پاکستان  ءِ پد گار بات

نبشتہ کار: بْرمش بلوچ

مرچی بلوچ ءُ بلوچ ءِ سرزمین هردو جنگ ءَ گپتگ اَنت هما جنگ ءَ گپتگ اَنت کہ اِے جنگ ءِ تہ ءَ ساه ءُ سر ندر بوگ ءَ اَنت چوناها اِے جنگ ءَ دیر اِنت بلے مرچی جنگ وتی گاماں تیز کنگ ءَ اِنت گوں اِے تیزی ءَ بازیں مهراج ءُ کریم ءِ شهید بوتگ بلے مرچی مهراج ءُ کریم ءِ ٹپ ءَ هوار بازیں ٹپ ءِ تاجگ بوان اِنت اِے درد ءِ تہ ءَ بازیں نوجْوانے یات آیان اِنت اِے درد ءَ بازیں گِس ءِ هاموش ءُ اَبیتک کُتگ-

اَگاں ما سما بہ کن اِیں مئے سرزمین ءِ تہ ءَ روچ ءِ کساس هپت ءُ هشت ورناه بیگواه کنگ بوگ ءَ اِنت هپت ءُ هشت ماتے دل ءَ آس روک بوگ ءَ اِنت ایشانی تہ ءَ زهگ، کماش، ورناه همک هوار اِنت اِے ریاست مئے نسل ءَ تباه کنگ لوٹ اِیت بلے ما ریاست ءَ گوں وتی یکجاهی ءَ تباه کت کن اِیں گوں وتی هم تواری ءَ گار کت کن اِیں-

مئے دژمن یک درآمد  ءِ  راست اِنت کہ آ یک زور گِر ئے بلے منی هیال ءَ زور گِر ءَ دانکہ دِگہ یک زور گِر ئے گون نہ بیت بلکُل آ هچ کت نہ کنت مرچی منی ءُ تئی کُشگ ءَ وتی جند ءِ بْرات هوار اِنت گڑا گوں درآمداں چے گِلگ کت کن ئے؟ اَگاں گِلگ گپ بندات بیت گڑا ما وت میار بار بوت کن اِیں پرچاکہ بلوچ ءِ وتی جند گوں در آمداں سر گپت پہ تئی شهیدی ءَ گڑا اَنگت من بہ ننِداں کاتل بُہ شوهاز آں؟

اِے ریاست یک اَنچیں زالمے کہ پہ هچ ءَ بزگ نہ کنت هدا ءِ لوگ ءَ کتاباں کہ لگتمال مال کنت هدا ءِ لوگ ءَ ماندار اِیت گڑا اِے اَنگت مسلمان گْوشگ بیت؟ بلکیں پاکستان پوج ءِ مسلمان گْوشگ ءَ مردم گناه گار بنت-

پاکستان یک اُکمت ءِ گْوشگ نہ بیت بلکیں یک دُز ءُ زور گِر ئے گْوشگ بیت ایشی اُکمتی ءَ دیر اِنت کہ آس لگ اِتگ ایشی اُکمتی هدا ءِ کرآن ءَ پروش داتگ-

هر روچ تو بہ چار کہ کسے چہ گس ءَ آوار جنگ بوتگ کسے چہ وانگجاها ءَ اِے همے بزگیں اِے هون واریں رستر ءَ اِینچو هم سما نیست کہ یک بچّ ءِ چہ مات ءَ سِندگ ءُ جُتا کنگ چنچو گران اِنت ورناهاں شهید  کنت جون ءَ چگل دات هاموش اِنت ءُ نِشتگ اِے ماتانی هرساں مئے باتن ٹُکر کتگ پمیشکا ما گْوش اِیں پاکستان ءِ پد گار بات نہ زان آں اِے تهاریں شپ پہ بلوچ ءَ کدی رُژن ودی کنت-

شالا دژمن نیست ءُ کمزور بات دژمن هرچ پڑا بے سوب بات-

پہ بلوچ ءَ زوت وشیں بانداتے بیایات-

”راج زندگ بات”