مرچِی کریم داد ءُ مھراج شُتگ اَنت

نِبشتہ کَار: بْرمش شاشانی

مرچی 19 پروری 2025  اِنت دو ورنایانی شھیدی ءِ رُوچ اِنت۔ چوناھا اِے وڑیں ھزاراں پروری بِیتگ  اَنت بلے پہ بلوچ ءَ ھچ وش نہ بیتگ پرچاکہ بلوچ دائم زھرشانی ءَ دگانی سر ءَ نِندوک اِنت مرچی ھر بلوچستان ءِ کُنڈ ءُ دمکاں اَنچوش ڈاھی اِنت پرچاکہ ما کُل چہ وتی دواراں ولگوج ءُ درَامدَانی سَرچِیر اِیں۔ بلوچستَان ءِ ھر کُنڈ دَمکَاں اَنچو بَلُوچ زَھرشَانی کَنگ ءَ اَنت ھر بلوچ ءِ توک ءَ مَردُم شھید بُوگ ءَ اَنت، مرچاں ھر دَمکَاں بَلوچ زدگ اَنت، اَنچو شھید، گار ءُ بیگواہ بُوَگ ءَ اَنت۔ گِند ئے پیسر ءَ یک بَالَاچے شَھید بِیتگ اَت انّی دو ورنا یکّیں میتگ ءِ تُوک ءَ ءُ یکّیں روچ ءَ

شھید کَنگ بیتگ اَنت۔

اِے سک بژْنیں گیں گپّے کہ بلوچ ورنا شھید بوگ ءَ اَنت۔ھر روچ ءِ تہ ءَ یکے گار ءُ بیگواہ بیت ءُ یکے شھید کَنگ بِیت۔ اگاں ما بِہ چار اِیں داں 9005 بلوچ ءِ سر ءَ شھیدی ءِ نام اِیر بیتگ داں روچ مرچی ءَ بلوچ ءَ وتی تہ ءَ دِگہ آشوب بندات کُتگ ۔مرچی تُمپ ءِ تُوک ءَ دو ورنائیں بَچ شھید کنگ بیتگ باندا اوں دِگہ دو شھید بیت پرچاکہ بلوچ گُلام اِنت بلوچ انچو گار ءُ بیگواہ کنگ بُوَگ ءَ اِنت ءُ بلوچ ورنا شھید بوگ ءَ اَنت پہ بلوچ ءِ سرڈگار ءَ ءُ پہ بلوچ ءِ جِند ءَ دِگہ کَس توار چِست نہ کنت۔ گِند ئے سرجمیں ءِ واست ءَ مارا وت ءَ یکجاہ بوگی اِنت پرچاکہ ما وتی گامگیج وت اِیں ما وتی راجانی دیمپان وت بِہ بَہ اِیں۔ شُما وتی چاگِرد ءَ تہ ءَ زُبان ءَ زندگ بکن اِت،  اگاں زُبان زندگ بِہ بیت گُڑا کُوم زندگ اِنت۔

مرچی کریم داد ءُ مھراج شھید بیتگ اَنت مرچی ریاست ءُ کانون وتی پاگواجہ وت اَنت مرچاں ریاست نیست کانوں نیست ءُ اَدالت نیست اِنت۔ بِہ گند ئے مرچی ریاست وت انچیں بے پاگواجھیں کار کنگ ءَ اِنت اگاں ریاستے بِہ بوتیں مرچی ورنا بے گُناہ ءَ شھید کنگ نَہ بوتگ اَت اَنت اِے ورنایانی چے میار بیتگ اَنت بس ھمِے بلوچستان ءِ تَہ ءَ وانگ ءَ اَنت

بس اِے دوئیں ورنا نہ بیتگ اَنت بازیں نودربر ءُ پِت شھید کُتگ اَنت مرچی بِہ گِند ئے دو نودربر شھید کُتگ مرچی شیرزالیں مات دگانی سر ءَ گوں لاشاں نشتگ اَنت ماتانی گپ ھمیش اِنت کہ مارا وتی اِے نودربر پہ چمّے شست کنگ ءَ دل نَہ بیتگ اَنت مرچی سُوریں تیر دل ءِ سینگ ءَ وارتگ اِش۔

