نبشتہ کار: گلزار بلوچ
کُربان یونٹ بلوچستان لبریشن پرنٹ ءِ زیبائی اِنت، بلوچستان لبریشن فرنٹ ءِ جان اِنت. کُربان یونٹ ءِ جوڑ بوگ ءَ پد پرنٹ ءِ چِست ءُ ایرانی تہ ءَ نوکیں رنگے ھوار بوتگ. گوں کمیں لبزاں، کُربان یونٹ ءَ پرنٹ یک مھکمیں لشکرے کُتگ، یک انچیں لشکرے کہ آئی ءِ سر ءَ دُگنیا ءِ ھمک بلوچ پھر ءُ شان کنت. چوناھا کُربان یونٹ پِدائی یونٹے وَ نہ اِنت البت چہ ایشی ءِ کار ءُ وڑ ءُپیم ءَ ما گُشت ک ایں کہ اِے چہ بی ایل اے ءِ پدائی یونٹ مجید برگیڈ ءَ گیش جُتا نہ اِنت. اے یُونٹ ءَ ھواریں سنگت گوں اے راستی ءَ شریں وڑے ءَ آشنا اَنت کہ وھدے ما دُژمن ءِ بُنجلے ءِ سر ءَ پہ آئی ءِ دزگیر کنگ ءَ یلگار کن ایں تاں اے کار ءِ کنگ ءَ آیانی ساہ ھم شُت کرت کنت، پد ءَ ھم آ گوں ھمے یُونٹ ءَ کار کنگ لوٹ اَنت گُڑا بزانکہ آ ھمے یُونٹ ءِ تہ ءَ چہ یک پدائی ءَ کمتر نہ اِنت. اِے نہ اِنت کہ اے یُونٹ ءَ ھواریں ھچ سنگتے شھید نہ بوتگ، بلکیں توری شھید کیپٹن اشرپ بہ بیت یا شھید کیپٹن جمال اے دوئیں سنگت ھمے یونٹ ءِ سنگت بوتگ اَنت ءُ دوئیں چہ دُژمن ءِ بُنجل ءِ سر ءَ اُرش ءُ آئی ءَ دزتگیر کنگ ءِ جھد ءِ تہ ءَ سنگتاں جُتا بوتگ اَنت۔
بلوچستان لبریشن پرنٹ ءِ کُربان یونٹ ءَ ناں تھنا دُژمن، بلکیں آئی ءِ مھکمیں بُنجلانی تہ ءَ پروش داتگ ءُ دماگی نادراہ جوڑ کُتگ بلکیں یونٹ ءِ سنگرانی ھساراں دُژمن بلوچستان ءِ جتا جُتائیں کُنڈاں جتگ ءُ نکسان داتگ. کُربان یونٹ بلوچ ءِ اُمیت اِنت چینکس اے یونٹ مزبوت کنگ بیت اے گیش بلوچ ءِ جنگ ءَ پائدگ دنت ءُ دُُژمن گامے پُشت ءَ تیلانک دنت. چوشکہ منی سرھال بلوچستان لبریشن پرنٹ ءِ کُربان یُونٹ اِنت من پھلی لوٹ آں کہ من بندات ءَ ھمے گُشگ ءَ بیھال کُتگ کہ من چو بلاھیں زانتکارے نہ آں کہ پرنٹ ءُ آئی ءِ کُربان یُونٹ ءِ سر ءَ چمشانکے بہ دیاں. منی نبشتہ بوت کنت کہ گوں کُربان یونٹ ءِ سنگتاں انساپ کرت مہ کنت بلے منی جھد ھمیش اِنت کہ چینکس من زان آں ھمایاں دیم ءَ بیاراں.
