نمدی یے پہ نمیرانیں بانڑی ءَ

نبشتہ کار: گُلسمین بلوچ

سلام ءُ دْروت پہ تو منی بانڑی جان اُمیت کن آں کہ تو چہ من دلگران نہ ئے اگاں دلگران ئے گڑا پھل بہ کن۔ چوھانا تو زان ئے بانڑی جان من انگت پہ کس ءَ ھچ نبشتہ نہ کتگ بلے مرچی دل ءَ گشت پہ تو چیزے نبشتہ بہ کن آں۔ گِند ئے￷ منی وڑیں نابزانتے ءِ ￵ کِر ءَ ھچ لبز نیست کہ پہ تو دْرشان بکن آں، بلے بانڑی تو پرچا چو اشتاپ کُت ءُ چہ اے جھان ءَ:شُت ئے؟ تو وَ زانتگ اَت کہ منی روگ ءَ پد دْرست ابیتک ءُ تھنا بنت۔

بانڑی ترا یات بیت تو کراچی ءَ نادراہ اِت ئے من ترا کلوہ دیم دات ءُ تو گشت من ءَ ￴شمئے  نیکیں دوایانی زلورت اِنت گُڑا من تئی واست ءَ باز دوا کُت۔ تو ھمے یکیں شپ ءَ من ءَ باز مھر دات تو من ءَ نہ زانتگ اَت ءُ من ترا نہ زانتگ اَت، بس ھمے یکیں شپ ءَ من ءُ تو دُچار کپت اِیں تو من ءَ ھمینچو مھر دات کہ من وتی درستیں چیز بے ھیال کُت اَنت ءُ ترا وتی دل ءِ ￵تہ ءَ ￴جاہ دات۔ تو من ءَ گشت کہ ودار بہ کن من پہ تو  ماہ ءِ شش ءَ الم کا آں۔ من باز ودار کُت کہ تو پہ من کا ئے  بلے تو پرچا چو اشتاپ کُت ءُ چہ اے جھان ءَ شت ئے؟ تئی مھر ھمینچو باز بُوتگ اَنت کہ منی وڑیں نابزانتے ءِ ￵کِر ءَ ھچ لبز نیست کہ نبشتہ بہ کن آں بس ھمے گْوش آں پد ءَ واتر بہ کن ءُ  بیا، گِند ئے￷ ما درست تئی ودار ءَ ایں، دیوان بید ء تو ابیتک اِنت۔

بانڑی تو گْوشت من کا آن ءُ تئی مھرانی بدل ءَ دے آں گڑا بیا ناں پرچا نیا ئے؟ من انگت  تئی ودار ءِ رھسراں نشتگ آں کہ اَلم تو یک روچے کا ئے بَلے نی من باز ودار کُتگ بانڑی تو زان ئے ؟ چہ ترا پد تئی داتگیں مھراں من ءَ ￴باز وداریگ کُتگ ۔بانڑی تو بہ گند ئے ￷سرپد نہ ئے ￷بلے تو زان ئے ￷۔تئی ناگتیں روگ ءَ ￴من تھنا ناں بلکیں سرجمیں میتگ پُرسیگ اِنت ھر یکے ءَ ￴تئی نام دپ ءَ ￴اِنت ءُ ￶ گوں تو کِسہ کنت۔وھدیکہ من دزگْوھارانی کِر ءَ رو آں گڑا گیشتر تئی بابت ءَ ￴گپ کن اَنت۔ بانڑی تو منی واست ءَ ￴یک نہ کُٹوکیں کتابے جوڑ بیتگ ئے۔ من اے کتاب ءَ ￴سرجم ءَ  ونت اوں نہ کنگ ءَ ￴آں

ھو من و ءُ ￶ زان آں کہ تو اَنچیں دنیایے ءَ ￴شُتگ ئے ￷کہ ناں منی کلو ءُ ￶سلام گِلگ ترا سر بنت ناں کہ تو پد ءَ ￴پہ من کائے۔ نوں من زان آں تو پہ من اَتک نہ کن ئے ￷۔بس ھمے گْوش آں تئی دومی جھان آسودگ بات، تئی دومی دنیا وش بات۔ بانڑی، تو نمیران ئے۔