نبشتانک: بیا شھیداں یات کنیں

نبشتہ کار: دُرّین بلوچ

سیزدہ نومبر شھمریں شھیدانی روچ
پہ وتـن کربان بیتگ اَنت میریں بـلوچ

ھزراں دْروت پہ بلوچ ءِ شھیداں کہ آھاں وتی زندگی پہ بلوچ راج ءَ پہ وتی گلزمین ءَ کربان کتگ ، آ ھرچ پیمیں سکّی ءُ سوری ءِ سگگ ءَ اوشتوک ءُ ساجو بیتگ اَنت ،داں گُڑّی ساہ ءَ گوں دژمن ءَ مِڑتگ ءُ نمیران بیتگ اَنت ءُ راجدپتر ءَ پہ مدام وت ءَ جاہ اش داتگ چشکہ سیزدہ نومبر شھیدانی یات کنگ ءِ روچ اِنت پمیشا من ھم ھمے ھیال کرت کہ پہ شھیداں چیزے نبشتہ بہ کن آں تا وت ءَ تاھیر بہ رس اِیت، بلوچ راج ءَ مدام وتی شھید شرپ بکش اِتگ اَنت، آیانی سالروچ بہ بنت یا آیانی مانش بہ بنت، آیانی نام بہ بنت ، بلوچ ءَ مدام پہ وتی شھیداں پھر بستگ ، پہ مڑاہ آ اش ساڑا اتگ انت۔
بلوچ ءَ ھمک اھد ءَ ھِچ وڑیں زوراور ءُ کبزہ گیرانی دیم ءَ وتی سرجھل نہ کتگ ، بلوچ ءَ پہ وتی ننگ ءُ ناموس ءَ پہ وتی زمین ءَ ھمک اھد ءَ گچینی سرانی کربانی داتگ ءُ انگت دیگ ءَ اِنت ، مرچی بلوچ ءِ شھیدانی لڑ سک دراج ءُ شاھگان اِنت۔
با سمائیں راج!
گوں شما دزبندی اِنت کہ شمارا ءَ ھرکس ء َ کہ ھرچ شھیدے ءِ گوما وھد گوازینگ ءِ موہ رس اتگ گڑا وتی شھیدانی یاتاں نبشتہ بہ کن ِاِت ، شھید کل بلوچانی شھید اَنت ، شھیدانی شیراں ، آیانی گشتناں ، آیانی زند ءُ ازم ءِ سر ءَ نبشتہ بہ کن ات، شھیدانی داتگیں دیمھونی مارا جنزگ ءِ سکین ءَ دے اَنت، آیانی کار ساڑیگ ءِ مھتاج نہ انت بلے اے مئے زمّہ واری اِنت کہ وتی شھیداں یات بہ کن ایں۔۔