![](https://zrumbesh.com/article/wp-content/uploads/2024/07/IMG-20240724-WA0074-1440x720.jpg)
![](https://zrumbesh.com/article/wp-content/uploads/2024/07/IMG-20240724-WA0074-1440x720.jpg)
نِبشتہ کار: سبزو بلوچ
بہ زان پہ راجی جُنز ءَ جیڑگ وتی تب ءِ یلہ کنگ وتی واھشاں ایرماد کنگ، بس پہ راجی جنز ءُ وتی ھمراھانی بارو ءَ جیڑگ۔
وتی پجّار ءِ بارو ءَ پگر کنگ کہ اِے نوکیں نام ءُ پجّار کہ من ءَ گوں بندوک اَنت، ایشانی پُشدر چون اِنت،،۔
من ءَ مردم جھد کار پرچا گُوش اَنت؟
من گوں گلّے ءِ پارٹی ءَ پرچا بندوک آں؟ منی گوں گلّ ءَ زِمہ داری چے بوت کن اَنت؟
اِے توپگ کہ منی بڈ ءَ اِنت اِے توپگ ءُ انچائیں توپگ ءِ توک ءَ چے پرک اِنت؟
منی کتگیں ھرچ کار گوں منی جند ءَ بندوک نہ اِنت چی ءَ آ کارانی شرّی ءُ ھرابی راجی جنز ءُ ایندگہ سرمچار ءُ جھد کارانی سر ءَ بہ اَنت پرچا؟۔ اِے پیمیں دگہ بازیں جُست ءُ سرپدی ھست اَنت کہ مارا چہ وتی جند ءَ رس اِت کن اَنت۔
اگاں ما وتی زانگ ءِ جھد ءَ بہ کن ایں۔
وتی زانگ ھما نہ ھلوکیں سکین ءُ دِلبڈی اِنت کہ بھ مردم ءَ نزوری ءَ نئیل اِیت۔مردم ءَ
مُدام توانگر کنت ھرچ آیوکیں جاورال ءَ پہ جاڑِیگ کنت۔
وتی زانگ ھرچ اِلم ءُ زانت ءِ سرچمّگ اِنت۔ وانگے بیت یاکہ دگہ کارے آئی ءِ راستیں دروشم ءَ ھما وھدی مردم دیست کنت کہ وت ءَ چہ آژناہ بیت، ابید چہ وتی زانگ ءَ مردم گوں چیزاں بس وھد گوازینت کنت دگہ سرپدی آئی ءِ توک ءَ نئیت اِنت۔
چہ وت ءَ نا آشنائی ھرچ ھما کار ءَ چہ دلپروشی کار اِیت کہ مردم آئی ءِ کنگ ءِ واھگدار بیت۔ باز براں ما دیستگ کہ مردم چہ وتی ھما کار ءَ دلپروش بوتگ اَنت کہ آیائی ءِ کنگ ءَ پہ ھُدوک بوتگ یاکہ کسانیں ناگیگی ءَ آئی ءَ را دلپروشی ءِ نیمگ ءَ بارت اِنت ھے دلپروشی ءُ دمبرگ وتی جند ءِ نہ زانگ ءِ نِشان اَنت۔۔۔۔