نبشتہ کار: زهیر بلوچ
دروت مودی جان۔!
امیت کناں تو گوں سنگتاں نشتگ ءُ گوں اجبیں چاڑے ءَ دیوان ءَ ئے،من ءَ یات انت 2013 ءَ تو من ءَ گوں سنگتاں ھوار کت ءُ من تئی کر ءَ مُدام نشت ءُ پاد اتکاں گُش ئے مودی جان آ وھد ءَ تو من ءَ سک دوست بوت ئے من مُدام تئی کر ءَ نشت آن ءُ تو وتی دست منی سر ءَ ساھگ کُرت تو گُشت سنگتاں اے گونڈل من ءَ سک دوست بیت، اے گونڈل منی انت ایشی ءَ گوں شما ھال مہ کن ات، اے بس منی ھساب ءَ انت۔
مودی جان تئی ھال اھوال شہ ھمود ءَ گوں من ءَ بندات بوت سال ءُ ماہ گوزان ات انت تئی مھر پہ من گیش بوان ات انت مودی جان تئی ھر گپ ھر کار کہ تو کُرتگ ات ءُ گُشتَگ ات اَنت من گوں شریں وڑے ءَ تئی گپ تئی کار کُرت انت ءُ دلجم اتاں کہ تئی پند براتگیں زھیر الم من ءَ آپسرے ءَ سر کن اَنت۔
مودی جان من ترا 2018 ءَ گوں ڈیک وارت تو باز کند ات ءُ گُشت ءُ گوں سنگتاں مزاک کُرت تئی مزاک تئی گپ تئی کندگ دُرست مارا یات انت، تئی مھر ءِ چیدگ سک باز انت تو مارا ھمینکس مھر داتگ کہ تا گیدی مان ایت من اش کساس کرت نہ کن آں نیکہ من ءَ تئی داتگیں پنت آرام ءَ کِل اَنت تو پہ من انچش مھروان بیتگ ئے کہ من ھر ڈل ءُ ڈوکے کہ لگت کن آں تئی گیر من ءَ سِرّ بندین اَنت، مودی جان من ءَ یات انت 2015 ءَ تو گوں سنگتے ءَ سنگر گپتگ ات ءُ مھکمی نشتگ ات ئے من اَتکوں تئی گور ءَ تو گُشت گونڈل بیا نزیک ءَ من تو گپ کن ایں من تو گپ کُرت دیوان کُرت دمانے ءَ پد تو گُشت دُژمن نزیک اِنت تو ننِد سیل بکن من گُشت جگر من اَنگت کسان اوں انو شمئے باری اِنت، مئے باری کیت ءُ دومی سنگت ءَ کند ات ءُ گُشت ھو گند ئے گونڈل راست گُش ایت تو گشت ھو اے گونڈل راست گُش ایت، گُڑا گونڈل تو چے کن ئے تو رو ئے من گُشت هو من شمارا موکل گراں گُڑا من شمارا موکل گپت دیم پہ وتی نیمگ ءَ رھادگ بوتاں۔۔
مودی جان من مُدام مزاک کُرت ءُ گُشت من ءَ گوں وت نہ بر ئے من نُو مزن بوتگاں تو کند ات ءُ گُشت تو چے کن ئے تو گون ئے گُوں، ما شما ھوار ایں تو چی ءَ دل ءَ جیڑ ئے بس تو بہ نند منی واست ءَ پائدگ انت کہ تو شھرانی تہ ءَ ھالے دے ئے تو بس منی کِر ءَ ھالے بکن تو گون ئے تو گوں سنگتاں ھوار ئے اے جھد ءِ تہ ءَ من گُشت ھو تو انچو گش ئے تو گُشت ھو۔۔۔
مودی جان گُش ئے دو سے ماه ات منی دل ءَ را تُرس کپتگ ات مُدام منی دل ءِ سر ءَ تو اَتک ئے من ءَ ھمے گمان بوت منی سنگت شھید بیت پد ءَ من وتی دل ءَ را دُروگیں تسلہ دات ءُ بچکند ات ناں مودی جان ءَ ھچ نہ بیت اے لگور مئے دوستاں ھچ کُرت نہ کن انت۔۔
مودی جان تئی جاه آسُودگ بات گوں شھیداں ھوار بات ئے بہ بکش ارواه تئی گیشیں گپ گوں من نبشتگ کنگ نہ بوت انت منی ارواه ھر کد کہ منی دل ءِ سر ءَ گک اِت اَنت ءُ پہ تو ایشاں درشان کنگ ءَ راھے پٹگ ءَ ات آں بس دگہ تورناکیں درد گوں من سگگ نہ بنت ءُ ارسیگیں چماں گوں ترا رکست کن آں کل شھیدیں ھمگنگلاں دروتاں سر کن مھروانیں ھمبلو ۔۔
داں جھان ھست، ھست ئے
داں جھان ھست، زندگ ئے
بھشت ءَ بات ئے ھمبلو
ابدمان ئے
