نبشتہ کار: اسد بلوچ
سال 2017 اَت ءُ ھشتُمی ماہ اَت مئے لوگ کولواہ ءِھند جَتّ ءَ ات اَنت کہ یک سُھبے ما بچک ءُ جنک درس وانگجاہ ءَ روگ ءَ ات ایں پہ وانگ ءَ من سک کسان اتاں ما وانگجاہ ءِ نزیک ءَ رس ات ایں کہ پاکستانی لشکر ءِ جنگی بالگردانی (ہیلی کاپٹرانی) توار بوت دیر نہ بوت کہ بالگرد رس ات اَنت رسگ ءَ گوں
ھوار جنگی بالگرداں تیرگواری بندات کُرت۔
چہ جنگی بالگردانی تیرگواری ءَ ما سک تُرس ات ایں ھرکس زوت تتک اَنت ءُ وتی گساں شُت اَنت، اے بالگردانی تر ءُ گرد برجاہ اَت کہ جھلی لشکر ءِ بازیں گاڑیانی کاروانے آتک اَنت ءُ کوھانی نیمگ ءَ ترندیں تیرگواری برجاہ اَت سرجمیں میتگ پاکستانی لشکر ءِ کارمنداں انگر کرت ءُ جنگی بالگرداں کوھانی سر ءَ کمانڈو ایر کُرت اَنت من وتی دل ءَ گشت کہ اللہ سنگتاں سلامت پہ کنت۔۔
داں دیر ءَ تیرانی توار پیداک اَت منی ھچ سر پر بوگ ءَ نہ اَت کہ چی بوگ ءَ اِنت دیر نہ بوت کہ انچیں لوڑے ءُ گواتے آتک اے لوڑ مئے میتگاں سر بوت اے گوات انچو تُرُند ات اے گوات ءُ لوڑ ءَ ھوار جمّرے آتک کم کم ءَ ھور بندات بوت اے گوات ءُ ھور داں دیر ءَ برجاہ بوت اَنت۔
پاکستانی لشکر ءِ گاڑی یک وڑ ءَ روگ ءُ آیگ ءَ اَت اَنت مئے لوگانی نزیک ءَ یک مزنیں زیارتے ھست ات ما ھما زیارت ءَ شُت ایں پرچا کہ اے زالمیں لشکر ھچ کس ءَ ماپ نہ کُرت پد ءَ گُڈی روچ ءَ ما چہ اود ءَ درکپت ءُ آتک ایں ڈنڈار ءَ پد ءَ سے روچ ءَ پد گوں سنگتاں ھال بوت کہ یک سنگتے ٹپی بوتگ ءُ دو سنگت انگت گار اِنت ءُ پنچ روچ ءَ پد ھال آتک کہ سنگت گنی ءُ ابدالمالک پنام ریکی گوں دژمنیں لشکر ءَ جنگ ءَ شھید بوتگ اَنت، شھید گنی کہ مشکے نوکجو ءِ جاہ منند اَت ءُ شھید ریکی مرماسی ءِ جاہ منند اَت۔۔
من ءَ سک ریکی ءُ گنی یات اتک انت من ءَ یات بیت کہ پیسر ءَ یک جنگے ءَ منی ناکوے ٹپی بوتگ اَت گڑا گنی جان ھر وھد ءَ آئی ءِ ٹپانی درمان کنگ ءَ آتک، شھید ریکی مئے زامات اَت کہ آئی ءَ دو زھگ ھست اَت آ وھد کہ ریکی شھید کنگ بوت آئی ءِ زھگ سک کسان ات اَنت۔۔
من شھید ریکی ءَ گوشگ لوٹاں کہ تئی زھگ شبیر ءُ شکیلہ نوں مزن اَنت نوں آ زان اَنت کہ مئے پت پہ وتی ماتیں وتن ءِ ھاتر ندر بوتگ ریکی جان چہ تو پد دگہ بازیں سنگتاں وتی وتن ءِ ھاتر ءَ ساہ کُربان کُرتگ اَنت ریکی جان چہ شمئے شھیدی ءَ پد مجید برگیڈ ءِ بازیں جنگولاں وتی جان ندر کُرتگ من آیانی کِرد ءَ نبشتہ کُرت نہ کنان ءُ نیکہ من پرایاں نبشتانک نبشتہ کرت کناں۔
سنگت شما ھر دوئیں نمیران اِت۔
بلوچستان آجو بات۔
