آپریشن بام: بی ایل ایپ ءِ نوکیں جنگی شوندات ءُ راجی جُھد

نبشتہ کار: شیھک

بلوچ جنگ ءَ را بیست سال ءَ گیش اِنت یکشل ءَ گوں مھکمی ءَ برجاہ اِنت۔ اِے جُھد ءِ تہ ءَ نزوری، جھل ءُ بُرز، وڑ وڑیں سیاسی چِست ءُ ایر بوتگ اَنت، بلے جُھد مھکم بوتگ ءُ مروچی انچیں جاھےءَ سر اِنت کہ وت ءَ مھکم داشتگے ءُ ادارھی بنیات ءَ روچ پہ روچ گیشتر مھکم بْوان اِنت۔ اِے جُھد بلوچ راج ءِ سرجمیں پِڑانی مردمانی کربانی ءُ شپ ءُ روچ ءِ جُھدانی برورد اِنت۔ دوزھزار ءِ جنگ ءِ مستریں سوبمندی جُھد ءَ را سْیاسی ءُ ادارھی بنیات ءَ مھکم کنگ ءَ گوں بندوک اِنت۔ دوھزار ءِ بندات ءَ بی ایس او آزاد بِیت۔ بی ایس او آزاد بلوچ بندپتر ءَ اِے دَور ءِ اولی ادارہ بیت کہ سْیاسی دْروشم ءَ گوں راجدوستی ءِ لیکہ ءَ ورنا ءُ نودربراں یک گیشینتگیں پترے دنت ءُ سرجمیں پدریچے لیڈرشپ ءِ داب ءَ تیار کنت۔ بی ایس او ءِ روتگ مھکم ءُ لس مھلوک ءِ تہ ءَ وت ءَ مھکم دار اِیت۔ اِے سْیاسی پکر ڈاکٹر اللہ نزر ءُ آئی ءِ سنگتانی بِیت۔ بی ایس او کہ بنیات اِنت آئی ءِ اِے داب ءَ مھکمی آؤکیں وھد ءِ جُنز ءِ سوبمندی ءِ مانزمان بیت۔ اِے زمانگ ءَ بی ایس او ءِ ادارھی بنیات ءَ گیشینگ ءَ ھوار بی ایل ایپ ءِ بنیات ایر بِیت۔ گُلام مھمد، اُستاد واھد کمبر، سدو مری، ڈاکٹر اللہ نزر، ڈاکٹر ھالد ءُ اکتر ندیم ءِ ھواری ءَ ایر بِیت۔ اے بلوچ جھد ءَ را سائنسی ءُ ادارھی بنیات ءَ جنزینگ ءِ اولی پیسلہ بِیت. چہ ھندی ءُ گروھی پگر ءَ بُرز، ادارھی ءُ مرکزیت ءِ بنیات ءَ چیزانی بنیات ایر بِیت۔ ءُ اِیشی ءِ تہ ءَ سْیاسی ءُ سِلاہ بندیں سرجمیں مردمانی شپ ءُ روچ ھیدریچی ءُ کربانی ھوار اَنت۔

اِے جنگ ءِ دْرچ ءُ آئی ءَ را ادارھی ءُ سْیاسی رنگ ءَ مھکم کنگ ءِ تہ ءَ مستریں دست سْیاسی مردم ءُ ڈاکٹر اللہ نزر ءِ سْیاسی سنچ، بود ءُ وژن بِیت۔ اِے سالانی تہ ءَ نہ تھنا بی ایل ایپ وت ءَ سرجمیں بلوچستان ءَ سر کنت، بلکیں ایدگہ ادارھاں ھم گوں وت جُنزینیت ءُ بودناک جوڑ کنت۔ اے آئی ءِ راجی سنچ ءُ دُور چاری ءِ مستریں درور اِنت کہ آ تھنا وتی ادارہ ءُ سْیاسی پوائنٹ اسکورنگ ءُ تھریک ءَ پرک ءُ پیر ءِ بنیات ءَ جنزینگ نہ لوٹ اِیت، بلکیں راجی لوٹ ءُ تھریکی نپاں چار اِیت ءُ انچیں گامگیج زُورگ بِیت کہ مروچی یکجاھی ءُ ھواری زیکیں روچ ءَ کہ ھالتاکی (اخباری) بیان ءِ دْروشمءُ بنیات ءَ بوتگ، انیگیں وھد ءَ اَملی دْروشم ءَ سنگرانی تہ ءَ گِندگ بِیت۔ ءُ انیگیں وھد ءَ بی ایل ایپ سرجمیں بلوچستان ءَ شنگءُ تالان اِنت۔ اِے شنگ ءُ تالانی راجی جُھد ءَ ھمک ھند ءُ جاہ ءَ سر کنگ ءُ بلوچ جُھد ءِ کینوس ءِ مزن کنگ اِنت۔ ایشی ءَ ھوار اے سالانی تہ ءَ بی ایل ایپ ءِ تہ ءَ نہ لیڈرشپ ءِ کرائسز اتکگ ءُ نیکہ تہ ءُ توکی چوشیں بُرزی جھلی گِندگ بوتگ۔ ءُ نہ میڈیا ءُ پروپگینڈہ ءِ تہ ءَ مزنیں ٹاپار جَتگ ءُ جنگ گلیمرائز کُتگ۔ وتی ھندی (indiginous) شوندات (پالیسی) ءِ منوگر بوتگ ءُ ھمک ھند ءُ دمگ ءَ مھکمی ءَ گوں وت ءَ برجم داشتگ ئِے۔

