سپرے گوں پدائی سنگتاںسرگوست: بادل بلوچ

دو روچ اَت چن ءُ لانچ انت مارا بُرزی سنگتاں گُشتگ اَت دیم ءَ مزنیں جنگے هست انت دو روچ ءَ پد ما گوں سنگتاں سپر بندات کُت اے سپر ءَ مارا بیست ءُ دو روچ لگ اِت، گُڑا ما گوں پدائی لشکر ءَ بزاں کہ گوں (مجید برگیڈ، فتح اسکواڈ، اسپیشل ٹیکٹیکل اسکواڈ، ءُ انٹیلجنس ونگ) ءَ هوار بوت ایں ما (STOS) ءِ باسک ات ایں ما بیست ءُ دومی روچ ءَ گل ءِ مزنیں اوتاگ ءَ سربوت ایں چہ آپسر ءَ لاگر ءُ وشرنگیں دو سنگت دراہ بوت وهدے اود ءَ سر بوت اَنت دانکہ چہ دوئیں سنگتاں یک سنگتے سلال جان اَت دومی شھداد پُل اَت  منی گوں گندگ ءَ سلو ءَ  بچکند اِت  ءُ من ءَ بگل ءَ ئِے کُرت پرچاکہ من پیسر ءَ  شھر ءَ گُوں سلال جان ءَ باز هوار بوتگ ات آں گُڑا من آپسر ءِ گیلن چست کُت اَنت داں اوتاگ ءَ گپ جنان گوں چیر ءُ اندری ءَ سنگتانی بازیں مُچّی یے هست اَت کساس دو سد  سنگت ءَ بُرز ات اَنت، ھر سنگت وتی کاراں گوں دزگٹ اَت یک نیمگے پسانی کُشگ یک نیمگے دیگ ءُ نان کنگ یک نیمگے جنگی ساز ءُ سامانانی هیلکاری گُڑا من سلال جان ءَ زُرت کمو  گستا شُتاں آئی ءَ منی هال اهوال ءُ من آئی ءِ هال اهوال دمگی گپ ءُ تران گوستگیں زمانگ ءِ شھری کسّہ دُرست آؤرت اَنت ءُ یک دومی را بگل ءَ کُرت کندگ ءُ مزاک اَت، چہ اوتاگ ءِ نیمگ ءَ سنگتے ءَ توار جت شےمرید ترا کمانڈر تَوارا اِنت بزاں شےمرید سلال جان ءِ گلی نام اَت گوں سنگت ءِ توار ءَ   گڑا ما اوتاگ ءَ شُت ایں آپریشن کمانڈ ءَ گُشت بادل تو ترمل ءِ کار ءَ زان ئے ناں؟ من گُشت کمو باز زاناں سوج سر بہ بیت لازم زاناں ئِے گُڑا گُشت ئِے شےمرید جان بادل ءَ باز پوه بہ کن کہ مزنیں جنگے ءِ تیاری هست اِنت ترمل ءِ هوالہ ءَ گُڑا من ءَ داں چار ساھت ءَ سلال جان ترمل ءِ هیلکاری دات سنگت ءَ توار پر جت بیا ات ورگ تیار انت سلال جان ءَ گُشت برویں کہ دو روچ ببتگ من نان نہ وارتگ سیاهیں چاه ءُ کُرنواں گوں سپر گوستگ گُڑا ما شُتیں یکیں تال ءِ تہ ءَ گوں ده سنگت ءِ هواری ءَ ورگ وارت گوں سنگتاں پد ءَ مئے هما گپ ءُ کسّہ بندات بوت اَنت داں شپ ءٍ دوازده بج ءَ گُڑا مئے اوتاگ ءِ سنگتے  آتک گُشت ئِے بیا بادل وسپ کہ سپر باندا مزن انت گُڑا سلال شُت وتی سنگتانی نیمگ ءَ من شُتاں وتی سنگتاتی نیمگ ءَ ما دوئیناں گوں هواری ءَ گُشت کُربان ھواریں گُڑا شپ گوں سلال جان ءِ گندگ ءُ گوستگیں هیالان ءُ شھری کسّھاں سُھب بوت۔۔

