نبشتہ کار: بھادر بلوچ
چہ بی ایل ایپ ءِ نیمگ ءَ بام آپریشن ءِ جار ءُ بلوچستان ءِ ھمک کُنڈاں ھبدہ ارش یکیں روچ ءَ کنگ بیت، پد ءَ ھمے اُرشانی دْرچ یکشل ءَ برجاہ مان اِیت کہ بی ایل ایپ ءِ جارکش میجر گْوھرام وتی جار ءِ تہ ءَ گْوش اِیت: ” آپریشن بام بلوچستان ءِ تیاب دپی دمگاں بہ گر تاں کوہ ء سلیمان ءَ بندات بوتگ ءُ ارش برجاہ اِنت۔“
چہ بی ایل ایپ ءِ جار جَنَگ ءَ پد پداپ ءَ ھمے شپ ءَ بہ گر تاں اے دگہ سرجمیں روچ ءَ تاں اے دگہ شپ ءَ تْرندیں اُرشانی یک ھلاس نہ بیوکین دْرچے سرجمیں بلوچستان ءَ یکشل ءَ برجاہ بیت،چہ بی ایل ایپ ءِ آپریشن بام ءَ پد ءُ ترندیں اُرشانی سوب ءَ بی ایل ایپ سرجمیں راج ءُ دُژمن ءِ اِنان ءَ پھک وتی نیمگ ءَ بارت۔ بلوچستان ءِ گیشتر ءُ مستریں مزن دگانی سر ءَ راجی سرمچنڈ دگ بندی بندات کن اَنت، دُژمن چہ پروش ورگ ءِ سوب ءَ یکدم گُنگ بیت ءُ اے دگہ روچ ءَ بلوچستان ءِ سرجمیں نیٹورکاں بند کنت ءُ اے کلوہ ءَ دنت کہ بلوچستان ءِ سرجمیں پبلک ٹرانسپورٹ بند اَنت۔
ھمے تْرندیں اُرشانی میان ءَ پد ءَ دومی شپ ءَ چاگردی رسانکدر ءَ دگہ یک ٹوھیں ھالے شنگ بیت کہ کوہ ء سلیمان ءِ دمگ، ژوب ءُ کش ءُ گوراں راجی پھازداریں بامرداں ءُ میجر ءِ کُنگُریں سرمچنڈاں مزن شھدگ بستگ اَنت ءُ چہ شال ءَ دیم پہ پنجاب ءَ رھادگیں بس داشتگ ءُ پٹ ءُ پول کتگ کُتگ اَنت۔ راجی سرمچنڈاں دُژمن ءِ نُھ (9) چیریں ادارھانی کارمند دزگیر کنگ ءَ پد کشتگ ءُ دؤر داتگ اَنت۔
اے ھال ءَ دُژمن ءَ ھوار سرجمیں دگنیا پچ لرزیت، دُژمن ءِ میڈیا ءَ ھوار سرجمیں دری میڈیا ءَ آپریشن بام ءِ توار جکس اِیت۔ دُژمن ءِ واہ ءُ زاریانی توار کہ بلوچ راج ءِ گوشاں کپ اِیت گڑا راج ءِ دل وش بیت ءُ آپریشن بام راج ءِ زرد ءَ بے کساس تاھیر دنت۔ راج زانت ءُ سرپد بیت کہ بی ایل ایپ ءِ بندات بوتگیں آپریشن بام ءَ پہ ما آؤکیں یک وش ءُ پُرایمنیں سباھے گون۔
یک رندے پدءَ بی ایل ایپ ءِ جارکش میجر گْوھرام وتی دومی جار ءَ پِرّین اِیت کہ من آپریشن بام ءَ ھشتاد درسد سوب مند بوتگاں ءُ آپریشن بام انگت برجاہ اِنت۔ بلوچستان ءِ کلیں دمگاں میجر ءِ راجی سرمچنڈاں بندش مزن دگانی سر ءَ جتگ ءُ دُژمن ءِ بُنجل، کاروان تُرندیں اُرشاں نشانگ کُتگ اَنت۔
ھمے داب ءَ آپریشن بام ءِ گُڈّی ءَ یک رندے پد ءَ بی ایل ایپ وتی جار ءَ شنگ کنت کہ آپریشن بام گوں سد در سد سوبمندی ءَ آسر بوتگ ءُ کل ھشتاد ءُ چار سوبمندیں اُرشاں دژمن نشانگ کنگ بوتگ۔ ملک ءُ در ملکاں نشتگیں کل بلوچ بی ایل ایپ ءِ اولی سوبمند بوتگیں آپریشن بام ءِ سِپت ءُ ستا ءَ کن اَنت ءُ بی ایل ایپ ءَ بلوچ راج ءُ سرڈگار ءِ پاسبان سرپد بنت۔
اے درگت ءَ من بی ایل ایپ ءِ اولی بندات کتگیں آپریشن بام ءَ پمیشکا سد درسد سوبمند سرپد باں کہ اے ٹوھیں آپریشن ءَ دُژمن چکپروش کت ءُ بی ایل ایپ ءِ یک سرمچنڈے ھم تاوان بار نہ بوت، ھالاں کہ چوشیں جنگانی تہ ءَ یا کہ چوشیں ٹوھیں آپریشناں دُژمن چکپروش بہ بیت ءُ دومی نیمگ ءَ راج پاسپانیں سراں ھچ تاوان مہ بیت بزاں کہ اے یک مزنیں سوبمندی یے ءُ دُژمن ءِ نزور بوگ ءِ نشانی اِنت۔ پہ سِتک بزاں بی ایل ایپ ءَ دُژمن یک انچیں ڈکّے جت کہ کول ء بلوچانی ءَ دار ھم تل بوت ءُ دستگ نہ پُرشت۔
اے سوبمندی ءِ کریڈٹ بی ایل ایپ ءِ لیڈرشپ ءِ سوھوی ءُ مزنی ءَ پیشدار اِیت کہ آئی ءَ وتی کماندار ءُ سرمچار چیرجنگی رِپک ءُ رھبندانی بُنیاد ءَ تربیت کُتگ اَنت، ءُ اے یک مُھمکیں جنگی گَلے ءِ مستریں نشانی اِنت۔
پمیشکا اے بی ایل ایپ ءِ سوبمندی اِنت کہ آئی وت ءَ سرجمیں بلوچستان ءَ تالان کُتگ کہ مرچی ھر کُج ءَ دُژمن ءِ سر ءَ اُرش کنت ءُ سرجمیں بلوچستان بزاں ھمائی ءِ دست ءَ اِنت کہ آؤکیں روچاں اے پہ دُژمن ءَ تباھی یے بیت۔
بی ایل ایپ ءَ آپریشن بام ءِ سوبمندی مراد بات
بلوچستان آجو بات
