نبشتہ کار: مولابکش رئیسی
بلوچ وت یک جتاھیں راجے ایشی ءِ تہ ءَ ھچ شَکے نیست انت۔چی ءَ من گْوشاں بلوچ یک جتاھیں راجے؟پرے ھاتر ءَ من گْوشاں بلوچ یک جتاھیں راجے،جُتا چہ گجر ءُ پنجاپی ءَ پمشکا کہ بلوچ ءَ وت ءَ یک جتاھیں زبانے ھست انت،بلوچ ءَ وت یک جتاھیں سرزمینے ھست۔بلوچ ءِ دود ءُ ربیدگ اگاں چہ اے دوئیں کوھن تر نہ انت گُڑا ھمریچ بیت کنت پرچہ کہ مھرگَڑ ءَ گوستانک زانانی گْوشگ ءِ پد ءَ نزیک نُہ داں دہ ھزار سال بیت ءُ ھمے کَچّ ءَ ھم بلوچی زندمان انت ھمے سرزمین ءِ سر ءَبلہ بلوچ ءِ اے نزوری ءُ بے وانندگی بیتگ یا انگریز ءِ سازاتگیں پندل ءُ ریپکاری بیتگ مروچی بلوچ گجر ءُ اوگان ءُ پنجاپی ءِ بندیگ جوڑکنگ بیتگ ءُ چہ ھر ھما نوک ءُ دیمروئی کنوکیں زند ءَ زبھر ءُ ڈالچار کنگ بیتگ ءُ پَشت کپتگ ھچ بلوچ ءِ سر زمین بھر ءُ بانگ کنگ بیتگ ھچ نی گجر دلمانگ انت بلوچ ءَ چہ ھمے پَشت کپتگیں زمین ءَ چہ بلوچ ءَ پَچ بہ گِرایت ءُ بلوچ ءَ چہ وتی جند ءَ سرزمین ءَ جلا بہ کنت ءُ دراں ڈیھ بہ کنت۔
بلوچ ءَ بائدانت اے گَپّ ءَ دلگوش بہ کنت مَکران ءَ ایران ءِ”پایتخت”بَیَگ ءِ دیم ءَ بہ اوشت ایت ءُ ھر ھما بلوچے اگاں بَگَلُک جَنَگ ءَ انت ءُ وَشّ انت کہ چھبار یا ھر دگہ یک ھَلکے چہ مکران ءَ ایران ءِ”پایتخت”جوڑ بہ بیت آیانی دَپ رَند ءَ چو جَور ءَ بیت ءُ بلوچستان بلوچستان نہ مان ایت ءُ بلوچے ھم پَشت نہ کپ ایت۔ھست انت ھنچیں پھوال ءُ نا سرپد ءُ وابیں بلوچ کہ گجر ءِ تھت ءِ پادگ ءَ بستگ انت بہ گندئے گجر ءَ بہ اے کار ءِ دیم ءَ بَرَگ ءَ ھمبراہ داری ھم بہ کن انت،ما اے بلوچاں ڈاہ دَیَگ لوٹ ایں کہ چوشیں بلوچ کہ گجر ءِ ھمبراہ داری ءَ بہ کنت پہ بلوچ ءِ سرزمین ءِ ناموران ءُ گار کنگ ءَ بلوچ ءِ جند ءِ گار کنگ ءَ آ بلوچ،بلوچ راج ءُ بلوچستان ءِ دُژمن زانگ بیت۔
گجر ھچبر بلوچ ءِ دیمروئی ءُ گھبودی وَشّ نہ انت ءُ گجر ھچبر نہ لوٹ ایت بلوچ ءِ دود ءُ ربیدگ ءُ بلوچی زبان دیمروئی بہ کنت مکران ءِ کجام ھم ھَلک ءُ جاہ ءَ ایران ءِ”پایتخت”جوڑ کنگ پندل ءُ ریپکاری یے پہ بلوچ ءِ زبان ءُ دود ءُ ربیدگ ءُ زمین ءِ پَچ گِرَگ ءَ۔