بِندات ءَ بی ایل ایپ ءِ جنگی شوندات (پالیسی) ”Hit and Run“ بہ جن ءُ برو، پوج ءِ کانوائیانی جَنَگ، راجی دلارانی کُشگ، کمیونیکیشن ءُ کریٹیکل انپراسٹرکچر ءِ تاوان دیگ بوتگ۔ ءُ اے دوران ءَ سنائپر اُرشاں بہ گِر دانکہ مزن مزنیں اُرش بہ باں، جنگی رِپک ءُ ھُنر ءُ ھیلکاری ءِ شیواری گندگ ءَ اَتکگ۔ چاردہ مِنٹ ءِ تہ ءَ کانوائی ءِ ھلاسی بہ بیت یا دُژمن ءِ بنجلانی سوبمندی ءَ گوں گِرگ ءُ ھالی کنگ بہ بیت، بلاھیں کساسے ءَ دُژمن ءِ ادارھانی تُپنگ ءُ مڈّیانی برَگ ادارہ ءِ جنگی شونداتانی (پالیسْیانی) سوبمندی ءِ مانزمان اِنت۔ گوریلا جنگ ءِ سائنس ءُ بلوچ زمین ءِ راستیانی رد ءَ بوتگ اَنت ءُ بوگ ءَ اَنت۔

ادارھے کہ وتی تہ ءَ آرگنائز بیت آئی ءَ را میڈیا ءِ تہ ءَ وتی existenceءِ منّارینگ ءِ درور پیش کنگ ءِ زلورت پیش نہ کپ اِیت۔ بلے میڈیا ءُ پروپگینڈا دو ارزشتداریں پِڑ اَنت باید اِنت کارانی دیم ءَ برگ ءُ مھکمیں رنگے ءَ کامرزی ءِ انگت ءَ زلورت ھست اِنت۔ میڈیا لس مھلوک ءِ چم ءُ گوش اِنت، آ ھرچی گِند اِیت ھمائی ءَ راستی لیک اِیت۔ اِے تک ءَ کار ءِ انگت زلورت ھست۔ دومی مستریں شوندات (پالیسی) چو کہ من دیستگ میڈیا ءِ تہ ءَ بازیں مزنیں اُرشانی تہ ءَ وتی سرجمیں تاکت، وس ءُ واک ءُ سنگتانی بھر بوگ ءُ گون بوگ ءِ میڈیا ءِ تہ ءَ ھچ وڑیں کیش کنگ گندگ ءَ نیاتکگ۔ ایشی ءِ مستریں درور پِدائیانی مزنیں کساسے ءِ ھواری، مَچ آپریشن ءِ جنگ، جاپر ایکسپریس ءِ ہائی جیکنگ کہ دنیا ءِ مستریں ہائی جیکانی تہ ءَ ھوار اِنت۔ بی ایل ایپ ءِ لیڈرشپ ءِ بُرزگندی ءُ دورچاری اِنت کہ آ جاہ ءَ کہ تھریکی نپّ اَنت ادارھی نپ پُشت ءَ کُتگ اَنت ءُ ھچ وڑیں پرک ءُ پِیر نہ کُتگ( المی ایش اِنت کہ اِے دوئیں نیمگ ءَ مہ بِیت؛ بلوچ جُھد ءِ ت ہءَ ادارھانی وت ماں وت مکابلہ بازی سرجمیں جُھد ءَ تاوان دَنت)۔

