بلوچ راجی مُچیّ

نبشتہ کار: دادشاہ بلوچ

بلوچ ھما راج اِنت کہ آئی ءِ گوْستانک وت اے ھبر ءِ گْواھی ءَ دنت کہ ھر ریاستے کہ بلوچ سرزمین ءِ سر ءَ اتکگ گڑا بلوچ ءَ آئی ءِ گھگیری کُرتگ ءُ ریاست لاچار ئِے کُتگ کہ بلوچ ءِ سرزمین ءَ یلو بِہ دنت ،ھمے رنگ ءَ

(107 سال ) 4 چار ماہ ءُ(  15) روچ ءَ تاں)  بلوچ ءَ برتانیہ ءِ وڑیں مزنیں ریاستے ءَ گوں گھگیری کرتگ ءُ دانکہ پْروش ئِے داتگ،پد ءَ ( 7ماہ) ءُ 17} روچ ءَ بلوچستان یک آزادیں ریاستے بوتگ ،دانکہ (27/1948) مارچ ءَ پاکستان ءَ زورانسری ایردست کُتگ گڑا ھما روچ ءَ  بِگر دانکہ مروچی بلوچ ھما اِنت کہ  گھگیری کَنَگ ءَ اِنت، بلکیں زی بلوچ ءِ توار جھان ءَ سر نہ بوتگ بلے اے دَور ءُ زمانگ ءَ کہ ٹیکنالوجی ءَ ھمینچو دیمروی کُتگ تو وتی گِس ءِ تہ ءَ بہ نِندے وتی کلو ءَ جھان ءَ سر کُت کن ئے ، مارا مروچی ٹیکنالوجی ءِ آسر ءَ وتی کلو سرجمیں جھان ءَ سر کَنَگ لوٹ ایت کہ بلوچ چونیں زوراکیانی دیمپان اِنت ، اے اولی رند اِنت کہ بلوچ راجی مُچّی یے وڑیں جلسھے بلوچ یکجھتی کمیٹی نیمگ ءَ (28) جولائی ءَ گْوادر ءَ بیگ ءَ اِنت ،اے جلسہ بلوچ راج ءِ یکجاھی ءُ تپاکی ءِ مانزمان اِنت،ھرچ بلوچ ءِ سر ءَ پرز اِنت کہ وتی گِس ءَ چہ در بئیت اے جلسہ ءَ بھر بہ زور ایت ، اگاں مروچی ھرچ بلوچ  کہ در نیتک گڑا پد ءَ آئی ءَ اے موہ نہ رس ایت کہ وتی توار ءَ جھان ءَ سر بکنت مروچی سرجمیں جھان  ءِ چم ترا سکّ اَنت ترا چارگ ءُ گوشدارگ ءَ اِنت، انگت ھم اگاں تو تُرس ءِ آماچ بوت ئے اے راجی مُچّی ءَ وتا بے بھر کرت  پہ جزم اے گپ ءَ بزان کہ تو ھم یکروچے بیگواہ کَنگ بئے  پرچاکہ تو ھم بلوچے ئے پاکستان بلوچ کنت ءُ بارت  بیگواہ کنت ءُ پد ءَ آیانی کُنٹّاں جنگل ءُ گریشگاں چگل دنت ،بیا ات اے راجی مچی ءَ دُرس وت ءَ ھَوار گیج اِت، پاکستان ءَ ھوار دْراھیں جھان ءَ اے کلوہ ءَ سر کن ات کہ بلوچ یک زندگیں راجے وت راج ءِ زندبکشایگ ءَ ھمک پیمیں گامگیج زیر ایت۔۔۔