وھدے سُھب بوت چاہ وارت گُڑا کساس بیست ءُ پنچ سنگت درکپت بس دست بُرزا کُت اَنت کُلّاں یکجاهی ءَ گُشت (آواراں آواراں آزادی ءَ داں آوارں) گُڑا سلال جان ءَ منی نیمگ ءَ اشاره کُت لھتیں کوڑ ورڈ ئِے گُشت کہ اے سرگوست ءٍ تہ ءَ گُشگی نہ اَنت دو ساعت ءَ پد مئے سنگت تیار بوت اَنت وتی آرت ءُ راشن چار بڈ ئِے کُت اَنت دیم پہ وتئ جنگجاه ءِ نیمگ ءَ رهادگ بوت اَنت، مئے سپر ءَ پدائی لشکر آوار اَت شهید پدائی اتا مئے لیڈ کنوک اَت دو روچ ءِ  سپر پہ کندگ پہ شاتکامی گوست ، گُڑا ما چلّ سنگت بوت ایں ھر گُروپ ءِ (Paltune) ءِ جنگجاه الگ اَت گُڑا مئے جنگجاه الگ اَت سنگت اتا جان گُش ایت شُما دیم پہ کولپور ءَ بہ رو ات ما الگ بہ ایں مئے دیم گوں مچّ ءَ  اَت منی گُڈّی دیدار گوں اتا جان ءُ پدائی نزام جان ءَ همد ءَ بوت۔۔

مئے Plain چہ مزنیں اوتاگ ءَ کولپورے جوڑ بوتگ اَت سنگتانی سر ءَ پوجی پوزیشن بھر بوتگ ات اَنت، کہ کُجام سنگت را کُجام کار گوں ایمانداری ءَ کنگی اِنت، وھدے ما جنگجاه ءَ سر بوت ایں یک نیمگے ءَ ریاستی مردُم کُشیں ٹُولی (مولا بخش) پنام ءِ مولو یک نیمگے  کسٹُم ءُ لیویز ءِ دزگیری،سلاهانی دست گرگ، یک نیمگے مولو ءِ هما جاگہ کہ مردُم سزا دیگ بنت شراب نوشی بیت ایشانی تباه کنگ، شپ ءٍ یازده بج بوت چہ هوٹل ءَ همے مزدور کشگ ءُ دیم پہ دیم ءَ مسجدے هست اَت راه دات اَنت اش چہ دوکاناں ورگ جوس سامان چہ چادر پُر کُت ءُ دات اَنت کمّے وہد ءَ پد پوج ءِ هشت گاڑی گوں تیزی ءَ چہ شال ءٍ نیمگ ءَ دیم پہ مئے جنگجاه ءَ سر بوگ ءَ اَت جنگ یکشل ءَ برجاه اَت یک نیمگے ءَ ایل ایم جی ءِ گرینگءُ دگہ نیمگے ءَ  ترمل یک نیمگے ءَ آر پی جی، داں شپ ءٍ 2:45  ءَ ریاستی پوج ءَ پُروش وارت چیزے مُرت ءُ چیزگ ٹپّی بوت وتی ڈونڈ اش زُرت اَنت واتر بوت سُھب بوت بالی پرکّانی آیگ ءِ تُرس ءَ وت ءَ را جھل کُت نہ کُت کمو جھل بوت اَنت،دہ شیکّھے سر ءِ  نندوکیں سنگتاں نندگ ءَ نہ اشت اَنت ایش دوئیں روچ ءَ دمگ مئے دست  (کنٹرول) ءَ اَت مئے جنگ ءَ دژمن را بازیں جانی ءُ مالی تاوان وارت۔۔

جنگ ءٍ سئیں روچاں پد وهدے سپر بندات بوت واتر بوگ ءٍ چارمی روچ ءَ پد نیٹورکے گپت داں مچ ءِ شھر ءَ 12 سنگت ءَ(مجید برگیڈ) ءٍ پدائی کُتگ ءُ (فتح اسکواڈ) ءٍ یک نرمزارے ءَ گڈی (فلسفہ) ءَ گوں شھید بوت داں گُڈی تیر ءَ وتی ساه ئِے ندر کُت، همے وھد ءَ مجید برگیڈ ءٍ شنگ کُتگیں اکساں سلال جان،نزام جان ءُ گُرو جان ءٍ اکس هوار ات اَنت، بس منی دپ ءَ دراتک کہ یار سلال جان تو گوں همبلاں وتی هک ادا کُت مارا نوں وتی هک ادا کنگ لُوٹ ایت۔۔۔۔