ما گُلام ایں

نبشتہ کار ، چراگ بلوچ

انچش کہ ما ءُ شُما سرپدیں کے ما گُلامیں ، مئے زمین گُلام اِنت ۔ مئے راج گُلام اِنت ۔ ما یک گُلامیں زندئے گوازینگ ءَ ایں ۔  مئے ماتیں زمین دژمن ءَ دزگیر کرتگ  ءُ مئے مال ءُ مڈیاں ورگ ءُ هیش کنگ ءَ اِنت  بلے بلوچ ءِ چُک مرچی دگانی سرّ ءَ کپتگ اَنت ، ءُ در پہ در اَنت ، کسے ءِ پت بیگواہ اِنت ، ءُ کسے ءِ برات کسے ءِ ژنگولیں لاش چگل دیگ بوتگ ، کسے چہ وتی پت ءُ پیرُکی ھلک  ءُ میتگاں در کنگ بوتگ ۔ اے ھپتاد سال اِنت کہ پاکستان ءَ  وتی زورانک ھمے وڑ ءَ برجاہ داشتگ ۔ بلوچستان ءَ پہ بلوچ ءَ ھچ وڑیں اسراتی نیست  بلوچانی همک میتگ سُتکگ همک لوگ ویران اِنت ، ھر کُجا بلوچ ءِ چُک گریوگ ءَ اَنت ، ھر نیمگ ءَ بلوچ ءِ سر ءَ  زورانکی بوگ ءَ اِنت ، ھر نیمگ ءَ بلوچ ءِ چُکچینی بوگ ءَ اِنت ، بلوچ چِہ اَلم ءُ زانت ءَ دُور کنگ بوگ ءَ اِنت ، بلوچ ءَ مات ءُ گُھار دگانی سرا کپتگ اَ ت ، اے ناشریں ریاست ءَ بلوچ ءِ گوما ھچ وڑیں شری نہ کُرتگ ،  

۔ مارا اے سرپد بوگی اِنت  کہ ما گُلام ایں ، اے درستیں چیز مارا گلامی ءِ تہ ءَ رسگ ءَ اَنت، بلے مارا نوں چہ اے گلامی ءُ زورانکی ءَ چہ در آیگی اِنت ۔ پاکستان اے چیز ءَ هچبر  نہ لوٹ ایت کہ بلوچ بہ وان ایت بلوچ چیزے بہ زانت ءُ سرپد بہ بیت ،،  پرچاکہ کہ پاکستان ترس ایت کہ اگاں  بلوچ ءَ ونت بلوچ ءَ چیزے دربرت گڑا بلوچ وتی گلامی ءَ سرپد بیت بلوچ کوم زانت کہ من گلاماں منی سر ءَ زلم ءُ زورانکی بوگ ءَ اِنت وتی بدیں جاوراں سرپد بوت ، گڑا پاکستان اے چیز ءَ هچبر نہ لوٹ ایت- ، پمیشکا پاکستان وتی زورانکی ءَ مهکم کنگ  لوٹ ایت ،، آ همے لوٹ اِیت کہ بلوچستان ءَ ونگ ءُ زانگ مہ بیت ءُ بلوچ ھچ سرپد مہ بیت ، بلوچ گار ءُ بیگواہ بہ بیت ، بلے آ وتی جھد ءَ بے سوب بیتگ ، پاکستان لوٹ ایت بلوچ ءِ زبان ءُ بلوچ ءِ ربیدگ(Culture) گار ءُ بیگواہ بہ بیت کس مہ زانت کہ یک کومے بیتگ آ کوم ءِ نام بلوچ بیتگ ، پاکستان لوٹ ایت کہ بلوچ ءِ نام ءُ نشان گار بہ بیت 

بلے بلوچ نوں سرپد اِنت کہ من یک گلامیں کومے آں-

هو پاکستان ءَ ھر وڑیں جھد کرتگ پہ بلوچ ءِ گار ءُ بیگواہ کنگ ءَ بلے ھر وڑ ءَ بے سوب بیتگ ،، بلوچ نوں اے سرپر اِنت کہ من یک گلامیں کومے آں، من پہ زور گُلام کنگ بوتگ ۔ بلے مارا نون اے گلامی ھلاپ ءَ جنگ کنگی اِنت ، کربانی دیگی اِنت۔ وتی زمین رکینگی اِنت ۔ وتی آیوکیں رکینگی اِنت ۔ وتی زبان رکینگی اِنت۔ اَگاں مروچی ما گُلامی ءَ ھلاپ ءَ جنگ نہ کُت کربانی نہ دات ۔ گُڑا باندا مئے واست ءَ ھم پشت نہ کپیت ۔ مئے نام ءُ نشان گار ءُ بیگواہ بیت ۔

بلوچ بات اِت یکجاه بات اِت شالا سوبین بات اِت