پرنٹ ءِ نوک ءُ تازگیں تامُر کہ آ ھمے ھپتگ ءَ اتکگ ات منی ھیال ءَ، پد ءَ ھم من گُش آں منی ھیال ءَ، پرنٹ ءِ چہ درستیں تامُراں شوک تریں تامُر اِنت. ایشی ءِ تہ ءَ شوکی یکّے وَ کیمرہ مین ئیگ اِنت، سلام کن آں کیمرہ مین ءَ کہ آئی ءَ اے وڑیں جنگے ءِ تہ ءَ کیمرہ زرتگ کدی اد ءَ ءُ کدی اود ءَ جنگ ءِ ویڈیو گراپی کُتگ. دوھمی ایش اِنت کہ سنگتان دُژمن ءِ یک دیریگیں لوٹ ءُ تماہ ءِ پیلو کتگ، دژمن مدام وھدیکہ میڈیا ءِ دیم ءَ اتکگ گُڑا آئی ءَ ھمے گلگ داتگ کہ اے سرمچار دز جنگی کن اَنت بزدل اَنت ءُ اگاں مرد اَنت گُڑا دیم ءَ بیا اَنت. اے جنگ ءِ ویڈیو ءِ چارگ ءَ پد من ھمے پوہ بیاں کہ دژمن ءِ دگا ھپت پُشت اے گپ ءَ جت نہ کنت کہ بلوچ بزدل اَنت ءُ دیمی جنگ نہ کن اَنت
اگاں کسے ھُورت چاری بہ کنت گُڑا اے جنگ پہ دژمن ءُ آئی ءِ داشتگیں چریکاں یک ساپیں پیگامے، دژمن ءِ ھما چریک کہ آ وت ءَ باز داگتور پوہ بنت مرچی ھمایاں سرپد بوگی اِنت کہ اگاں بلوچ ءِ سرمچنڈیں سرمچار وھدے دژمن ءَ آئی ءِ مھکمیں کیمپانی توک ءَ پْروش(شکست) دات کنت گُڑا اے سرپروشیں سرمچار گوں آیاں آسانی ءَ ھلاس کرت کن اَنت. دژمن مرچی اگاں بلوچ ءِ سرڈگار ءِ سر ءَ اتکگ ءُ بنجل ءِ بستگ ءُ نشتگ آ ھمے پوہ بیت آ وتی بُنجلانی تہ ءَ سلامت اِنت بلے مرچی ما گندگ ءَ ایں کہ مرچی آ بلوچستان ءِ ھچ دمگ ءَ سلامت نہ اِنت. دژمن ءَ وتی بُنجل چہ ھد ءَ گیش مزبوت کُتگ اَنت بُنجلانی چاریں نیمگاں ڈِٹکٹر کیمرہ جتگ، شپاں جاسوس ڈروں بال دنت بلے کُجیں، ھمک روچ ما ھبراں گند ایں کہ مرچی پیلانا دمگ ءَ سرمچاراں دژمن ءِ پیلانا بنجل ءِ سر ءَ گوں کساں ءُ مزنیں سلاھاں اُرش کُتگ. بلوچ ءِ ھچ دژمن، آ توری دری بہ بنت یا وتیگ، اے وھم ءِ تہ ءَ مہ بنت کہ آ چہ سرمچاران دور اَنت.
کُربان یُونٹ ءِ وڑیں زیلی یونٹانی جوڑ بوگ ءَ پد بلوچ ءِ سرمچار یک ریگولر لشکرے جوڑ بوتگ اَنت۔ مرچی آیانی ھمک کار گوں ترتیب ءَ دیم ءَ جنزاں اِنت. اے سنگتانی کُربانیانی بدولت اِنت کہ مرچی سنگتانی دژمن ءِ سر ءَ اُرش ءِ تامر ءَ لس بلوچ مھلوک پہ پھر ءُ شاں نندی پِلم ءِ تہ ءَ چار ایت. من ءَ چہ ھد ءَ گیش وشّی ھمے وھد ءَ رس ات وھدے من دیست پرنٹ ءِ نوک اتکگیں تامر ءَ مھلوک ٹی وی ءِ تہ ءَ سیل کنگ ءَ اِنت ءُ سرمچارانی دلیری ءُ بھادری ءِ سر ءَ تراں ءَ کنگ اَنت.