پیشتر ءَ ھمے گِندگ ءَ اَتکگ کہ بی ایل ایپ ءَ اِے کساس ءِ ارشانی تہ ءَ ایدگہ ادارھانی کمک کُتگ یا براس ءِ تہ ءَ ھوار بوتگ، اولی رند اِنت اِے کساسیں مزنیں آپریشنے ءِ پیسلہ ءِ ادارہ ءِ operational capacity buildingءِ گیشی آیگ ءَ پیشدار اِیت۔ راستی وَ ھمیش اِنت کہ بی ایل ایپ بلوچ جُھد ءِ مستریں سلاہ بندیں پارٹی ءُ ادارہ اِنت۔ انوگیں جُھد ءِ کوھنتریں، سنگین ءُ سنجیدھیں لیڈرشپ ءِ واھند اِنت۔ مستریں human resource ھم ھمائی گور ءَ اِنت۔ مزنیں آپریشن کنگ ءِ بودناکی بوتگ، بلے شوندات (پالیسی) گیشتر low scale اُرشانی سر ءَ بوتگ۔ آیانی تاوان ھم گیش اِنت، چی ءَ کہ آ ھمک روچ ءِ رد ءَ بنت ءُ دژمن ءَ را گیش نپسْیاتی، سْیاسی ءُ مالی تاوان دے اَنت۔ ھمک روچ آئی ءِ کاروباری زون، مالی ھب ءُ ایدگہ چیزانی تاوان دیگ ھم مستریں سوبمندی ءِ تہ ءَ کیت اِنت۔ چندے وھد بیت کہ بی ایل ایپ ءَ یکیں وھد ءَ وت ءَ را پراہ ءُ شاھگان (expand) کُتگ ءُ وتی کارانی وڑ ءُ ڈول ءُ شوندات (پالیسی) ھم مٹینگ اَنت۔ گندگ ھمے بوگ ءَ اِنت کہ ادارہ ءِ گور ءَ مزنیں سْیاسی plan ءُ پروگرامے ھست کہ ھمائی ءِ بنیات ءَ وتی سرجمیں اسٹریٹجی ءُ جنگی وڑ ءُ ڈولانی تہ ءَ مَٹی آرگ ءَ اِنت۔

وتی ادارھانی جھل جنوک، پرک ءُ پِیر، یکے ءِ بُرز برگ ءُ دومی ءَ را ھچ نہ لیکگ سرجم ءَ نوآبادیاتی جیڑگ ءُ مارشت ءِ تہ ءَ کیت کہ مئے تہ ءَ ھست ءُ جاگہ کُتگ ئِے۔ کئے مزن اِنت کئے کسان اِنت ؟ کئے شر اِنت کئے ھراب اِنت؟ یکے ءَ کسان ءُ دومی ءَ مزن، سرجم ءَ یک ھاسیں سْیاسی سرکلے ءِ سْیاسی زانت ءُ سنچ ءِ برورد اَنت۔ دومی میڈیا اِنت کہ راستی ءَ وتی داب ءَ گوناپ دَنت ءُ مردمان ءَ illusion یے توک ءَ بارت۔ راستی ایش اِنت کہ لیڈرشپ وت زانت کجام پیسلہ ءُ کار کجام وھد ءَ ءُ چوں کنگی اِنت۔ وھد ءَ چہ پیسریں اٹکل سْیاسی مارشت ءِ چپّ ءُ راستی ءِ ھم پلہ نہ اِنت. ءُ اِے رنگیں وتمنی جیڑگ ءُ مارشت مدامی ریپینگ، بدّل ءُ گُمراہ کنگ ءَ ابید دگہ ھچ تربیتے نہ دَنت۔ پمیشکا بی ایل ایپ ءِ اے وھد ءُ نوبتاں کہ میان استمانی تاکتانی چم بلوچستان ءَ را سک اَنت ءُ ریجن ءِ تہ ءَ امریکہ ءِ وڑیں ریاست زُوت وتی dominance ءَ آرگ لوٹ اَنت ءُ ملٹی نیشنل کمپنی ءُ ادارہ اد ءَ انوسٹ کنگ ءِ وڑ ءَ اَنت۔ ریکوڈک ءُ سیندک ءَ اینچو ملک ءُ کمپنیانی ھواری ھمے پیشدار اِیت کہ آؤکیں وھد بلوچستان ءَ جنگ تْرند ءُ تیز بنت ءُ جنگی میدانے بِیت۔ پاکستان وتی سرجمیں وس ءُ واک ءَ جنگ ءَ اِنت ءُ مزھبی ٹولی ( کہ جند اِنت ئِے آیاں ھم ایکٹیو کنگ لوٹ اِیت) ۔ اِے جاور ءُ نوبتاں چوشیں مزنیں کساسے ءِ آپریشن ءِ کنگ وھد ءِ لوٹ اِنت۔ اِے پیسلہ وھد ءُ جاورانی رد ءَ راست ءُ سما ءُ سسّائی بنیات ءَ بوتگ کہ بلوچستان بلوچ ءِ زمین اِنت ءُ ابید ء بلوچ ءَ اد ءَ ھچ وڑیں تاکتے وت ءَ منارینت نہ کنت۔ چمیشکا تاکت بوگ ءُ تاکتانی دارگ ءُ وت ءَ را آیانی برابری ءَ آرگ وھد ءِ لوٹ اِنت۔

