نمدی یے پہ شھید مھروان جان ءِ نام ءَ

نبشتہ کار: ھوران بلوچ

اُمیت کن آں تو چہ من ءَ دلگران نہ ئے اگاں دلگران ئے چہ تو پھلی لوٹ آں مھرو جان من ءَ تئی روگ انگت باور نہ کنت تو زان ئے مھرو جان تئی روگ ءَ رند زندگی سک گران اِنت تو زان ئے شپانی پاس ءَ من تئی یات ءَ کپ آن ءُ ترا جیڑاں کہ مھرو ترا انی روگی نہ اَنت،،، بلے تو شُت ئے مھرُل تئی سور ءَ انگت شش ماہ سرجم نہ اَت ،،تو وت ءَ پہ زمین ءَ کُربان کُت۔

منی مھرُل زاناں ترا پہ کے ءَ زھیر بیتگ؟ ترا پہ برمشُل سنُل ءُ نودُل ءَ زھیر بیتگ مھرُل ترا یات اِنت کہ تو مُدام تو وتی اسٹیٹس ءَ برمشُل ءِ اکس ایر کُتگ ءُ نبشتہ کُتگ کہ تئی ترانگ گوں من زرت نہ بنت چو بولان ءِ کوہ ءَ گران اَنت،، ءُ ترا ءُ تو ھر وھد ءَ سناء ءِ اکس اسٹیٹس ءَ کُتگ ءُ نبشتہ کُتگ کہ تو ھر جاگہ ءَ گیر کائے ءُ نودُل ءِ اکس وتی اسٹیٹس ءَ کُتگ ءُ نبشتہ کتگ اَت کہ جنگانی کسہ تو ئے بلے مھرُل من نہ زانت کہ تو وت ءَ را اشتاپ اشتاپ ءَ پہ گُلزمین ءَ ندر کن ئے تو وتی لاڑکیں ھوران ءَ تھنا کن ئے مھرُل تو پہ ھرکس ءَ مھروان اِت ْئے من نہ زان آں پہ تو چے نبشتہ بہ کن آں ؟ پرچا کہ تئی مھر انچُش باز اِت اَنت کہ من پہ تو اگاں کِتابے نبشتہ بہ کن آں منی دل ءَ کم اِنت، تئی روگ ءَ رند سک ابیتک اِنت،انچُش سما بیت کہ زندگی بے تو وش نہ اِنت مھرُل تو زان ئے شمسُل ءَ بے تو سک زھیر کنت ۔

چو منی وڑ ءَ مھرُل من گُشت کہ تو ائید ءِ سھب ءَ گوں من ھال کن ئے من تو برات ءُ گُھار ھردو ھک پھلی کن اِیں یک ءُ دومی ءِ گوما منی ءُ تئی ائید ھمد ءَ چہ ھلاس بہ بیت بلے مھرُل تو من ءَ ائید ءَ چہ پیسر یلہ کُت مھرُل تو وتی ساہ ندر کُت پہ گلزمین ءَ مھرُل من گُشت تئی سنگتاں ھمے امیت داشتگ کہ ترا چہ پد تئی گلزمین ءَ تئی ھمبل سمبال اَنت تئی آجوئی ءِ لوٹ ءَ سرجم کن اَنت مھرُل جان تو وتی سر پہ گلزمین ءَ کُربان کُت مھرل من بس گُڈسر ءَ ترا انچُش گشگ لوٹ آں کہ تئی ارواہ آسودگ بات باگیں بھشت ءَ بات ئے گوں ھمبلاں تئی گھار ھوران بلوچ مھرُل زند ءَ وپا کُت دیم ءَ دگہ ھزار نمدی پہ تئی رتکگیں ھوناں کُربان کن آں۔۔۔۔۔