نبشتہ کار: یارس بلوچ
دْروت ءُ دْرھبات منی گُلیں راج!
انچوش کہ شُما سرپد اِت مئے بانُکیں گْوھار ڈاکٹر مھرنگ مُدام وتی بلوچ راج ءِ ھمراہ ءُ ھمکوپگ بوتگ۔ پہ وتی بلوچ راج ءَ مُدام آوازے چِست کتگ، انوں وتگڑیں ریاست ءَ گپتگ ءُ بندیگ کُتگ۔ آئی ءِ سر ءَ سک زُلم ءُ زوراکی کنگ ءَ اِنت، آ سک ھزاب ءُ torture کنگ بوگ ءَ اِنت، آ زھنی ٹارچر ھم کنگ بوگ ءَ اِنت، گڑا باید اِنت کہ ما بلوچ راج پہ وتی بانُکیں گْوھار ڈاکٹر مھرنگ ءِ واستا دْرست جھ بجن اِیں ءُ توار چِست بہ کن ایں۔
بلوچ راج!
بانُکیں ڈاکٹر مھرنگ ءَ مُدام پہ وتی بلوچ راج ءَ توار چِست کتگ ءُ مُدام ھکّ ءِ گپّے جتگ، گڑا مرچی آ بیگواہ ءُ بندی جاہ ءَ بند کنگ بوتگ۔ باید اِنت کہ نوں ما بلوچ راج پہ آئی ءَ آواز چِست بہ کن ایں ءُ آئی ءَ بے ھیال مہ کن اِیں، نوں آئی ءَ مئے زلورت اِنت۔ مارا کہ آئی ءِ زلورت بوتگ آ مُدام پہ ما ساڑی ءُ گوم ءَ ھمراہ بوتگ، بلکیں مئے زلوت ءَ انگت ءَ چہ مارا پیسر ءُ ھمگْرنچ بوتگ۔
بلوچ راج!
نوں کہ مئے باریگ اتکگ ما ھاموش اِیں، ھچ سرپد نہ اِیں کہ مئے بانُکیں گْوھار ڈاکٹر مھرنگ بدواہ ءَ زندانی کتگ۔ پمیشکا ما بلوچ راج پہ وتی بانُکیں گْوھار ڈاکٹر مھرنگ ءِ واستا توار چِست بہ کن اِیں، دُرستیں بلوچ راج یکجاہ ءُ یکمشت بہ بہ اِیں۔
بلوچ راج!
اگاں ما یکمشت، جھد ءُ کوشست بہ کن اِیں الّم چیزّے پہ وتی بانُکیں گْوھار ڈاکٹر مھرنگ ءَ کُت کن اِیں، پرے واستا مارا وتی توار بُرز ءُ مھکم کنگی اِنت۔ اگاں ما ترس ءِ آماچ بوت اِیں گڑا اے ترس ھمنچو مئے اندر ءَ جاگہ جوڑ کنت ءُ مارا میزان میزان ءَ وران کنت۔
بلوچ راج!
اے تُرس مارا یلہ دیگ ءُ دُژمن پیشدارگ لوٹ اِیت کہ ما آگاھیں راجے، تئی زُلم ءُ زوراکیاں ھچ وڑ ءَ نہ منّ اِیں۔ ما وتی ھکّ ءَ چہ تو لوٹ اِیں، ما چہ تو ھچ وڑ ءَ نہ تُرس اِیں۔
بلوچ راج!
پادا کہ باندا وھد گیش تْرند ءُ بیمّناک بیت، پمیشکا مارا پاد آھگی ءُ ڈاکٹر مھرنگ ءِ ھمراھی ءَ ھر ھما بیگواھیں بلوچ پُسّگ ءِ واستا توار چِست جنگی اِنت کہ آ دُژمن ءِ زندان ءَ تھاریں کوٹیاں بندیگ اَنت۔