بام ءِ لبزی بزانت، بزاں بام ھما ساھت اِنت کہ روچ ءِ رژن نوکی درآیان کنت ءُ رُژن ءِ اسپیتی در ءَ بنت۔ اُمیت ھمیش اِنت اِے بام آپریشن ءِ نپّ زُوت سرجمیں بلوچ جُنز ءَ را بہ رس اَنت ءُ آ نوکیں بامے بہ گِند اِیت۔ چوش کہ بی ایل ایپ ءِ جِندءِ بیان اِنت ” بلوچ ءِ زر ءَ بہ گر دانکہ کوہ ء سلیمان ءَ بی ایل ایپ ءِ آپریشن بام برجاہ اِنت“ ءُ ” بام بلوچ راجی جُھد آجوئی ءِ جنگ ءَ نوکیں سُھبے ءِ بندات اِنت۔“

اِنچوکیں مزنیں جاھے ءَ مزنیں کساسے ءَ کنٹرول ءُ ارش کنگ ادارہ ءِ بودناکی ءُ لائکی ءَ پدّر کنت۔ ایشی ءَ ھوار بلوچستان ءِ تہ ءَ ریاست ءِ زوراکی ءُ کبزہ ءَ را چیلنج کنگ اِنت ءُ ھمے پدّر بِیت کہ دژمن ءِ تاکت ءِ ھلاسی گوں مزنیں تاکتے ءَ بیت۔ بام ءِ مھکمیں اُرش ءُ گوں سوبمندی ءَ برجمیں ارش ھمے پیشدار اَنت کہ بلوچستان بلوچ راجی آجوئی ءِ سینٹر اِنت ءُ دیمتر ءَ پاکستان ءِ ”رِٹ“ ھلاسی ءِ نیمگ ءَ رؤت، اگاں سرجمیں وس ءُ واک ءُ تاکت ءَ گوں ھورت چاری ءُ سنگینی ءَ چارگ بہ بنت۔ بام بلوچستان ءِ تہ ءَ ریاستی کبزہ ءِ چیلنچ اِنت۔ دو سرجمیں روچ ءَ داں جنگ ءِ یکشل ءَ دارگ ءُ دژمن ءِ سرجمیں سرگرمیانی دارگ مستریں سوبمندی اِنت۔ ءُ بام آپریشن ءِ تہ ءَ تنیگت ءَ ھشتاد ءَ گیش کامیابیں ارش بوتگ ءُ گیشتری اُرش ریاست ءِ چیک پوسٹ، ھیڈکوارٹر، دگانی بند کنگ ءُ کاروباری سسٹم ءِ تباہ کنگ ھوار اَنت۔

بی ایل ایف بلوچ جھد ءِ مستریں سلاہ بندیں گَل اِنت ءُ مستریں پیسلہ ءُ کار ءِ وس ءُ واک ءَ دار اِیت۔ دیمتر ءَ اُمیت ھمیش اِنت کہ بلوچ جھد ءِ سوبمندی گوں کامیابیں پالیسی ءُ پیسلھانی تہ ءَ اِنت۔ باید اِنت دیمتر ءَ سرجمیں ادارہ ھواری ءُ یکجاھی ءَ گوں کسان ءُ مزنیں کوتاھی ءُ وت ماں وتی کینگ ءَ ھلاس بہ کن اَنت ءُ تھریک ءِ مچانکی نپ ءُ پائدگ ءَ پہ پیسلہ ءُ شوندات (پالیسی) اڈ بہ دے اَنت۔ ءُ بی ایل ایپ ءِ سْیاسی ءُ جنگی لیڈرشپ کوھنتریں، سنجیدئیں ءُ سْیاسی رد ءَ بودناکیں مردم اَنت، آ اِے لائکی ءُ بُود ءَ دار اَنت کہ جُھد ءَ گیش ءَ چہ گیش یک شریں اسٹریٹجی یے ءِ بنیات ءَ بہ جُنزین اَنت ءُ امیت ھمیش اِنت۔ اِے رد ءَ سرجمیں ادارھانی سنجیدگی پیشدارگ ھم المی اِنت۔ وھد ءِ لوٹ یک تاکتے ءِ بوگ ءِ تہ ءَ اِنت، شنگ ءُ شانگیں تاکت نہ ریجنل تاکت بوت کنت ءُ نہ دگہ سوبمندی یے دَنت۔ پمیشکا اِے رنگیں آپریشن بلوچ جھد ءِ سوبمندی ءِ مانزمان اَنت ءُ یکجاھی تاکت اِنت۔ ادارھانی مھکمی بلوچ جُھد ءِ سوبمندی اِنت ءُ سوبمندی ” بام“ اِنت کہ ھمائی ءِ سرجمیں راج وداریگ اِنت۔