مہ وان اِیت گڑا آ جھان ءِ تب ءَ سرپد نہ بیت۔ اے زند ءِ گرانیں پیچ ءُ تاب پہ آئی ءَ جنجال جوڑ بنت۔ چہ زانت ءَ پد وتی دوست ءُ دژمن ءَ پجّا کار اِیت۔

اِلم ترا وتی پاداں اُوشتگ ءِ ھاٹیگ دنت۔ وتی دژمن ءِ پُروش دیگ پرمائیت، مرچی یک چیزے ما ھمے بہ جیڑ اِیں کہ زیکیں روچاں ھمے پاکستان ءِ داشتگیں دلاراں وت ءَ مُلا ءُ اسلام دوست کُتگ ءُ اتکگ اَنت۔ بزگ ءُ گریبیں بلوچانی گس ءَ کاینت ءُ مئے پیر ءُ کماشاں ھمے گْوش اَنت کہ وتی زھگ ءُ زالبولاں چہ لوگ ءَ ڈنّ در آھگ ءَ مئیل اِت کہ گُناہ گار بنت۔

پرچا کہ اے ریاست ءِ وتی پندل بوتگ اَنت کہ پاکستان ءَ پنجابی وتی زھگ ءُ زالبولاں ڈنّ ءَ وانگ ءَ روگ ءِ موکل دئے اَنت ءُ تر ءُ گرد ءِ موکل دئے اَنت، بلے پہ بلوچ ءَ ھمے زانگ لوٹ اِیت کہ اے پہ بلوچ زالبول ءِ دارگ ءُ دیمروئی کنگ ءَ نئیلگ ءِ پندلے سازگ بوگ ءَ اِنت۔

پاکستان ھمے لوٹ اِیت کہ بلوچ راج ھچ دیمروئی مہ کنت، چی ءَ کہ بلوچ اِلم ءُ زانت در بارت گڑا آ وتی ھک ءِ لوٹ ءَ کنت ءُ پہ وتی ھک ءَ جنگ کنت۔ بلوچ ءِ جنک ءُ بچک ءَ چہ زانت ءَ دور دارگ ءِ ھاتر ءَ ریاست وتی ھر وڑیں پندل سازگ ءُ چہ بیگواھی ءَ بہ گِر کُشت ءُ کوش ءُ دگہ بازیں پندلانی رد ءَ آیانی دارگ ءِ جھد بوگ ءَ اِنت۔

پاکستان ءَ مئے وتن بلوچستان ءُ مئے گلزمین دستیگ کُتگ ءُ بلوچ راج وتی گلام کُتگ، آ کہ وتن دوست ءُ راجدوست بنت وتی راج ءِ گلامی ءَ نہ منّ اَنت گڑا ریاست آیاں چِست کنت، بارت گار ءُ بیگواہ کنت۔ مرچی پاکستان ءِ ھمے زوراکیانی بگیری ءَ مئے بلوچ ورنا ءُ بلوچ جنک ھم کُربانی دیگ ءَ اَنت۔

چوش کہ پہ درور پدائی شاری، پدائی سُمیہ، پدائی ماھل، پدائی ماھکان ءُ پدائی زرینہ کہ آیاں ھمے ریاستی زوراکیانی بگیری ءَ وتی جان شورہ بستگ ءُ ٹکر کرتگ، بلے دُژمن پہ اِیمنی وتی وتن ءِ تہ ءَ نندگ ءَ نیشتگ۔ پرچا کہ آیاں وھدے وتی گلامیں زند دیستگ ءُ وتی راج گلامی ءَ دیستگ، گڑا آیاں وتی درساں چہ دوستیگیں ساہ کہ پہ وتی زمین ءُ راج ءَ ندر کرتگ۔ من وتی بلوچ راج ءِ زھگ ءُ زالبولاں ھمے گْوشگ لوٹاں کہ بہ وان اَنت ءُ وتی راج ءِ ھمک سکّیاں گوں وتی راج ءَ بہ اُوشت اَنت۔ گُلزمین ءِ گْوانک ءَ چونیں دیمونی دَیگ ءِ پکار بوت، پدکِنزگ ءِ بدل ءَ گاماں دیم ءَ شھار بہ دئیں۔