شیرزال مئے آشوب اَنت، پیسر ءَ آشوب بس یک یک مردُماں گوں بیتگ بلے انّی شیرزالیں ماتاں وتی سِرین بستگ اَنت ءُ وتی آشوب بندات کُتگ مرچی ھر کُنڈ ءُ دمکَاں بِچار اِت ھر وڑیں بلوچ ءَ ھمے زَھرشَانی کنگ ءَ اَنت ءُ وت ءَ دگانی سر ءَ سر کُتگ اِش بلے آیانی لَاڑُوکیں وَرنَا گَار ءُ بیگواہ بوگ ءَ اَنت اِد ءَ یک ترمپ ھون ریچگ ءَ نہ اِنت بلکیں اِد ءَ بلوچستان ءِ بندات ءَ ھمے وشبوھین ھون رتکگ اَنت بلے پیسر ءَ بلوچ ءَ اِے آشوب وتی تُوک ءَ بندات نہ کُتگ اَت بلے انّی ھر وڑیں بلوچوں وتی تَہ ءَ ھمے آشوب بندات کُتگ پرچاکہ ھمے ورنایاں آشوب مردُمانی تَہ ءَ بندات کُتگ مرچاں بلوچستان ءِ ھر کونڈ ءُ دمکَاں ھونانی شاھجو تچگ ءَ اَنت۔

ھمے زَھرشَانی بندات اِنت پرچاکہ بلوچ ءِ سر ءَ اَنچِیں جَاور شُون دیگ بِیتگ بلوچ درامدانی پادانی چِیر ءَ ھَاکمُوش اِنت بلے بلوچ راج ءُ آئی ءِ تَنگُوئیں ورنا گوں پِت ءُ بْراتاں گَار ءُ بیگواہ کَنگ بیگ ءَ اَنت

ھمے یکّیں ماہ ءِ تہ ءَ بے گُناھیں ورنائی شھید بِیتگ اللّہ داد جان شھید بیتگ ھمے یکیں مُلک اِنت میتگ ءُ بازار ھما اَنت کہ دو روچی سر ءَ یک بلوچ ورنایٛی شھید کَنگ بِیت پرچاکہ بلوچ چہ وتی بُندر ءَ شھید کَنگ بیتگ بلے انّی بلوچ ءُ آئی ءِ ھر زادگ اَنچو زِندان اَنت اللّہ داد یک بلوچ نودربرے بیتگ آئی ءِ دل ءَ ھمے جیڑہ ءَ بیتگ کہ من وتی مات ءِ چمّانی ارساں داشت کُت بکن آں ءُ وتی گْوھاراں پہ وشّی وتی لوگ ءَ بِہ ننداریں آں ءُ ھمیشکہ بلوچ وتی دِگہ ھچ نُوکیں پدریچ بندات کنگ ءَ نہ اِنت روچ پَہ روچ چَہ وتی ھلک ءُ میتگاں گار ءُ بیگواہ کنگ بیگ ءَ اِنت دان ھما نمیرانیں بابا ھیر بکش مریؔ ءِ پد ءَ بگر دانکہ روچی مرچی بلوچ نمیران بوگ ءَ اِنت اِے زِر نُوکین جَاوُر بندات کَنگ ءَ اِنت مرچی ما پہ تُپنگے سر ءَ نمیران بیگ ءَ اِیں باندا ما اَنچو چہ ھمے جَاوُرَانی دپ ءَ نمیران بَہ اِیں

مَرچِیگیں نوکیں آشُوب بلوچ ھر زادگ ءَ بندات کُتگ ءُ بَرجَاہ  کُتگ اِش بلے بلوچے ھمے پدریچ پہ وشّی وتی امروز ءَ دیم ءَ برگ ءَ نہ اَنت۔ چہ بانداتیں پدریچ ءِ آیگ ءَ پیسر باریں کُجام وڑیں رایاں وت ءَ جُنز اِیت بلے ھر بلوچ راج وتی گُلام ءَ نُوں زانگ ءَ اِنت باید اِنت انّی ما کُل بلوچ راج یکجاہ بِہ بَہ اِیں ءُ ما اِے بِہ نہ منّ اِیں کہ ما گُلام اِیں گُلامیں راج ھر وھد ءَ گار ءُ بیگواہ کنگ بیت مارا نوں بس ھمے جُھد کنگی اِنت کہ ما چہ وت ءَ ھمے جَاور ءَ وَلگُوج بکن اِیں ءُ ما گُلام اِیں پمیشکا ما روچ ماں روچ گار ءُ بیگواہ کنگ بیگ ءَ اِیں ءُ دائم شھید بوگ ءَ اِیں پمیشکا ما انچو ھر روچ مرگے دیمپان بوُان اِیں وتی آشوب ءَ جنزیں اِیں ءُ وت ءَ یکجاہ بِہ کن ایں۔

مرچی ھر دمگ ءُ دَر اَنچو ویران اَنت ھر گْوھاری ءَ وتی پِت ءُ بْراتانی اکس دل ءُ چمّان کُتگ اَنت۔

ھر بلوچ ءُ تنگوئیں ورنا آجو بات اَنت بلوچ راج ءُ آشوب یکجاہ بات اِت۔ آشوب زندگ بات۔