دو دانک پہ بلوچستان ءِ کتاب کاروان

نبشتہ کار: جھانزیب الللہ بکش بلوچ

بلوچستان کتاب کاروان یک ھاسیں گامگیجے کہ ایشی    سروکی بلوچ اسٹوڈنٹ ایکشن کمیٹی(بساک) اِنت. اے گامگیجے ءِ مول ءُ مراد ھمیش انت کہ سرجمیں بلوچستان ءَ بلوچ نودربراں کتاب دیگ بہ بیت۔ اے جُھد سک باز المی انت پرچا کہ بلوچستان ءِ دوریں دمگاں بازیں نودربراں کتاب آسانی ءَ دست نہ کپ انت کہ پہ آیانی وانگ ءُ زانگ ءَ المی انت۔ کتابانی بھر کنگ ءَ کتااب کاروان اے گپ ءَ پدر کنگ ءِ کمک کنگ ءَ اِنت کہ ھر نودربر ءَ وانگ ءُ سوبمند بوگ ءِ موہ رس اِیت۔

 بلوچستان ءِ گیشتریں دمگاں نودربراں ھما وھد ءَ گیشتر جیڑہ ءُ جنجالانی دیمپانی کنگی اِنت کہ آیانی وانگی ءُ دِگہ آسراتی ءِ رسگ ءِ گپ کیت۔ گیشتریں وانگجاھاں کتاب ءِ کساس نیست ءُ بازیں نودربراں بے کتاب ءَ روگی اِنت۔ اے وسیلہ ءِ کمی ءِ سبب ءَ نودربر وتی وانگ ءِ تہ ءَ جوانیں کارکردگی پیش دارگ ءَ مشکل جوڑ کنت۔ بلوچستان کتاب کاروان اے جیڑہ ءِ گیش ءُ گیوار ءَ پہ وانگجاہ ءُ نودربراں کتاب آرگ ءِ ھاتر ءَ ￴جھد کنگ ءَ اِنت کہ آیاں گیشتر زلورت اِنت۔ بساک پہ بلوچستان ءِ تہ ءَ وانگ ءُ زانگ ءِ گھتری ءِ ھاتر ءَ ￴سک دلجم اِنت۔ آیانی ھیال انت کہ وانگ ءُ زانگ پہ بلوچستان ءِ ورنایانی گھتریں باندات ءِ کلیت انت۔ کتاب کاروان ءِ وسیلہ ءَ آ نودربراں ھما وسیلہ ءُ وسیلہ ءِ رسگ ءَ اَنت کہ آیاں سوبمند بوگ ءِ ھاتر ءَ لوٹ اَنت۔ کتاب کہ شنگ کنگ بوگ ءَ اَنت آ ایوک ءَ درسی کتاب نہ اَنت بلکیں ھما کتاب اَنت کہ آ زاتی دیمروئی، شریں  سوچ ءِ دیمروئی ءِ ھاتر ءَ ￴دلبڈی دنت۔

کتاب کاروان چہ کتابانی پجارینگ ءَ گیش اِنت۔ گپ بلوچستان ءَ دربرگ ءِ دود ءُ ربیدگ ءِ جوڑ کنگ ءِ گپ اِنت۔ نودربراں کتابانی رسائی دیگ ءَ اے جُھد آیاں نوکیں ھیالانی وانگ ءُ پٹ ءُ پول کنگ ءِ ھاتر ءَ ￴ دلبڈی دنت۔ اے نودربراں وانگ ءِ ھاتر ءَ ￴مھر ءِ دیمروئی ءَ کمک کنت، کہ آیانی وانگ ءِ سوبمندی ءُ زاتی دیمروئی ءِ ھاتر ءَ المی اِنت۔ ھرچے گیشتر نودربر وانگ ءَ اَنت آ وتی کش ءُ گور ءِ دگنیا ءِ بابت ءَ گیشتر زانگ ءِ وس ءَ کن اَنت۔

گُڈسر ءَ بلوچستان کتاب کاروان یک ارزشت داریں گامگیجے کہ بلوچ نودربر ءَ وتی وانگ ءُ زانگ ءِ پڑ ءَ سوبین بیگ ءِ واست ءَ ￴ھما کتابانی دسترس ءَ کمک کنت۔ اے مڈّیانی پجارینگ ءَ اے کار بلوچستان ءِ ورناھانی وشیں بانداتے جوڑ کنگ ءَ کمک کنگ ءَ اِنت۔ اے چہ وانگ ءُ زانگ ءِ ارزشت ءَ پدر کنت ءُ چاگردی کوشست چوں جوانیں بدلی ءِ سوب جوڑ بوت کن اَنت۔ کتاب کاروان ءِ وسیلہ ءَ بلوچ نودربر ایکشن کمیٹی سرجمیں بلوچستان ءَ نودربرانی زند ءَ یک راستیں بدلی یے آرگ ءَ اِنت۔