تو اِشتاپ کُت

نِبشتہ کار: جمیل نیاز

 تو مرچی وتی اَبدی جاہ ءَ ￴رپتگ ئِے ءُ اچ ما جسدی دْروشم ءَ ￴سِستگ ئِے، بلے تئی سسّا ءُ پِگر داں جھان ھست اِنت گوں بے دروریں کرد ءَ اَبد مان اِیت۔ سائجی ءِ ماتبند ءُ زامُران ءِ ￵ترشتیں تلار گَواہ اَنت کہ تو پہ وتن ءَ ￴پند بُر اِتگ ءُ ھید رِتکگ۔ پروم ءِ ￵میزریں زمین پہ پھر  ءُ ￶ناز تئی گوستانک ءَ ￴درشان کنت، باگیں بُلیدہ ءِ ￵کُوچگانی کَپوت ءُ ￶شانتُل گوں وشیں توار ءَ ￴تئی کسّہ ءَ نبشتہ کن اَنت، پنجگور ءِ ￵شھید بیتگیں سر شھید سلمان گوڑا، شھید پِدائی رئیس ءُ شھید اَسد شیھو گوں کَندگ ءُ ￶ٹھکاں گْوش اَنت بیا اِت سنگتاں جاسم جان ءِ ￵وش آتک ءَ ￴رویں۔

من زاناں سنگتانی اولی جُست ھمے بیت کہ:” سنگت جوڑ ءُ ￶سلامتاں، راج ءُ ￶وتن ءِ ￵ھالاں بہ کن، راج ءِ ملّیں سرمچار چون اَنت؟“ جاسم جان پہ پھر پسو دنت ءُ گْوش اِیت: ”کُل سلامتاں، شُمئے راج ءِ ورناھاں توکل کُتگ، گْوھاراں پہ پھر شُمئے تُوپک بڈّ ءَ کُتگ ءُ گوں شورہ ءُ ￶مواداں لگوریں دُژمن ایرجیگ کُتگ۔ راج ءِ کماشاں بِیرک چست کُتگ، پیرزالیں مات دست ماں دست ءُ شُمئے منزل ءَ راھی اَنت۔ شھید اُستاد جنرل اسلم ءِ ￵پِگر ءِ سنگت، پدائی شارُل، سُمیہ ءُ ￶ماھل ءِ دزگْوھار، پہ وتن رپتگیں سرانی پِگر ءِ کاروان گُشاد گُشاد ءَ منزل ءِ پاند ءَ جُنزگ ءَ اِنت، بلوچ راج پہ وتن جَنگ ءَ ساجو اِنت، نِبشتہ کار، گشندہ، ڈاکٹر ءُ ماسٹر، کواس ءُ شائر، دِھکان ءُ شِپانک، نودربر ءُ راج ءِ ھر تبک ءُ ￶پگر ءِ بلوچ پُسّگ گوں راجی جنز ءَ ھمگرنچ ءُ دیم ءَ جُنزگ ءَ اَنت۔

 نوں بلوچستان ءِ ￵آجوئی دُور نہ اِنت، پرچا کہ جنگ ءَ ھر سَنگر آباد کُتگ، ھساریں بند بچکند اَنت ءُ شُمئے بھادُری ءُ ￶جَپاکشی ءِ ￵کسّہ ھر ھلک ءُ ￶میتگ ءَ ￴شِنگ اِنت۔ بَلُّک پہ شانے شھیدانی کسّھاں ھر شپ وتی نُماسگاں سرپدی دیگ ءَ اَنت۔ بلوچ سرمچار ءُ ￶شھید ھر مجلساں ساڑاھگ بوگ اَنت، دژمن ءُ ￶دژمن ءِ ￵داشتگیں کاسگ چَٹ شِر ءُ ￶رُسوا اَنت۔ اے چَمّ جھل راج ءَ ￴سلام دات نہ کن اَنت، اے رَستر چہ وتی ھونڈ ءَ سر کَش اِت نہ کن اَنت، سوب راج ءُ ￶راجی سرمچنڈانی اِنت۔ ھُدا ءَ ￴دژمن بے سوب کُتگ، مئے آجوئی ءِ منزل پہ شادمانی آسر بیت۔“

شھید اسد شیھو پہ بچکندگ گْوش اِیت: ”جاسُم جان! تو منی دل تاھیر دات۔“ گوں اے ٹوک ءَ شھید گوڑا  ”منی پاد ماں مانِش ءَ نوں جوانی ءَ￴ تچک باں۔“ پد ءَ کّکاھگ ءُ کندگ ھاھاھاھاھاھا، منی بیل ءُ ￶ھمبل، دُور چاریں سنگت شھید جاسم جان، ما پد ءُ ￶پُشت ءَ پیداک اِیں، جاہ ھما اِنت، بس گچینیں کرد اَبد مان اَنت، بلے تو اِشتاپ کُت۔۔۔۔۔۔۔۔